شسالفة صج يقولون ماكو جوازات كويتية يديدة ؟؟؟

[بلبل حياتي]

بنات بصراحة أنا مصدومة ومو مصدقه اللي سمعته ؟!؟!؟!

:q8: راح ريلي يوم الخميس 2008/9/18 حق الجوازات علشان بيجدد جوازاتنا منتهيه ... وطبعا كنا متوقعين إنا نستلمهم يوم الأحد اللي بعده لأنه موسم العطله والسفر إنتهى وماكو زحمه ... وبعد ما إستلمت الموظفه الجوازات من ريلي وخرمتهم ... قالت له راجعنا علشان تستلم الجوازات اليديده بعد شهرررررررررررررررر ونصصصصصصصصصصصصص ... ريلي يقول فجيت حلجي من الصدمه وقلت لها هاااااااا ليشششش ؟!؟!؟! إشصاير شالسالفه ؟!؟!؟! قالت له الموظفه ما عندي إجابه روح حق المسئول ويجاوبك ... ويقول رحت أدور وأسأل عن المسئول اللي بيساعدني ويحل اللغز ... ولقيت عند مكتب المسئول طابور الله لا يوريكم إشطوله وصفيت في الطابور أنطر دوري علشان أبي الجواب ولما وصل دور ريلي ودش عند المسئول ... قال المسئول ماااااااااا عندنااااااااا جوازات كويتية يديده بس نعطي اللي بيسافرون علاج أو دراسه والباجي بعد شهرررررررررررررررر ونصصصصصصصصصصصصص ... قال له ريلي ما فهمت إشتقصد ؟ قال المسئول عندناااااااا نقص في الجوازات الكويتية اليديده ؟؟؟
عاد أنا سألت ريلي قلت له شالسالفه إحنا وين قاعدين بشرق آسيا ... معقوله الكويت فيها نقص بالجوازات الكويتيه اليديده ... قمت أفكر وأحاول أحلل عل وعسى ألقى جواب مقنع :gr4uu: ... فقلت إييييييييييه أكيد بيغيرون جوازاتنا الكويتية وما يقدرون يطبعون جوازات زياده ...
ومن يوم الخميس وريلي قاعد يدور واسطه ... بس ماكو فايده ...
اللي تعرف شالسالفه ياريت تقول لي وتبرد قلبي لأني صج مقهوره ... :lkmnkl:

 

[bint_q8]

@@

شنوووووووووووووو ماكووو جوازات اي شي

اول مره اسمع هالسالفه ... الله يعين شالمصخره

ماعندي علم والله ان شاءالله البنات يفيدونج اختي

 

[$ الـسـلـطـانـــــه $]

اي صح تجديد الجواز صاير ياخذ 40 يووم
ومثل ما قلتي مافيه جوازات كويتييه

الله يعييين

 

[اماني]

لا مين يقول
صحيح تطول بس تطلع

يعني مو اكثر من اسبوعين

اما عاد 40 يوم ليه انفاس هو ؟؟؟؟؟؟؟؟؟؟؟؟؟؟؟

لا تطلع وبالنسبة للجوازات الجديده مدري والله انا جوازي منتهي وما جدده ابوه الله يحفظه لي ويخليه وماله داعي السفر وماعاد هنيا سفر رات العطله وماسافرت

 

[برميتا]

حماي توه من اسبوع مجدد جوازه وجواز مرته وعياله
يمكن هالسالفة توه هاليومين !

 

[galaxy]

عادي
بالكويت اتوقع كل شي

 

[!! غزل !!]

عاااتي يبا انتي بالكوييييييييييييت اي شي توقعي يصير

هذي الكويت صلي عالنبي

 

[yam_yam]

امبييييييييييييييييييييييييه اي شي متى نسافر يعني انا بسافر ورا العيد

 

[^SwEeTa^]

يحليلهم والله وزاراتنا .. لازم يسوون أكشن و لا ما يرتاحون هههههههههه

كل أسبوع فنتك يديد

أي شي أي شي

 

[دراهــم]

ماادري شقول ..... بس الله يعين
يعني احنا دولة غنية .. جذي حالنا ؟؟!!

ما نقول إلا الله كريم

 

[NoNoFeTa]

اي شي ؟؟ احنا بسيلان ؟؟

 

[قلبي ابيض]

من صجكم ؟؟؟؟

 

[Eva-SS]

ما فهمت شلون يعني نقص جوازات كويتيه شنو صناعة هي ولا فقع ينطرون موسمه

كله اوراق يطبعون

صراحة شغلة غريبة بس صج يقولون الحين الجوازات تاخذ فترة مو مثل قبل على ما تطلع

الناس تتطور وحنا نتخلف كلمالنا نرجع ورا

 

[البتـــول]

غريبة من سبوعي زوجي مجدد جوازي

 

[.. مـــلاكـ ..]

مادري
احنا مجددين جوازاتنا وعادي !!

 

[انوومه]

لووول وييه يعطييج العافيه

 

[MISS DaL3]

اول مره اسمع بها الشغله
بسأل لج أخوي لأنه هذا دوامه وبرد لج خبر.

 

[غزلان]

يمكن عشان عندهم ضغط قالوا جذي
بسال وارد لكم خبر

 

[q8q]

هالسالفه صارلها جم شهر بس اذا عندكم احد تعرفونه هناك يخلص جوازج بيومين

 

[شندوخه]

مادري والله بس ليش مجددين جوازاتكم شنو منتهيه ؟؟
انا جوازي تو الناس يالله 2010