شركات التغذيه منو احسن فيهم وجم نزلنى (الجزء الثانى وبالصور)

[ام الحوراء زينب]

لالالا انا بنتحر
ما امشي كلش حدي ربع ساعه بالمدرسه لووووول
شسوي الجو مايساعد ان شاءالله اروح النصر اشتريلي جهاز مشي عالاقل احلل الوقت بالبيت

 

[Fo$hY Mo$hY]

بنات ليش بنك بيري ممنوع ؟

انا من فتره قريبه قاريه رجيم حق احد الدكاتره نسيت اسمه والله

بس من ضمن الرجيم ع العشا ممكن تاخذين بنك بيري الحجم الوسط

انا لما اخذ بنك بيري ما احط اي نوع من الككاو كله فواكه

 

[ام الحوراء زينب]

فوشي انا كليت الصغير وجوكليت وقف قلبي
ياربي احس بتأنيب الضمير للحين
بس احس ماشبعت ابي الكبير بس حرام بكمل بالرجيم

 

[منال القلب]

أم الحوراء زينب: الشركة مالتي يقيسون نسبة الدهون عن طريق الجهاز الي توقفين عليه. بس مادري الجهاز مال كالوري كنترول احسه مو دقيق كأنه لعبة مستوردة من الصين..


مس لول: اي اي بالضبط انا أعيش هالحالة اني حتى ريحة الكرتون مو قادرة أشمها من كثر ما لايعه جبدي. للأمانة انا جربت دايت كير رمضان الي طاف صح اكلهم شوي بس الستاف مالهم من اخصائيات ومتابعة واااايد ارقى من كالوري كنترول يعني اساسا مافي مقارنة كلش


أنوار: أشكره قاطة نغزة علي انا.. وانا ما قلت شي لو مدققة بكلامي بتلاحظين انه نفس كلامج ان جسم عن جسم يفرق. بس أنا نقلت تجربتي لكم وقلتها لا أكثر وبالعافية أكلج عجبتني الكيكة بالتوفي وهذي لج :eh_s(7):


توتة البسكوتة: لأني كنت امر بظروف وغير دوامي فما كنت أرجع البيت وألقى احد طابخ شي فقلت زلقة بطيحة منها اخفف وزني ومنها اكل صحي. علشان جذي استمريت وياهم 7 شهور متتالية وتوني حسيت على دمي ووعيت انه لاعت جبدي ههههههه


أم مريوم: لا تتحبطين ولا شي عليج بألف عافية. أكلهم من ناحية اللذة فهو لذيذ ومن ناحية انه يشبع فهو يشبع سلطاتهم روعة وحلوياتهم اروع وصوص السلطات روعة مافي أي ملاحظات على اكلهم ما قط مرة شفت زفرة أو شي بايت وباهت كلش طول هال7 شهور.. جسمي أكيد ومتأكدة عن جسمج يفرق.. ماتدرين انتي يمكن تنزلين وياهم بس يبيلج همة..


قطيو:eh_s(7)::eh_s(7): : محد علمني وفتح عيني على " كالوري كنترول " الا انتي.. ههههههههه اي والله شفتي شلون 7 شهور بدون فجة كلش. وطبعا قبل هالسبع شهور اشتركت مع دايت كير شهرين.. وعليج بألف عافية اشتقنالج يا الراس...


=======

بخصوص كالوري كنترول والي مشتركات فيه حاليًا أقولكم:

1- الأكل روعة ولذيذ وصحي وطازج ومو زفر بنسبة 10 من 10

2- معدل النزول من 2 إلى 5 كيلوات فقط ( هذا إذا التزمتي وبدون رياضة ) أما اذا شديتي حيلج ورحتي الممشى نص ساعة باليوم أكيد بتنزلين أكثر

3- بنات للأمانة انا كنت أكل داخل البوكس وبرا البوكس، كنت اخربط ككاو وبرد وبطاط وعايشة حياتي يعني يتني فترة كنت أقول حق نفسي ان الاكل الي بالبوكس صحي ولذيذ.... لما أقولكم أخربط يعني اخربط أخربط عدددددل يعني دب أكل ومع هذا لما اوزن نفسي ألقى نفسي نازلة كيلوين أو كيلو ونص فما بالكم بالي تلتزم؟


4- لما بتروحون المبنى الشركة تذكروا كلامي بخصوص الشيف والاخصائيات وعلى فكرة في عضوة الله يذكرها بالخير اسمها " عنيد " رجعوا بالصفحات ورا وشوفوا كلامها عن كالوري كنترول بتلاحظون نفس الملاحظات..


5- مواعيد توصيل البوكس مضبوطة وان تأخروا 5 دقايق عن موعد التوصيل اليومي يعني اذا يابه لج 7:30 الصبح راح يوصله نفس هالوقت كل يوم وان تأخر ممكن 5 دقايق لا اكثر


6- حاليا مابي اشترك ب ولا شركة ابي اوقف لحد شهر 9 الياي مع بداية الدوام >>>> خبركم انا مدرسة فبحاول اخفف اكل وما أحرم نفسي ابي شوي احس نفسي فري وافتك من الحياة الكرتونية لاني مليت اسخن بالمكرويييف هههههه


تنزلون بالصحة والعافية

 

[فرااااولة]

تصدقون انا كنت مشتركه قبل لمده ثلاث شهور وماكنت اتحمل كنت اخربط مرات
بس الحين مع لوفات غيييير الحمدلله صامده

 

[Ms.LoL]

منال القلب
شكرا على التوضيح ..
الحين توضحت الصورة .. ما كان مع التزام 100 %
وأشوه ذكرتي إيجابيات و كلها مهمة ..
وبالنسبة للاختصاصيات ..
أهم شي بالبداية تبدين عند أخصائية زينه ..
و بعدين باجي الشركات مو وايد مهم تقابلين أخصائية ..
لأنه كلهم يقولون نفس الشي ..
المهم إنه أحد يتابع وياج وياخذ قياساتج ..

جم كنتي تدفعين كل شهر .؟
وأشتراكج كامل حتى بالويك إند ؟
عجبتني روحج الحلوة و ردة فعلج .. *:

 

[Ms.LoL]

صباح الخير ..
بنات .. مو قاعد ينزل وزني
عاد ملتزمة بشكل مو طبيعي ..
وايد قاعدة أقاوم شغلات .. و ألتزم بوقت العشا ..
صج إني مشيت مرة وحده ..
بس توقعت أنزل لأني كنت آكل قبل لا أشترك بشكل مو طبيعي ..
والحين صار أكل محدد و قليل ..
يعني لازم يكون في فررق !

المشكلة الأكل ما أحسه مال رجيم ..
اليوم ريوقي كرواسون دسمه أحس بطعم الزبده فيها ..
والعصير حاطين لي منجا !! أدسم عصير موجود ..
المفروض يحطون لنا عصير فرش ..
لو أدري جذي عصايرهم جان ما نقيتهم ..
سويت لي كل يوم عصير برتقال أحسن لي ..

الفرق الوحيد بأكلهم ..
إنه البطاط مو مقلي مشوي ..
و اللحم والدياي مشويين ..
لكن الخبز و العصاير والريوق أكل عادي ..

 

[فرااااولة]

شكثر صارلج ووين مشتركه

بالنسبه للعصاير حتي انا اختار منجا لا وكل يوم بعد ما احب غيره بس قاعده انزل

 

[Ms.LoL]

صارلي أسبوع ^^؛
بليناز & ديناز ..
أدري أسبوع شويه ..
بس قبلها كنت آكل وايد ..
ريوقي فرابتشينو و كرواسون ..
غداي برجر أو صمونه وانا رادة من الدوام ..
العصر كيك .. بليل بينك بيري ..
وبينهم خرابيط وايد .. كاكاو .. عصير ..
بالدوام بلعة ..
توقعت أنزل ! وبسرعة يبين بالميزان |:
من جذي حسيت أكلهم مو مال رجييم ؟

 

[Om_Ksha]

بالعكس ميس لوول والله اكلهم مال رجيييم حده بس انا ما اطلب عصاير قتلهم كله لبن ابرك و الصبح اشرب جاي .. انتي تمشين ؟ انا هالوييك انند خربت اللي سويته من اساابيع و باجر موعدي احس زااايده والله لاني بدعت من قلب

 

[منال القلب]

مس لول: تسلمين حياتي ماقصرتي. اشتراكي اسمه " البنفسجي " وهو عبارة عن غدا وريوق وعشا طول أيام الأسبوع ما عدا جمعة وسبت وكنت أدفع 139 دينار بدون ويكند. اما اذا تبين اشتراك كامل مع الويكند فاسمه " البرتقالي " وسعره 189 دينار

----


نصيحة مس لول الميزان شيليه اذا بتقايسين كل شوي راح تتعبين راقي بطنج وبس راح تصير فيج حالة نفسية وتشوفين مافي تطور خلج عادي ودايما شفطي بطنج شفط البطن يوخر الكرش وينزل الوزن

 

[lano0osh]

إي انا الاخصائية قالت لي ودعي بينك بيري
جان أطيحله يومين بينك بيري حجم كبير طلعت حرتي قبل لا يبدا الاشتراك ..


دوري أقولكم عن تجربتي بليناز & ديناز .. ^^
بديت من الأحد ..
الأكل لذيذ و يشبع .. وأصناف حلوة ..
يعني مو بس تاكلين أكل شوية .. وطبخات يديده بعد (؛..
معني أحس لأنه من بره مو من البيت غصب أحسه حلو ..
مثل الخرشوف .. لو بالبيت ما كليته بس أهمه أكلهم لذيذ ..

مواعيدهم مضبوطه ..
صج قالوا بييبون لي الأكل تسع ونص ..
بس أشوه الحمدلله يابوه قبل .. كل يوم أييبونه سبع وربع ..
وأكون مييته يووع .. أنطرهم بالدقايق .. لأني مو ماكله من الثمان بليل ^^؛

الأكل لحد الآن نظيف ما شفت شي ..
وأنا نفسيا أغسل السلطة قبل لا آكل ..

هي معطتني 900 كلوري !
وقبل بدايت كير كانوا يعطوني 1200 ..
بصراحة أحس الأكل أكثر من 900 .. وأكثر من أكل دايت كير بعد .. !

وبعد ما أحس الأكل مال رجيم .. ولا لو فات ..
أحسه أكل عادي لكن الكمية صغيره .. ولا شرايكم .؟
خاصة الحلو .. حالي ما جنه للرجيم .؟

____________________________________________

قوة مس لول شخبارج
ما شاء الله عليج شكلج همتج وايد عالية
يلا ان شاء الله يتنزلين وبتظبط امورج حبيبتي
انا بعد اكلي 900 جم الكالوري مالي
بس ما ادري ما احس مثل ما تقولين
انا اخترت المنيو مالي ويا الاخصائية
قلت جذي احسن
لانو قالتلي انه حاولي تختاري الاصناف الاقل دسم يعني ما تركزين عالباستا وهذي السوالف
وانا فعلا احاول اختار اكل لذيذ وصحي وادلع روحي بأيام معينة واختار باستا ولزانيا لووووووول
بس الحمدلله نازلة باخر زيارة لهم 1.700
الحمدلله يا ربي وبكمل وان شاء الله بتابع ويا الاخصائية قالتلي بخليج هاي بروتين اذا بتلتزيمن اكثر علشان النتيجة تكون احسن

 

[lano0osh]

loooooool lanosh m3tmda 3lech ana

ana wayd wayd 5ayrtha ahhh shkly bro7 mw3dy zaydaaa halesbo3 kla ma mshet

__________________________________________________
ام كشششة ليششش جذي حرااام عليجججج ما تخورينهااا
سمعيني ردي حق اول والتزمي ترى صدقيني انا امشي مع شعار
الأكل متعة يوم والرشاقة متعة عمر لوووووووول

 

[om MaRyooM]

بناات اليوم كملت شهر مع لوفات وبس نازلة 4كيلوات

متحبطة حدي كنت ابي 6 او 7




تهقون عشان 1200 كالوريز ؟؟؟ وايد صح

 

[ام الحوراء زينب]

ههههههههه ام مريوم انتي 1200
عيل انا 1400 لووول وما اتحرك جني دب قطبي
اروح المدرسة اقعد عالمكتب اخلص ارجع البيت والزق سيارتي يم باب القسم عشان لا امشي
لوووول من الكسل الزايد حتى ما اوقع
عكس قبل كنت امووووووووووووووت عالحركه ما احب اقعد مكان واحد

امممممم بما انه صارلي 6 ايام ملتزمه ويا لو فات بأستثناء اليوم اللي كليت فيه بنك بيري الله يسامحني
خل اقولكم تجربتي
بلشنا قرقه


نظام اكلي قبل :
الريوق كرواسان وحليب كاكاو 2 طبعا
الغدا وجبة من نايف
العشا كنتاكي
يوووووووووووووووووووووميا
بالويك اند
يختلف بس الريوق
جباتي وسمبوسه

تخيلو الوضع وطبعا الكاكاو والخرابيط والبيبسي ما يفارقون ايدي



الحين
الحمدلله ملتزمه بالاكل معني الحين كلش مو مقرره رجيم صجي بس داشه انظم اكلي
والحمدلله مرتاحه بالاكل ونفسيا كل وقت اكلي جاهز
الصبح :
الريوق يبدي ساعه 6 و 8 و10 يتصكر الحلج
الغدا يبدي 1 و3 و 5 يتصكر الحلج ويا تحلطم لووووول
العشا يبدي 7 وينتهي 8 بالكثير 9 انام
نفسيا الحمدلله مرتاحه احس صحتي صارت احسن بس الله يسامح المدرسة اهي اللي ترفع الضغط والسكر

ان شاءالله من شهر الياي راح انعطل وابلش رياضه حتى لو ادش نادي لانه راح ابدي برجيم صجي
دعواااتكم ما يقص علي ابليس واطلب كنتاكي الوصخ

 

[ام الحوراء زينب]

اي صح نسيت
الحمدلله متفائله خير واهي قالتلي ابيج تنزلين 5 بس عندي ثقه اني راح انزل اكثر
لانه مبتعده عن البيبسي والخرابيط

 

[العينآوية]

تصدقون البعد عن هالبيبسي ومشتقآتهم برووووحه غنيمة من غير تخفيف ولا رجيم

اانا اختي دوم اقولهآ انتي بس بعدي عن البيبسي حتى لو تميتي تآكلين مثل اول

احاول اشجعهاآ تتركه والحمد لله خففت عن اول بواايد

 

[Ms.LoL]

بالعكس ميس لوول والله اكلهم مال رجيييم حده بس انا ما اطلب عصاير قتلهم كله لبن ابرك و الصبح اشرب جاي .. انتي تمشين ؟ انا هالوييك انند خربت اللي سويته من اساابيع و باجر موعدي احس زااايده والله لاني بدعت من قلب

أنا اخترت عصير عساس بيكون فاكهة
لأنه هي قالت لي أحتاج فاكهة بأكلي ..
فقلت يكون المشروب عصير ..
ما هقيت بييبون لي عصير جمعية !
عبالي شي طازج .. نفس محلات العصير .. ^^؛ !
واللبن ما أشربه .. أشرب ماي ..
خلاص مراح أشرب العصير إللي ييبونه ..
بشرب ماي ..
أنا مشيت مرة وحده ..
وناوية هالاسبوع أمشي كل يوم لي موعدي ..
وراي عرس بشهر سته فمن جذي مستعيلة على النتيجة :eh_s(2):

مس لول: تسلمين حياتي ماقصرتي. اشتراكي اسمه " البنفسجي " وهو عبارة عن غدا وريوق وعشا طول أيام الأسبوع ما عدا جمعة وسبت وكنت أدفع 139 دينار بدون ويكند. اما اذا تبين اشتراك كامل مع الويكند فاسمه " البرتقالي " وسعره 189 دينار
----
نصيحة مس لول الميزان شيليه اذا بتقايسين كل شوي راح تتعبين راقي بطنج وبس راح تصير فيج حالة نفسية وتشوفين مافي تطور خلج عادي ودايما شفطي بطنج شفط البطن يوخر الكرش وينزل الوزن

إي شكلي بجربه عقب السفر .. البرتقالي ..
لأني أدري ببدع بالويك إند .. فلما يصير عندي أكل خاص بحترم نفسي ..
الميزان كل يوم أقيس و الصبح على الريج ..
عبالي بحس بفرق .. و أنصدم .. :eh_s(11):
جربتي سالفة شفط البطن .؟ :eh_s(10): بجربها ..
والزنود شنو يذوبهم .؟ :eh_s(10):
مشكوورة حبيبتي على النصيحة و التفاعل :eh_s(7)::eh_s(7)::eh_s(7):

بناات اليوم كملت شهر مع لوفات وبس نازلة 4كيلوات
متحبطة حدي كنت ابي 6 او 7

تهقون عشان 1200 كالوريز ؟؟؟ وايد صح

ما شاء الله نعمة .. حلوو ..
لو نزلتي 6 .. بيكون شي مو طبيعي ..
والله شكله لو فات ينزل بسرعه و اسم على مسمى ..
مرة طلبت منهم يوصلون لي وجبة للبيت ..
كانت شورما و مادري شنو ..
أكلهم ما عجبني .. مافيه طعم ..
فمن جذي ما اشتركت معاهم ..
لكن على الأقل حسيت لو فات ..

قوة مس لول شخبارج
ما شاء الله عليج شكلج همتج وايد عالية
يلا ان شاء الله يتنزلين وبتظبط امورج حبيبتي
انا بعد اكلي 900 جم الكالوري مالي
بس ما ادري ما احس مثل ما تقولين
انا اخترت المنيو مالي ويا الاخصائية
قلت جذي احسن
لانو قالتلي انه حاولي تختاري الاصناف الاقل دسم يعني ما تركزين عالباستا وهذي السوالف
وانا فعلا احاول اختار اكل لذيذ وصحي وادلع روحي بأيام معينة واختار باستا ولزانيا لووووووول
بس الحمدلله نازلة باخر زيارة لهم 1.700
الحمدلله يا ربي وبكمل وان شاء الله بتابع ويا الاخصائية قالتلي بخليج هاي بروتين اذا بتلتزيمن اكثر علشان النتيجة تكون احسن

يقويييج :eh_s(7):
إيي سبحان الله بسرعة تعود بطني ما هقيت ..
أصلا لما يصير وقت السناك ما أكون مشتهية .. و أتغصبه ..
حتى السلطة أللي مع الغدا آكلها قبل الغدا بساعة بعدين الغدا ..
الوقت الوحيد إللي أموت من اليوع الصبح قبل الريوق ..
بالنسبة للباستا و جذي ..
أنا اخترت شغلات أحبها .. لأني لو نقيت شي ما أحبه أدري مراح ألتزم ..
عاد حتى أهلي لما يشوفون أكلي يقولون : هذا أكل رجيم !؟ كل من مستغرب .. :eh_s(10):
والاخصائية لا قالت هاي بروتين ولا غيره ..
مادري كانت تتكلم بسرعه .. و متدودهه ..
وقالت ما تحتاجين رجيم قوي .. مجرد دهون بالارداف والزنود ..
و لا شافت شنو اخترت ..
انتي تسوين رياضة .؟
خلال شكثر نزلتي 1.700 ؟
أحس لو بضعف .. بيكون من الرياضة مو من الأكل ..

 

[Ms.LoL]

أم الحوراء زينب ..
زين تسوين .. خلي عنج الفاست فود .. أكلهم ماله طعم جنه بلاستك ..
وأنا بعد أتوقع راح تنزلين أكثر .. دام خففتي ..
ضحكتيني تصفطين يم القسم لوووول ..

نفس ما قالت العيناوية ..
البيبسي وربعة بروحهم بلاء ..
أعرف وحدة سمينة .. كل شي ما تتشتهي تاكل و تلوع جبدها ..
ولما سألتها عيل من شنو هالسمنة ..؟
قالت كله تشرب بيبسي وتاكل سنيكرز ..

 

[فرااااولة]

ام مريوم
زين اربع كيلوات الحمدلله
شكلي نفسج توني مخلصه اسبوعين ونازله كيلوين بس
وبكمل الاسبوعين الباجين
عاد برجع امشي نفس قبل مع انه ريولي ماطابت عدل بس بمشي لاني ماراح اشترك بعد الا عقب شهر رمضان
الله يستر زين ماازيدهم دبلات واتحسف