شريت جهاز مشي .. بس ماعرف متى امشي عليه واي وقت

[بــ زايد ــنت]

صباح\ مساء الخير بنات


شحالكم شخباركم..



خواتي انا شريت جهاز مشي .. بس ماعرف متى امشي عليه واي وقت


صديقتي قالت لي امشي عليه الصبح والعصر

واختي قالت لي امشي على بعد كل وجبة عشان يحرق الاكل

وفي حد قالين مرهوحده باليوم وتكفي


والساعات جم يكفي يعني ساعه والا ساعتين والا شو؟؟

لانهم في ناس قالو لي ان كثر المشي يحول الدهون اللي بالجسم الى عضلات صج هالشي؟؟
لاني احترت وتلخبطت

ابي نصايحكم خواتي.. لا تبخلون علي ويبطون

ومشكورين ​

 

[el3aNoOoNa]

رد: ممكن سؤااال

كيفج على راحتج حبيبتي

مايصير احد يحدد لج متى تمشين واشكثر

انتي شوفي متى اتكونين فاضية واشكثر تقدرين تمشين وامشي

الناس مالهم شغل

 

[بــ زايد ــنت]

رد: ممكن سؤااال

اوكي شكرا


انا على بالي يعني ما نمشي اكثر ساعه او ساعتين عشان هم قالوا لي ان الدهون تحول لعضلات لو مشينا اكثر وبس

ومشكوره

 

[el3aNoOoNa]

رد: ممكن سؤااال

انتي يعني امشي بالمعقول

كليوم ساعة

بس متى بالضبط ماادري انتي وقت مافضيتي امشيها واذا ماتقدرين قسميها يعني خلي نص ساعة الصبح ونص ساعة بليل عرفتي

 

[بــ زايد ــنت]

رد: ممكن سؤااال

حلو

مشكوره غناتي

تسلمين

 

[ii DareeN ii]

رد: ممكن سؤااال

بلشي بسرعة مو سريعة ونص ساعة واليوم الي عقبة زيدي بقد ماتقدرين

 

[Miss Golden]

رد: ممكن سؤااال

مرحبا حبيبتي بنت زايد


شوفي غناتي..

اتي امشي اول يوم نص ساعه.. بأي وقت تبينه مو شرط الصبح او العصر..

يفضل بعد الاكل بنص ساعه لي ساعه على ما يتهضم..

ثاني يوم زيدي ربع ساعه..

وثالث يوم زيدي بعد ربع ساعه خليه ساعه.. او اكثر المهم بالتدريج..


وبالنسبه للعضلات مالها شغل بالمشي حبيبتي..

العضلات تتحول دهون لما تسوين تمارين معينه وتحركين فيها العضلة اللي تكون مو متحركه اساسا بجسمج..

تخلينها تطلع و تكبر وبعدين تهدين هالتمرين هذا.. بالتالي العضلة اللي طلعتيها راح تتراكم عليها الدهون ..


بس المشي بالعكس وايد زيييين

​

 

[بــ زايد ــنت]

رد: ممكن سؤااال

دارين

مس جولدن

مشكورين فديتكم


الحين فهمت عليج اختي

ويسلموو

 

[kakooka]

رد: ممكن سؤااال

السلام عليكم
كوني انا مدرسه بدنيه اقدر افيدج اكثر بالرياضه بخصوص المشي طبعا اول ايام انت ما فيج لياقة تقدين تخلينه ربع ساعه وبعدين تزيدين بالوقت وبنصح بعمل تمارين رياضيه مثل ضغط بطن وضغط صدر عشان يصير جسمج سمبتيك
وبخصوص متى بأي وقت ؟؟
في عندج طريقة التدريب الموزع انج تمشي طول اليوم بس لمدة خمس دقايق حتى نهاية اليوم يصير ساعه يعني انج تمشي قبل الغدا عشر دقايق وبعدين العصر عشر دقايق فهمتي لما تكملين باليوم ساعه كامله وهذا التدريب راح ريحج نوعا ما لان ما فيج لياقه
وعندج طريقه ثانيه انه تخلين كله مع بعض يعني مثلا تمشين نص ساعه مع اللياقه تصيرساعه وبعد الساعه تسوين تمارين رياضيه طبعا هذا الوقت الي يناسبج بس نصيحه لا تاكلين على طول وتمشي ما يصير على الاقل يبيلج بعد الاكل بساعتين عشان يتهضم
وبخصوص الدهون تتحول عضلات هذا الحجي يبيله وحده مجابله الرياضه على الاقل سنه كامله عشان يصير جسمها مثل كمال الاجسام ومعضل وخايس
وما اعتقد رياضه المشي راح تشوه من منظر جسمج بالعكس راح تعطيه اكثر انوثه وانشاء الله مع الاستمرار يبيلج على الاقل 3 شهور وتبين النتيجه
ونصيحه اخيرا عشان تستفيدين اكثر من الجهاز رفعي الجهاز من جدام من حيث انج لما تمشين عليه جنج قاده تصعدين على درج او جبل
والى الامام وبالتوفيق
وشكرا

 

[Lonly Girl]

رد: ممكن سؤااال

حلوو أنا أفكر اشتري ي - بس بقولج ملاحظة لاتمشين أكثر من سااعة عليه لأنه موزين على ريووولج تنشف من داااخل

 

[بــ زايد ــنت]

رد: ممكن سؤااال

مشكوره اختي كاكوكا

اشكرج كل الشكر على النصايح اللي افدتيني فيها تسلمين ما قصرتي


لونلي هيه والله صدقتي انا مشيت اول يوم ربع ساعه ولليوم ركبتي تعورني حتى ما اقدر اثنيها مع اني ما مشيت بسرعه كنت امشي شوي شوي

ويالله شدي الهمه

تسلمون خواتي

 

[ღلولي الحسآويهღ]

رد: ممكن سؤااال

ماهنا احسن من شي اسمه مشي
كل الفوايد زينه
انا أمشي نص ساعه

 

[سمسميه]

تم تعديل العنوان بواسطة المشرفه

 

[آلآرجـُوآنْ]

بنت زايد ياقلبي انا ودي اشتري جهاز المشي بس في ناس يقولون مو زين صج ولا لأ