شريت من ماك .. ابي نصيحه..

[beeebooo]

السلام عليكم




اخواتي انا بشريت بيضا

نفس درجة اللون لبشرتي لصورة كيم


شريت من ماك كريم اساس ستوديو فكس فلويد رقم 20 وكونسيلر كريمي رقم 20 والبودره المضغوطه مره ماعجبني لونها طالع لوني احمر رقم 25 ستوديو فكس..


انا غلطت باختياري بودرة اساس 25 شفته بالمحل لون بييييج وبالبيت لون احمر حطيته على وجهي طالع كني مسويه تان بس احمر.. مره شين..

وش اختار بودرة اساس اي رقم من ماك؟ مابي اشتري ع الفاضي..

وهل اختياري لكريم الاساس مناسب لبشرتي.. لاحظت اذا حطيت صار وجهي ورقبتي بني خفيف وجسمي ابيض مثل الصوره الاولى..

وبالنسبه للكونسيلر هل المفروض اخذ افتح من الفاونديشن؟

 

[^^ROSE^^]

السلام عليكم ورحمة الله وبركاته

حبوبة مايصير تشترين شي بدون ماتجربينه
حتى لو متنقبه مثلا دشي داخل حطي منه
انا الفاونديشن والبودر لاااااازم اجربهم بالمحل مو على ايدي لا احطهم بويهي
عادي كل خد درجه واقرر شنو باخذ تالي امسحه
الحين ماكو الا تردينهم او تشوفين احد من معارفج يلوق عليهم هاللون اذا مارضى المحل يرجعهم
والمره اليايه جربي بالمحل

لان يعني لو بتحاولين تعدلين لونهم شنو بتسوين تخلطين معاهم لون افتح؟ ماسوى عليج
الوحده تبي شي يريح مو تخلطين كل مره مو شي

انا ماجربت فاونديشن ماك بس حاليا استخدم ميك اب فور ايفر matt velvet وااايد حلو مايدهن وتغطيته حلوة
جربيه بعد وشوفي

 

[beeebooo]

عمري ماسويته اخذه و بس اجربه على ايدي وخلاص... تعرفين صعبه اني اجربه على جهيي بالمحل.. بس شكلي بسويها ولا علي ومايرجعه المحل لان بدون فاتوره وثاني شي استخدمته الكريم حليو بس البورده هي تحفه...

مشكوره اختي وشكلي بحول لميك اب فورايفر بختار نفس درجات كيم .. مشكوره

 

[pink ink]

اي اساس بتشتريه جربي 3 الوان تحسيها مناسبة للونك جربيها على جبينك جنب بعض
خذي 3 الوان متقاربة افتح من لونك ولونك والاغمق
وابعدي عن الوان الاساس المايلة للوردي لانها تبين البشرة مكتمة وغامقة حتى لو كنتي بيضاء
بياضنا في الخليج مهما كان فاتح اسمه حنطي
في تصنيف شركات التجميل يندرج تحت الدرجات السمراء ولازم نختار الاساس داخل فيه اللون الاصفر
الورديات مناسبة للي بياضهم مصفر من فئة الشقر اما الشقر اللي بشرتهم محمرة ياخذوا شي داخل فيه الاصفر كمان
انتي اذا دخلتي المحل حاولي تروحي وبشرتك نظيفة
وخذي المراية وفي مكان اضاءته تمام حطي من الالوان الثلاثة على جبينك جنب بعض
طبقة من كل لون تمسحيها مسح خفيف يعني خليها ظاهرة
واتركيه شوية عشر دقايق مثلا لين بشرتك تتشربه
اللون اللي تحسيه اندمج مع لون بشرتك هذا اللون المناسب
اللي تشوفيه غمق شوية والا مبين فاتح و واضح انك حاطة شي هذا مايناسبك
والبودرة خذيها افتح بدرجة او درجتين من الاساس اللي اخترتيه

الاساس اللي اشتريتيه لاترميه ممكن تستخدميه وحتى البودرة لو غامقة بتنفعك اذا عرفتي كيف تلعبي لعبة تحديد الملامح
واللون المناسب اللي بتاخذيه حطيه على كامل وجهك وبعدين حددي وجهك بالغامق اللي عندك
بالتوفيق ياقمر

 

[أحاسيس سرمديه]

حبيبتي يمكن انتي ماخذه الاساس اللي لونه وردي nw

المفروض تاخذين nc20 لونه بيج يناسب البشرات الخليجيه
جيكي على اللي عندج nc20 ولا nw20

 

[krkooora]

ترا رقم 20 فاتح
اشوفه افتح من درجه لون بشرة كيم بـ وايد
اذا ماشي معاج لون الفاونديشن اوكي اختاري بودره مثل الرقم بس انتبهي اخذي اللي بدايتها nc
بودره 25 استخدميها استخدامات ثانيه يعني ماراح اطيح جبدج

 

[بنت الاحلام]

حبوبه انا نفسج وكريمات ماك ما تمشي معاي كلهم غامجين علي

عرفتي عشان جذي مالي نصيب اشتري منه كريم او بودر

 

[manoooram]

حبيبتي اختاري البودرة اللي يايه على بيجيات واللي تبدأ ب nc

 

[&موناليزا&]

عزيزتي رفع لعيوووووووووووونج

 

[ميمي المنصوري]

ااايه اناا اتفق مع البنات لالازم اتجربين وتاخدين غير بشرتج اناا لالازم اجربهم كذاا لوون واقعد ويااهم واخليهم يحطوون لي على ويهيي واشوف اللي يناسب واقعد شووي واشوفه اوكي او لالا بعضهم مويناسبج لالالا لالازم تتعلمين هالشغله وإن شاءالله راح تكون عندج فكره باذن اللله ....​