شسالفة !؟

[jen2n]

السلام عليكم

حابة ادش بالموضوع على طول

:bbbiu:معقولة بأربعة أيام بس!!!! أغيب فيها تتغير الاحوال :eh_s(10):

من يوم الاثنين كنت طالعة دورة برا المدرسة

رديت اليوم والاحوال منقلبة فوق حدر

دخلت القسم بقشي وسلمت على الموجودين قلت لهم اشلونكم شخباركم

ردو وقالو الحمدالله واشلون كانت الدورة ومن هالكلام

عقبها دشت رئيسة القسم وسلمت وقالت شخبارج فلانة وبس من غير ما تسألني شصار بالدورة :eh_s(10):

شوي والا يمكن 10 - 15 طالبة ييو لي للقسم واقعدو يسلمون علي ويبوسون فيني والحمدالله على السلامة وتوا ما نورت المدرسة

كل القسم قام يطالعني ويطالع البنات مستغربين على منصدمين !!!:bbbiu:

اكتشفت عقب ان في وحده من الابلات سافرت من الخميس وما داومت اليوم

وقبل شوي بالقروب كاتبين لها الحمدالله على السلامة اشتقنا لج مكانج كبير فاقدينج!!!

يعني انا اللي ما تواصلت معاكم 4 ايام وما ادري عن اخباركم ما ولهت علي ولا بستوني على الاقل

واهي بس الخميس والاحد غابت عنكم مكانها امبين !!! والمشكلة مو اول مرة تسافر

كل شهر تسافر مرة


ما ادري ليش هالتغير المفاجئ اللي صار بالقسم ماني عارفة غلطتي

والمصيبة يت مدرسة يديدة محد له خلقها والا يبون يعلمونها اشلون تحضر او تزور الابلات او يسولفون معاها امبية مو من صجهم

شسالفتهم مادري !!!

 

[Ranoon]

مجتمع حريم كله مشاكل وزعل وحقد وكرهه في مدارس او غيره


فكي نفسج من تفكير هذا وخليج بنفسج


حلات وحدة تسوي شغلها وتمشي

 

[ReD&FoSHia]

حركات حريم بايخة اهم شي طالباتج فقدوج و ويحبونج و كوني مع اليديدة حاوريها و اخذي بايدها
وماعليج منهم

 

[Misq8]

اختي ومنو قالج المنتدي حلال المشاكل !!! واحنا شكو بمشكلتج والله سالفة يديده هذي ... القسم هذا يخص المعلمين واخر التطورات بالتربية والمقترحات فماله داعي انخرب المنتدي بمشاركات سخيفة

 

[مرتبة]

السالفه وما فيها

السفر
السفر
السفر

من كثر ما يفكرون بسفرتها وانها مستانسه حطوا هالكلام يتظاهرون بعدم القهر من خلال التوبك
اغلب الحريم جذيه جيبي طاري السفر تطير عقولهم مع الحره


المسأله مو انتي ولا هي

 

[وحدة من الناس *]

عادي مجتمع حريم

 

[jen2n]

اختي ومنو قالج المنتدي حلال المشاكل !!! واحنا شكو بمشكلتج والله سالفة يديده هذي ... القسم هذا يخص المعلمين واخر التطورات بالتربية والمقترحات فماله داعي انخرب المنتدي بمشاركات سخيفة

اختي اذا مو عاجبج الموضوع لا تردين علي

(( قل خيرا أو اصمت ))

 

[jen2n]

الظاهر لان ما وزعت حصصي يوم غبت

مع اني رحت وكلمت الاقسام ومحد رضا ياخذ حصص

لان الحصص الاخيرة او ما يتناسب معاهم

لدرجة ان عندي اليوم خامسة سابعة تبي تعطيني سادسة بعد !!!

وسبحان الله لان النية سيئة تطلع المدرسة امبدله حصتها مع قسم ثاني

آآآآه متى يصير 8/7 ونفتك

 

[قوس قزح]

الله يعينج
بس اختي يمكن اللي سافرت صديقتهم حيييييل مو بس علاقه زماله بالقسم
ف لاتظنين انهم حاقرينج

 

[أم جوري]

الله يعينج

ما عليج من احد مدام عارفة انج مو غلطانة ...

 

[randomy]

لاتنطرين من احد شي

عيشي حياتج......وبعدين اهي راده من سفر ...وانتي دوره بالديره ...في فرق صدقيني

 

[¤§ زيتونة §¤]

حبيبتي

الموضوع طبيعي ومافيه شي بالمرة

انتي دورة ومو بظرف طارئ ولا فيج بعيد الشر شي عشان يهتمون نفسهاا

اهي يمكن سفرتها لشي مفاجئ ظرف عارض محد يدري !!!

حتى لو ماخذة اجازة ومسافرة تستانس مافيها شي هم مسافرة اسمهاااا

صدقيني مافي داعي للحساسيه هذي ولا يستاهل الضيق اللي انتي فيه

وبعدين كلنا ندري وخل نكون واقعيين انه الدورات الصباحيه تفكنا من المدرسة والتدريس صح ولا لا ؟ هههههههههههه

فانتي وضعج سليم مافيه اي شي مو طبيعي


حبيبتي خلي الحساسيه واندمجي مع زميلاتج كلهم يدد وقدم وصدقيني هالامور تخرب علاقات سنييييييين فلا تعرضين صادقتكم لهالهزة التافهه وتدمرهااااا



وسلامتج

 

[jen2n]

المشكلة ان هم كانت في أبلة خبرتها نفس خبرتي راحت دورة الاسبوع اللي طاف 4 ايام !

وراحو وهللو فيها وسلمو عليها

مو غريب هالشي بعد !

 

[عادت ذكرياتي]

لا تاخذين الأمور بحساسية

 

[نونا**]

نصيحه لله ان دققتي راح تتعبين طنشي وتعاملي عادي مجتمع المدرسه حدا سيء ومتعب اللي ادقق تشيب بسرعه

 

[PuPa^^SWeeT]

بييه


كيفهم


هذيل الحريم ماتبقى صديقة على طول



و زميلاتج لاتنطرين منهم التقدير



اول من يططب فيج عند المدرسة الاولى اهم