شركة كونسبت ميديا

[ام خدود ورديه]

السلام عليكم

بنات انا ريلي من سنه اشترك بشركة كونسبت ميديا للأعلانات والخصومات

قالولنه عن خصومات عجيبه على فنادق برى وخصومات عالميه

في احد جربهم ؟ احنا كل شهر ندفع 50 مو شويه الصراحه
احنا وقعنا عقد وبالعقد مكتوب اللي علينه واللي عليهم يعني معقوله يطلعون نصابين ؟ مثل ما احنا وقعنا واندبسنا اهمه بعد كاتبين الاشياء اللي راح يسوونها لنا
بس اغلب البنات يقولون نصب واحتيال
بليز بليز اللي عندها خبره اتقولي
ولحد يقولي نصب واهوا مايدري شالسالفه بليز

 

[برازيليه سعوديه]

مادري حبيبتي ماعرفهم ...بس ماجربتوهم ماسافرتوا وجربتوا الفنادق والخصومات؟ ان شاءالله مايطلعون نصابين والله يستر عليكم ...

 

[ياسمينووو]

انا بعد ريلي امسجل من هالشركه
احنا ندفع 100 دينار والباقي 3 الاف

يقولون شركه نصابه بس ما ادري شنو صج
قبل لاتنزل المنحه كانوا يدقون علينا ويدزون مسجات
ويقولون ادفع المبلغ نص او كل المبلغ
وقبل لا تنزل المنحه بيومين دق علينا واحد وقال لا تدفعون
ولا مبلغ لان شركه نصابه ومدير الشركه مطلوب وعليه قضايا
حتى محاميه انعام حيدر دقوا علينا ورحنا عندها بالمكتب
وشفنا اوراق واااايد اللي امسجلين بالشركه كلهم رافعين قضيه يبون افلوسهم

وبعدها بشهر دق واحد من شركه كونسبت ويقول متى بتدفع طاف عليك شهرين واذا ما دفعت راح نرفع
قضيه وريلي انصدم وقال لهم اللي صار ويفول لا احنا ربحنا بالقضيه
هذا اللي صار عاد ما ادري شنو هالشركه والله مو مستفدين منها بس ندفع عالفاضي بس
شنسوي مجبورين ندفع مو احنا اللي وقعنا على اوراق ولازم نتحمل والقانون لا يحمل مغفلين
لو ندفع حق فقير وااايد احسن من هالشركه
حتى انا كنت ابي تامين حق ولاده
يقولون لازم تدفع المبلغ كامل وبعدها بسنه من تاريخ الدفع
بعدين تقدر تاخذ تامين حق مستشفيات

الله كريم توهقنا من هالشركه ما نقدر نطلع منها
الا ندفع المبلغ كامل هذا اتفاقيه بالعقد

 

[ام خدود ورديه]

الله كريم ويعوضنا خير يارب سبحان الله كل الرياييل كلامهم نفس الشي مايدرون شلون وقعو من كثر مافرو راسهم انا سويت سيرج في وحده اتقول انها استافدت منهم وفي ناس يقولون نصب مايندرى ان شاءالله مايكون نصب

 

[اغادير الكويت]

وانا بعد - بس شكلي بروح للمحاميه واستفسر
واذا قالوا دفعي والا نرفع !!
بقولهم رفعوا...
لان صج انا بعد دق علي واحد وقالي عن هالمحاميه وطنشته وألحين مكانهم ورا الفنار...
بنات اشرايكم ندفع والا نخليهم؟؟
لان اذا نصب مو من مصلحتهم يرفعون علينا قضايا -- مو!!!

 

[ام خدود ورديه]

والله مادري احنا بينه وبينهم عقد يعني مثل ما احنا ملزومين ندفع اهمه ملزومين يسفرونه ويسون كل اللي كاتبين عنه
بليز اذا كلمتي المحاميه قوليلي شيصير والله حرام

 

[جلكسيه اس 3]

اممممممم غريبه متى راح يسفرونكم
ان شاء الله ما يكونون شركه نصابه

 

[ام خدود ورديه]

لمن نوصل حق نص المبلغ يعني 3000 واحنا تونا واصلين 1200
يارب مايكونون نصابين يارب

 

[اغادير الكويت]

الله كريم مارحت بس ان شالله بروح

 

[ام خدود ورديه]

ان شاء الله
انا ناطرتج

 

[حظ من عنده انا]

الله يعيينكم

شلون وثقتوا فيهم


!!!!

 

[ام خدود ورديه]

والله مادري ريلي الله يهداه بسس

 

[حرم راشد الماجد]

اكبرررررررررررررررررررر نصابين لا تجربينهم انا كنت مقدمه على وظيفه بالويب سايت كويت سي في ودقو علي ويوم رحت عندهم ولا وحده شايله المكان بصراخها اثاري ناصبين عليها انا قلت يمكن بينهم سوء تفاهم ماكو نص ساعه الا واحد نفس الطريقه دش يلعن ابو اللي يابهم


طبعا انا اقصد كونسبت ميديا اللي بالخليجيه مادري اذا انتي تقصدينها او لا

 

[اغادير الكويت]

بنات ماااراااحت - بس شنو الحل؟؟؟؟
رااايكم ماااا ادفع!!

 

[ام خدود ورديه]

واالله مادري احنا داقين علينه قالولنها فيه دفعه اخيره لازم تدفعونها كامله 3000 وشي طبعا اول مره نسمع بهلشي حسبي لله عليهم

 

[أحمرجوري]

اي حبيبتي كونسبت ميديا الي بالخليجيه صاحبها مصري عنده منتجع بشرم الشيخ المنتجع خايس وقديم ومعفن وهو صاحب المنتجع وقاعد يبيع عضويه علينا لاننا مغفلين والمشكله لي داعمه واحد من الشيوخ لاحول ولاقوه الا بالله ونازل نصب بالكويتين
وانا اقول الي عليه فلوس لا يدفع ويطنش وماراح يرفعون قضايا لانك مو انتي الوحيده الي مو قاعده تتدفع كلنا وروحي رفعي قضيه عليهم اذا تقدرين بس هم راح تدفعين للمحامي وراح يمص دمج من اتعابه يابنات اي شي في بيع او اغراءات او اتصالات كسبتي ان شاء الله سياره قلوا مانبي