شروط التحويل من الطب المساعد الى الهندسه ؟!

[Dr.BoBa]

هاي بنات شلونكم شخباركم

بنات ابي مساعدتكم قبلوني طب مساعد و انا ما ابي
ابي اعرف شنو شروط التحويل من الطب المساعد حق الهندسه ؟؟
:eh_s(16)::eh_s(16):

 

[Dr.BoBa]

شدعوة بنات ولا وحدة تعرف :s

 

[3la-q8']

دشي تجمع طالبات الهندسة كل شي مكتوب

 

[الجميلـة]

انا بعد بعرف ؟؟؟؟

 

[Miss.Piano]

تاخذين مواد من كلية العلوم


فيزيا 1 و فيزيا 2
كالكولس 1 و كالكولس 2
كيميا
انجليزي 161 و 162

> اذا ماعندج تمهيدي

 

[Dr.BoBa]

انا مانجحت بالقدرات يعني التمهيدي لاحقني لاحقني
اخذ مواد التمهيدي اول شي بعدين مواد هندسه ولا شلون ؟
و اذا بحول لازم سنه كامله ولا كورس ولا شلون الطريقه حدي ضايعه

 

[Miss.Piano]

لا شوفي أول شي تاخذين تمهيدي مادتين (( اذا كنتي ساقطة بمادتين بس )) > هذا بالكورس الاول

اما بالكورس الثاني تاخذين مواد التحويل عااادي .. و بعدين انشالله اذا حولتي

ما تضيع سنة كاملة من عمرج .. يعني عادي تصيرين طالبة هندسة سنة ثانية




اما اذا كنتي ساقطة بالقدرات بالــ 3 مواد .. تاخذين اول كورس مادتين تمهيدي

و الكورس الثاني مادة تمهيدي + مواد التحويل > أتوقع جذي اذا ما خاب ظني


عموماً انا نفس الحالة صايرة فيني حالياً .. بس انا بكلية العلوم الرياضيه و طبيعة

و عرفت كل هالامور عشان بحول هندسة .. فـ اذا تبين شي انا حاضرة

 

[Miss.Piano]

و اي صج نسيت .. علما تحولين يبيلج

من سنه + صيفي .. إلى سنتين + صيفي

يعني على حسب معدلج و موادج اللي ماخذتهم


خل اوضح لج

الكورس الاول راح تاخذين تمهيدي ... الكورس الثاني مواد التحويل

و الكورس الصيفي هم مواد تحويل


>>> هاذي تعتبر سنة + صيفي ... كورسين و صيفي يعني

اذا يبتي معدل 3 نقاط أو 2.67 هني تقدرين تحولين هندسة

>> و ترى على فكرة لازم تييبين أقل شي C بكل المواد ... و نصيحة مني حاولي تييبين b احسن لج
و أسهل حق التحويل


اما اذا الله لايقول يبتي C- او D .. هني تضطرين انج تعيدين المادة مرة ثانية عشان تزيدين القريد مالج

فـــ راح تضيعين بعد كورس عشان تعيدين المواد اللي يبتي فيهم قريد ضعيف ( D و C- )

 

[Dr.BoBa]

اي اوكي
المشكلة انا القدرات مانجحت بشي هذا اللي ضيعني ولا انا نسبتي 91 بس المكافئ خرب علي
مشكورة حبيبتي ماقصرتي عالمعلومات
الله يوفقج و تدخلين الهندسة انشالله ^_^

 

[Miss.Piano]

العفو ولو

لووول كلنا بالهوا سوا .. عادي عادي !

عيل انا 90 و شي .. و ناجحه بكل المواد :\ هع !

بس شنقول .. الحمدلله على كل حال

انا حاضرة لأي سؤال

 

[Dr.BoBa]

ويييييييه حرام ليش جذي :s
يلا ماعليه الله كريم شتسوين بعد
حبيبتي تسلمين ماقصرتي =)

 

[Miss.Piano]

اي والله ... الله كريم ... فيه أمل .. فييييه أمل > جني عيوز

العفو حبيبتي ماسويت شي ،،