شركات التغذيه منو احسن فيهم وجم نزلنى (الجزء الثانى وبالصور)

[LUXURY]

وين راحت أم مريوم نبي نتيجة كالوري كنترول

 

[تووته البسكوته]

الحين مو يقولون القهوه تسد الشهيه وزينه الحين صارت ماتنزل الوزن
والله احترنا معاهم

 

[om MaRyooM]

أنا رحت اليوم موعدي
نازله 700غرام
صج مو بالعين شئ بس كان في عوامل عده ماخلتني أنزل أكثر:
أولا كانت علي الدورة
ثانيا ماكنت أكمل السلطه ومعاي إمساك
ثالثا امشي تقريبا يوميا هالشئ يزيد العضل فمايتحرك الوزن مع إن الدهن ينزل
رابعا ما أشرب كمية كافيه ماي
خامسا نقطة نبهتني عليها : أنا نومتي مقلوبه وأقعد للفير فكنت أتريق الظهر وأتغدى المغرب وأتعشى بليل مو وايد متأخر وكنت أنام الفير
فقالتلي إنتي تيوعين؟ قلتلها لأ بالعكس أصلا ما أشتهي آكل ومرات ما أكمل الأكل
قالت هذا أكبر غلط, طالما ما يعتي معناته المعده ماخلصت الهضم وأنتي تثقلين عليها بأكل زياده هالشئ يخليها تخزن علشان تخفف بدال لا تحرق, قالت خلي بين كل وجبه والثانيه 4 ساعات عالأقل ولاتخلين فجه كبيرة بين العشا ووقت النوم خلي بينهم ساعتين
قالتلي لازم تلتزمين بهالشئ وبتشوفين وزنج بينزل أكثر
وطبعا الطامه الأكبر إني أشرب قهوة :× والقهوة ماتخلي الوزن ينزل :\

بأحاول ألتزم أكثر بس انا كلش مو زعلانه المهم رديت أشوف الرقم 7 بالميزان واي ولهت عليه

انشالله تنزلين للوزن اللي تبينه

بس القهوة توني ادري ماتنزل الزون !!!

معقووول عشان جذي وزني ثابت ! كل يوم اشرب اقل شي 2

 

[om MaRyooM]

وين راحت أم مريوم نبي نتيجة كالوري كنترول

كاني موجوده ياعمري

اكل كالوري كنترول رهيييب وايد وايد عاجبني ومرتاحه معاهم الحمدلله

بس وزني ثابت لأني اخربط بين الوجبات <<<<طقوووووني:rgewrg:

بس امشي كل جم يوم فاللبس متغير معاي شوي بس الوزن نفس ماهو



بس حسيت ان لوفات ينزل اكثر لأن اكلهم اقل
واكل كالوري كنترول نفس دايت كير

 

[Pretty Amoola]

بس وزني ثابت لأني اخربط بين الوجبات <<<<طقوووووني:rgewrg:

بس امشي كل جم يوم فاللبس متغير معاي شوي بس الوزن نفس ماهو

أم مريوم حراااام الخربطة ،، فكري بالفلوس اللي دفعتيها

كلما جيتي تبين تخربطين تذكري ان معدل نزولج بيكون أقل

وكلما التزمتي راح تشوفين نتيجة أفضل ،،،

ها ايش رآيج نتحدى بعض ونشوف من ينزل أكثر مع نهاية الشهر ؟:ggdw:

​

 

[<<لمار>>]

ام مريوم سؤال منو احلي دايت كيرولاكالوري كنترول دامهم بنفس المستوي بس فرق السعر

 

[قطوووة]

^^

اتلقف واقول كلهم اكلهم حلو ،،





----






اليوم الخامس مع لو فات

وبصراحة من حلو لاحلى

بس شوربتهم نتفه :/

 

[قطوووة]

ام مرررريوم انا ماراح اطقج

بس بقولج

ان خربطتج قاعده تأخرج عن هدفج

 

[Day Dreamer]

انا حصلت موعد عند هيلث كومباني عقب يومين

 

[أم فرووس]

مساء الخير خبيرات الريجيم
بليييز ابي انزل وزني متضايقة من وزني
شنو تنصحوني اشترك بدايت كير او دايت سنتر او هيلث كومباني؟

ناطرتكم على أحر من الجمر

 

[Pretty Amoola]

مساء الخير خبيرات الريجيم
بليييز ابي انزل وزني متضايقة من وزني
شنو تنصحوني اشترك بدايت كير او دايت سنتر او هيلث كومباني؟

ناطرتكم على أحر من الجمر

أنا جربت دايت سنتر ، أكلهم حلو ويشبع

وإذا التزمتي بتشوفين نتايج حلوة ...

أتمنى البنات اللي مجربين أكثر من شركة يفيدونج .​

 

[LUXURY]

أم مريوم
أنا اللي قالتلي إختي لأن أنا وياها إدمان قهوة ومانضعف إهي قطعتها وماشاء الله ضعفت وأنا تنح وزني
إنتي 2 أنا اوصل 4-5 باليوم :×
بس ليش خربطتي مو حرام فلوسج راحت؟ بس المهم ما زدتي
إنزين من خلال تجربتج مع لو فات شنو تعليقج عليهم؟؟؟ ====} انا مافهمت السؤال مادري غشلون أفهمج خخخخخخخ
يعني الحين تفضلين ترجعينلهم؟ وشنو الشغلات اللي مو عاجبتج فيهم؟؟

أنا قايلة بأشترك بلوفات والا ديناز اند ليناز
اشرايكم؟؟؟

 

[Mademoiselle A]

أمس رحت موعدي بلينا ودينا ونازلة كيلو ونص
واليوم خربتها وكليت من شيك شاك ! أشكره رد الكيلو لووول
وشربت عصير افوكادو كبير بعد

 

[Om_Ksha]

هاااي بنااات اشلونكم منزمان عنكممممم

 

[LUXURY]

مدموزيل
لييييييييييييييش عاد
حلوين الكيلو ونص
انا اشوف المفروض لاشفنا نفسنا نازلين نلتزم أكثر ونتشجع مو نخورها

 

[تووته البسكوته]

هاي
مدموزيل لوووول بدعتي عاد شيك شاك يقطر دهن ..عليج بالعافيه
اهلين ام كشه ..تمام انتي شلونج شخبارج

 

[أمـــــل]

يارب لك الحمد والشكر <<< حدي مستانسه لووووووووووووووول



صارلي جم يوم مومتابعه وياكم وكاني هليت هاهاها

بنات اكتشفت انج تعرفين جم سعره حراريه لج باليوم وتمين عليها لا رياضه ولا تخربطين تلتزمين بسعرات والله ينزل الوزن

انا خو اخذ اكلهم من الجمعيه ومشالله هدومي اللي كنت مااقدر البسهم صاروا قياسي بس بعد ابي ارد لوزني قبل 6 شهور <<< مشالله تف تف تف
وهكذا راح نستمر الى الامام سرررررررررررررررررررررررررررر


الفال للكل انشالله

 

[Pretty Amoola]

مبروك نزول الوزن حبيبتي ​

بس أنا ما أتفق معاج أن احنا ما يحتاج نسوي رياضة ​

بالعكس الرياضة مش بس تساعدنا على نزول الوزن​

الرياضة تشد الجسم وتعطيج لياقة وليونة .. جربي الرياضة ​

وصدقيني بتحسين بالفرق .​

أما أنا الحمد لله اليوم لقيت وزني 73.9 :ggdw:والكل لاحظ علي ​

التغيير . ​

ريوقي كان كريب مع عسل + خيارة + حليب قليل الدسم مع نسكافية.​

والسناك خذته من شوي : حبة يوسفي بس كانت لذيييييييييييذة :rerrerek:​

ومشيت ساعة وشربت 3 أكواب ماي .​

بنات ليش ما قمتوا تكتبون يومياتكم نفس أول؟​

 

[أمـــــل]

مبروك نزول الوزن حبيبتي ​

بس أنا ما أتفق معاج أن احنا ما يحتاج نسوي رياضة ​

بالعكس الرياضة مش بس تساعدنا على نزول الوزن​

الرياضة تشد الجسم وتعطيج لياقة وليونة .. جربي الرياضة ​

وصدقيني بتحسين بالفرق .​

أما أنا الحمد لله اليوم لقيت وزني 73.9 :ggdw:والكل لاحظ علي ​

يا هلا عزيزتى يبارك بعمرج وانتي مبرووك :eh_s(7):وانشالله تنزلين بصحه وعافيه

لا اكيد الرياضه مهمه جدا انا اقصد اللي مايحبون الرياضه او ماعندهم وقت يعنى مثل حالتي انا التزمت بالاكل والسعرات والحمدلله كانت النتيجه مرضيه وانشالله استمر

هذا اللي اقصده

بتوفيج ................تحياتى:eh_s(7)::eh_s(7):

 

[أمـــــل]

بس تدرون بنات شنو المشكله ؟؟؟ المشكله بالشعر حده راح فيها باجي شعرتين واصلع مع اني اكل سلطه بس مو وايد وموعارفه اشرقع بعمري .......... اللي تعرف لها شي بس مجربته شخصيه بالامانه تعلمني بليييييييييييييز