شركه الخليج للتامين

[janawi]

شرايكم فيها في عندهم نضام استقطاع شهري لمده 15 سنه و يدشون بفلوسج باسهم و احتمال يتبلون احد سامع او عنده اي معلومه ينورني

 

[زوجة ناصر]

و الله يا عزيزتي انا صارلي تقريباً من 2004 مشتركة معاهم و لا ما شفت عليهم اي شي

 

[FOSHIYA83]

لووووووول قناوي اسم المندوب اخاف انت هو ومسوي نفسك بنت عشان اتسوي دعايه عن الشركه

انا مشتركه بعد

 

[أم كادي]

علمونا شنو نظامها وشنو هالشركه؟

 

[إنسانه بكل حالاتي]

شنو نظام الشركه اتمنى تفيدونا ومشكورين

 

[أم وهابي]

حبايبى اشلونكم


كتبت رد اشكبره وانمسح وانقهرت

انا موظفه بالشركه ومشتركه معاهم من 2004 اى استفسار انا حاضره وبالخدمه وبالشوفه

 

[أم وهابي]

اذا لقيت تشجيع بكره انزل الموضوع بالتفصيل حتى حسبه الفلوس راح احطها

 

[القلب الحنون]

اي والله ام وهابي
يا ليت تفيدينا ..
يالله انا اول المشجعيييييييييييييييين :ggdw:

قواج الله مقدماً .. :tek:

 

[أم وهابي]

بسم الله نبدى على بركه الله


الشركه كويتيه من 1962 ولها 3 افرع ( الكويت - لبنان - السعوديه ) والشركه مؤمن عليها فى حاله الخساره

مده العقود 15 او 20 سنه

اقل مبلغ يندفع 30 دينار

طريقه الدفع شهرى او ربع او نص سنوى او سنوى

تقدرين تسوين استقطاع او عن طريق المندوب وتاخذين وصل مختوم

اى وقت تبين فلوسج تقدرين تاخذينهم بس تنخصم عليج عموله 3% اذا ما التزمتى بالمده

الشركه تشغل فلوسج ب3 صناديق تقدرين تحطين فلوسج فيهم كلهم او تختارين واحد

صندوق عالمى ( سويسرى) نفس اللى يشتغلون فيه زين والوطنى ويعطيج اعلى نسبه فايده توصل 13% (انا حاطه فلوسى فيه)

صندوق محلى يشتغل بالسندات والاسهم يعطيج فايده 8% تقريبا

صندوق مضمون يعطيج 4% بس

شوفى الحسبه اشلون راح تصير المسأله شويه معقده وما راح اعور راسكم راح ابسطها لكم كثر ما اقدر
وفيها فايده كبيره من مبلغ صغير بحيل الله


طبعا طريقه الدفع اقل فايده تاخذينها اذا شهرى واعلى فايده اذا سنوى


ملاحظه : فى حاله الوفاه لا سمح الله الشركه تغطى المبلغ للورثه الشرعيين المذكورين فى العقد

 

[أم وهابي]

نسوى الحسبه على الصندوق العالمى واستقطاع شهرى والشهرى ترى اقل فايده بس حلو حق اللى مو ملتزمين نفس حالتى


المبلغ مبلغ التوفير ( توفيرج انتى بالبنك) المبلغ بعد 15 سنه ( مع الشركه)

30 دينار 5,400 548,7

40 دينار 10638

50 13479

60 16304

70 19128

80 21985

90 24812

100 27638

120 32931
150 41436 دينار

 

[أم وهابي]

بنات سويت الجدول ونزل مخربط امبيه والله تعبت فيه تدرون اشلون اللى تبى اى استفسار تدز على الخاص واعطيها رقمى وافهمها السالفه

باختصار


الصناديق استثمار وادخار للمستقبل

وانا سويته حق عيالى مسويه حسبتى ان الله احيانا للجامعه ومابى عيالى ياخذون سيارات بالاقساط

 

[زوينة]

حبيبتي حاولي تنزلينه مرة ثانية ..عشان الكل يستفيد

اذا مافيها كلافة عليج ..الله يعطيج العافية

 

[أم وهابي]

زوينه حبيبتى الحسبه تصير من 30 دينار الى مبلغ ماللا نهايه كل واحد وشنو بمقدوره

يعنى مثال ( نفس حسبتى الى مسويتها لعيالى )


انا ادفع كل شهر 30 دينار لمده 15 سنه

اذا انا بوفر بالبنك نفس المبلغ ونفس المده راح يكون المبلغ 5,600 دينار

اذا شغلتيهم بالصندوق العالمى بنسبه ارباح 8,5% راح يكون المبلغ اكثر من 7,200 دينار

زوينه اذا عندج حسبه عطينى الرقم وان اسويلج الحسبه

لاحقا حلو هذى لاحقا راح انزل باجى المبالغ

 

[زوينة]

هلا وغلا ام وهابي

كاني بعطيج المبلغ التقريبي ..وانتي عطيني الحسبة لاحقا <<<

شوفي قلبي اذا ممكن اوفر كل شهر 50 دينار لعيالي تقريبا على 10 او 15 سنة

ابي شلون تطلع حسبتهم بالضبط..

وبعدين نسبة ال 8.5 % هذي حق كل سنة ولا عن المدة كلها اللي هي 15 سنة ..؟؟

انزين هالشغلة ما فيها شبهة حرام مني مناك ...؟؟

وبعدين الحساب اللي بوفر فيه ..هل يكون باسمي ولا باسم عيالي ..؟؟

ابي التفاصيل لو سمحتي لي ...ومشكوووووووورة مقدما ولااااحقا <<< عجبتني لاحقا ههههههههه

 

[أم وهابي]

هلا وغلا ام وهابي

كاني بعطيج المبلغ التقريبي ..وانتي عطيني الحسبة لاحقا <<<

شوفي قلبي اذا ممكن اوفر كل شهر 50 دينار لعيالي تقريبا على 10 او 15 سنة

ابي شلون تطلع حسبتهم بالضبط..

وبعدين نسبة ال 8.5 % هذي حق كل سنة ولا عن المدة كلها اللي هي 15 سنة ..؟؟

انزين هالشغلة ما فيها شبهة حرام مني مناك ...؟؟

وبعدين الحساب اللي بوفر فيه ..هل يكون باسمي ولا باسم عيالي ..؟؟

ابي التفاصيل لو سمحتي لي ...ومشكوووووووورة مقدما ولااااحقا <<< عجبتني لاحقا ههههههههه

زوينه اسفه جدا على التاخير

الحسبه تصير بس على 15 او 20 سنه
نسبه 8.5% على اجمالى المبلغ بعد 15 سنه

اخذيت دوره وحاضر فيها دكتور من الشريعه وانشا الله ما فيها لا شبه ولا حرام لانه الشغله عباره عن تأمين واستثمار وادخار والله يا زوينه صار لى 16 سنه بالوزاره ما جمعت شى حق عيالى بس مع هالشركه قدرت اسوى شى حتى لو بسيط حق عيالى

الحساب راح يكون افضل لج باسمج ولا سمح الله فى حاله الوفاه ( بعيد الشر) راح يكون للاشخاص الشرعيين التى انتى تحددينهم ( حطى عيالج)



الحسبه على 50 لمده 15 سنه شهرى راح تكون 13479 دينار وطبعا هالمبلغ راح يزيد انشاء الله فى حاله ارتفاع فايده الصندوق العالمى

واى استفسار انا حاضرة وبالخدمه

 

[تعبتني طيبتي]

جزاج الله ألف خير .. .


تسلمين ... بس قلبي قارصني خص .. يوم حسبتي .. الخمس ألأاف و 600
...


صارت فقط ... 7 و 200 .. ما يسوى..


يسلموووووووو عالمجهود ..

 

[أم وهابي]

طيبتى تعبتنى كل ما زاد المبلغ شنو يزيد (الفايده)

مثال


شغلى وحسبتى احسن لكم اخليها بالصندوق العالمى

100 دينار شهرى راح تصير 27638 دينار بعد 15 سنه

واذا الدفع سنوى (يعنى تدفعين بالسنه 1000 دينار كاش ) يطلعلج 30426 دينار

اختى بالبدايه انا سويت الحسبه على مبلغ بسيط عشان ببسط الحسبه وكل واحد وامكانيته والهدف من كل الموضوع اشلون نوفر ونمسك ايدينا ونخش شى حق الزمن وعيالنا

بعدين حبيبتى ليش قلبج قارصج هذى شركة كويتيه وقويه ومعروفه على مستوى الكويت اذا من ناحيه الشركه

اما من ناحيه المبلغ فالحسبه موسعه جدا وما اقدر اشرحها بالتفصيل لانها كبيره جدا انا وايد اختصرتها عليكم

يعنى المبالغ تفرق وطريقه الدفع تفرق وبالتالىالفايده راح تفرق

اللى يدفع شهرى مونفس فايده اللى يدفع سنوى او كل 6 شهور او 3 شهور او سنه


مثال

انا ادفع كل شهر 30 دينار

صديقتى تدفع كل 3 شهور 90 دبنار

انتى تدفعين كل سنه 360 دينار

فتصير فايدتى اقل وحده فيكم لانى ادفع كل شهر مبلغ قليل


واللى يدفع 30 مون نفس اللى يدفع 50 او 60 او 100 دينار انتى حتى 5 دنانير اذا دفعتيها راح تفرق معاج وايد بعدين راحانزل مثال على 5 دنانير

ربى يشهد على ليوم القيامه انى ابى المصلحه العامه وانا حاطه كل اخوانى بالسالفه والسالفه هذى وايد كويتيين ما يعرفونها اللى يعرفها عدل الى عايش ودارس بره الكويت .

اعرف وحده اهى وزوجها دكاتره تدرين المبلغ اللى حاطوه جم

اهى 700 دبنار وزوجها مثلها وطريقه الدفع سنوى لما سوه الحسبه طلعت فوق 62 دينار لها وحق زوجها نفس المبلغ

 

[flowe_99999]

ابي رقم الشركه الله يجزاج خير علي الخاص

 

[on line]

يعطيج العافيه
بسال بالناحيه الشرعيه واذا مافيها شي ان شاء الله بساهم معاكم
يعطيج العافيه اختي وجعله في ميزان حسناتج

 

[أم وهابي]

يعطيج العافيه
بسال بالناحيه الشرعيه واذا مافيها شي ان شاء الله بساهم معاكم
يعطيج العافيه اختي وجعله في ميزان حسناتج

انشاء الله اختى ما فيها شى كل ما فى الموضوع انج حاطتهم بصندوق نفس طريقه البنك بس الفرق انج اهنى ما تقدرين تسحبين فلوسج الا بشروط وشروط صعبه وبالبنك تقدرين تسحبين فلوسج باى وقت

دقى على رقمى 7503131 راح اعطيج تفاصيل اكثر وبالتوفيق للجميع