شريتي الجل الأخضر من كريولان وتوهقتي فيه ؟ الطريقة الصحيحة لاستخدامه

[Killer^Girl]

السلام عليكم
من فترة سمعت عن هذا المنتج

وقعدت شهوور ادوره من فرع لي فرع كله خالص
وبالاخير الحمدلله حصلته
سألت الي تبيع شلون استخدمه ؟؟
قالت لي حطي مرطبج وبيسج عادي وحطي هذا فوقه
واطير واسوي نفس ماقالت
والا المكياج خلال نص ساعه كله سايح وويهي دهن وشكلي يفشل

ضاق خلقي وقطيته بالدرج
تمر الشهور :eh_s(16):
وانعزم على عرس
واروح الصالون احط ميك
والا تطلع هالجل بتحطه على ويهي
قلت لها سالفتي
جان تعلمني الطريقة الصحيحه لاستخدامه
والحمدلله انا مرتاحه منه لانه يعتبر مرطب وبيس ومثبت في وقت واحد
الطريقة الصحيحة اهيه انج تغسلين ويهج من أي كريم
وتوزعين كميه بسيطة منه على كل ويهج وحتى تحت عيونج وفوق الجفن
بدون مرطب وبدون بيس
وتمتعي بمكباج ثابت وبشره رطبة وناعمه :eh_s(15):

 

[L.O.S]

يعطيج العافيه وفعلا هاذي الصريقه الصحيحه والافضل استخدام كريم اساس مات مو دهني عشان النتيجه تصير احلى

 

[meera15]

شورك وهدية الله

انا نفس حالتك طرت شريته

والنتيجة ما كانت مثل ما توقعت

الخطوط التعبيريه ظهرت اول ما وصلت الحفله


سؤالي


انا بشرتي جافه واذا حطيته بدون مرطب
احتمال النتيجة تكون عكسيه
وتظهر بشرتي ناشفة ومشققه

ولا اش رايك؟

 

[Killer^Girl]

لا
عادي
بيعطيج الترطيب الي تحتاجينه
بس وزعيه عدل وخلي البشرة تتشربه
ولااااتكثرين

 

[شكارة الكويتية]

مشــــــــكورة عاى المعلومة

 

[tooonaaa]

أختي من وين شريتيه سألت بتجميل مشرف ماركة كارولاين قلت لي انقطع وما راح اييبونه

 

[Killer^Girl]

حصلته قبل فترة بسيتي سنتر السالمية

 

[DA3LOoOLA]

يعطيج العافية

 

[برنسس أميرة]

الف شكر لك

 

[Om-Faty11]

عيل الخبله الفلبينيه نصبت علي يعلها الماحي :eh_s(14):
قالت لازم اول شي تحطين الbase
وشريته هم من كريولان ب11 وشي ويلوووع الجبد
حرام عليه دينار واحد
حسبي الله عليها الحراميه
بسوي طريقتج وانشالله تضبط معاي

 

[الملازم أيمي]

:
:
:

دايما اسمع عنه

بس ما فهمت طريقتج عدل ياليتشرح اكثر
هل قصدج احطه اول وبعدين احط البودره الجافه !!

وهل يصلح للبشره الدهنيه جدا !

:
:
:

الملازم ., كانت هنا

 

[Killer^Girl]

ماظن انه يصلح للبشرة الدهنيه
طريقه استعماله ان يكون ويهج نظيف وخالي من اي كريم
حتى مرطب لاتحطين
ووزعي كميه بسيطة من الجل على كل الويه حتى تحت العين وتحت الجفن
ومديه ليما يتوزع عدل وحطي مكياجج عادي سواء كنتي تبين تحطين كومباكت او فاونديشن

 

[ايطاليه]

يعطييجالعافية حبيبتي

 

[ناتشوو]

يعطيج العافية
ان شاء الله اجربه

 

[Mona Lisa]

يعطيج العافيه حبيبتي

 

[moo-0-oon_14]

يعطييييج العااااافية

 

[black_arno0oBa]

يعطيج العافيه وماقصرتي

 

[حقـوق]

انا استخدمته وكلش مو شي .. المكياح يسييييييييييح .. ماعجبني .. واصلا ماله معنى .. انا عندي المثبت مالهم وايد احسن من هالجل .. بعدين شدعوه صار بـ 11 انا شاريته بـ 9 .. شفيهم الناس طارت اسعارهم !!

 

[Killer^Girl]

استعملتيه بنفس الطريقة ؟

 

[هنووفوو]

يسلموووووو عالافاده
عاد انا ناويه عليه