شركات التغذيه منو احسن فيهم وجم نزلنى (الجزء الثانى وبالصور)

[lano0osh]

بناااااات اليوووم يبت لكم صورر الغدا والعشا مال اختي حق امس اول يوم
ال في اي بي الاشتراك الذهبي من لينا ودينا

يهبللللللللللل
امبيييل وانا قاعدة اطالعها واهي تاكل واطالع اكلي وايد فرق
لووووووووووول

كليت منها قطعة طعمه يهبل وشكله يفتح النفس


الغدا مالها كان عبارة عن همبرغر ويا بطاط

والعشا كان عبارة عن ستيك لحم مشوي مع خضار

 

[فرااااولة]

غداي كان ستيك لذييذ وفتوش

ع سالفه الريوق انا مو مهتمه لاني ماخذه امومه فما اداوم
انطر الريوق يوصلني عشر او عشر ونص

اللي تبي الريوق خل يوصلونلها لي الدوام عادي

موفقين يا رشيقات :d

 

[Mystique]

__________________________________________

ماي ستيك

حبيبتي ايه يتغير المنيو
بس مو المنيو نفسه
المنيو عندهم لين اتعبينا
اتسوين خياراتج مال اسبوعين
عقبها تغيرين خياراتج
يعني مثلا حاطين 4 خيارات حق اليوم الواحد وانتي على سبيل المثال مختارة لزانيا
الاسبوع اللي وراه تشيلين اللزانيا وتشوفين ال3 خيارات الباقية
هم بعد تكونين مو مختارتهم ولا ميربتهمم

بس شلون دزولج المنيو عالايميل ؟؟
انتي طلبتي جذي ؟؟
والله خوش يدزونها ايميل بدال ما اروح بنفسي او اقعد انطر المندوب مالهم !

قوه لانوش مشكوره على الرد

عيل كلامهم صح ما عندهم منيو غيره
اكيد اقدر اغير اختياراتي و اقدر اغيرهم اي وقت بس انا قصدي المنيو نفسه
دايت كير عندهم منيو الأسبوع الأول و الثاني و منيو للأسبوع الثالث للرابع و المنيوز يكونون مختلفين عن بعض بس في شغلات بسيطه تتكرر لكن ماكو ملل بالمره

انا ما طلبت يدزون المنيو عالأيميل بس دقيت عليهم قلتلهم ابي المنيو مع السايق قالولي دزي اسمج و ايميلج مسج على رقم خدمة العملاء و خلال جم ساعه دزوه في فايل وندوز اكسل :d

 

[Mystique]

اي و للأسف بالمنيو اللي دزولي اياه عالأيميل ما كان في خيارات لسناك الفطور :eh_s(10):

فكتبت لهم اني ابي روب كل يوم مع الريوق

 

[LUXURY]

السلام عليكم بنات

انا جربت دايت سنتر أشتري وجباتهم من جمعية النزهه وأبي أشترك فيه
جني قريت وحده هني قالت إشتراك ال150 مايحتاج ندش عالاخصائيه أو شئ جذي؟؟؟

 

[فرااااولة]

عشاي كان بيتزا مارجريتا وشوربة مشروم وسلطة حلوم

 

[Pretty Amoola]

قوة بنات
خلاص قررت أشارككم وأكتب لكم شنو كلت

الصبح تريقت كرواسون باللوز حده عجيييب
مع لبن قليل الدسم ( أكتيفيا )

ومن شوي كلت عرموطة

ومشيت بالدوام ساعة

ملاحظة : أنا مشتركة بدايت سنتر وراح

اجدد اشتراكي تاريخ 4 يونيو ​

 

[Pretty Amoola]

السلام عليكم بنات

انا جربت دايت سنتر أشتري وجباتهم من جمعية النزهه وأبي أشترك فيه
جني قريت وحده هني قالت إشتراك ال150 مايحتاج ندش عالاخصائيه أو شئ جذي؟؟؟

ما عندي فكرة . إن شاالله البنات يفيدونج

 

[Om_Ksha]

هاي بنات اليوم اخر يوم لي و بعدين مادري شبيصير شكلي بنهد عالاكل

 

[~أنوار~]

مساء الخير :eh_s(22):


الريوق

كروسان زعتر + حليب خالي الدسم + بسكوت اوميغا3



السناك

عنقود عنب



الغدا


معكرونيا بصلصة الحمرا + سلطة منوعه






+








السناك 2 :-


تراميسيوو


​

 

[~أنوار~]

السلام عليكم بنات

انا جربت دايت سنتر أشتري وجباتهم من جمعية النزهه وأبي أشترك فيه
جني قريت وحده هني قالت إشتراك ال150 مايحتاج ندش عالاخصائيه أو شئ جذي؟؟؟

وعليكم السلام

احسنتي الاختيار :eh_s(22):
انا معاهم 3 شهور
واليوم اول يوم من الاشتراك للشهر الثالث :eh_s(15):

يب بدون اخصائيه ب 150
ومع مراجعات اسبوعيه 200
وفتح ملف 15
^
28يوم
3وجبات و2 سناك

وبس :eh_s(22):​

 

[تووته البسكوته]

هااااي
الريوق صاج بجبن كرافت مع عصير ما شبعتني كللللللش خفيفه
سناك تفاحه خضرا
الغدا دياي مع صلصه حمرا مو ذاك الزووود وسلطه معكرونه الصوص مالها چنه روووب ماعجبني
انا بكالوري كنترول

 

[حنانك سر حبي]

انا شكلي ماراح اجدد
اشتراكي ينتهي الاسبوع الياي
انا اذكركم اني ب لو فات

بخصوص سالفه الريوق بعد مازفيتهم زفه محترمه وعطيتهم درس بكيفيه التعامل والاهتمام مع العملاء
بعدها تسنعو وقامو اييبولي مبجر وبوقته ولا بعد قامو يدقون يسالوني شلون الاكل وتوقيت وصوله شلون وانشالله مايكون فيه تاخير يعني قامو يهتمون وهالشي مفروض من اول يسوونه

مثل ماقتلكم انا مارضا اذا اتفقت مع احد بشغله مايلتزم فيها
وبخصوص اللي قالت كلها ريوق خفيف .. اقولها اذا مايابولي ريوقهم وتاخرو اروح الدوام اكل الخضر واليابس اخربط كرواسون على فطاير نص الدوام ككاو وبفك وهكذا .. فالريوق مالهم مهم ولا انا ليش مشتركه معاهم

 

[Pretty Amoola]

رجعت لكم مع وجباتي :​

الغدا : عيش مع سمج بالخضروات :eh_s(15):

مع شوربة المشروم العجيبة ​

​

السناك الثاني : كيكة الشوكليت ، لذييييييييييذة ​

​

 

[Om_Ksha]

انا خلص اشترااكي و لعبت رياااضه يمكن حرقت مليون كالوري بس كليييييت بيتزا اكسبرس والللللله حساااافه (

والله يستر باجر اليمعه @@

 

[katalee]

ام مريوم حياتي بالنسبة لدايت كير تنصحيني اسجل امي فيه؟ لانها كبيرة بالعمر ومتينة الله يشافيها وفيها ضغط وغدة وتقولي سجليني بهالنوادي ملوت لااكل ابي اضعف ..تكفون ساعدوني الله يجزاكم الجنة وابي رقمهم وشلون بيعرفون اللاكل المناسب لامي وهل يسوون فحوصات ولا لاوالف شكر

 

[Om_Ksha]

اي انصحج بدايت كيير اكلهم لذيذ و يشبع و هذا رقمهم 1806050

 

[katalee]

ام كشة ,تسلمين يمال الجنة

 

[Om_Ksha]

حبييبتي حيااج الله

 

[سيدة الذوق]

مرحبا بنات .. انا ابي رقم دايت سنتر كل الارقام اللي عندي مايردون عليها ؟؟

وانا كنت مشتركة معاهم من خمس سنين .. هل يعطوني خصم ولا ملفي موجود