شسالفه القسم ؟؟

[Aloe Vera]

المنتدى شبه ميت و مهجور غريبة حالته ماكان جذي

 

[Jenanie]

بسيطة

خل ادارة المنتدى تسوي application حق المنتدى حق اجهزة الايفون والاندرويد
وعلى ضمانتي الكل يرد يشارك

الناس الحين 24 ساعة مجابلة الفون

ترى الفيسبوك وتويتر كانوا مواقع websites في بداياتهم لكن لما انتشرت الapplications اهم بعد سووا ابلكيشنز حق الفون

هذا الذكاء
ما نتخلى عن الفكرة بكبرها
بس نطورها

لازم المنتدى يواكب التطور حرام جذي يظل مهجور

لو انا من ادارة منتدى كويتيات
اتعامل مع مبرمجين خبرة واخليهم يصممون ابليكشن كويتيات وانقذ المنتدى من هالمأساة والكابوس اللي عايشين فيه الاعضاء الصامدين

وعلى فكرة
السالفة ابدا مو غالية
واتوقع الادارة عندها الميزانية الكافية

 

[Aloe Vera]

عدل كلام جيناني

 

[شموسة كيوت]

الحين البنات يدخلون يسون قروب بالواتس ومايرجعون للمنتدي

وانا شخصيا دخلت بقروب واتس اب كويتيات ونسسيت المنتدي والحين حنيت لايامه فتحته هههههه

 

[Kocheko]

أنا أحس لما ادخل المنتدي البنات يكونون اقرب لي من الانستغرام أولا نسائي ثانيا كل وحده تنصح وتفيد الثانية نفسيا أحب المنتدي

صامدون لاخر رمق​

​

 

[فروحته]

ستايل المنتدى له دوق يعني لو يهتموت بتغييره بيخليه اجمل
المشرفات يتغيرون و يكون في التزام يعني المشرفة الي ما تقوم بدورها يشيلون منها الاشراف
يخففو الاعلانات الي فوق شوي
و انا مادري شنو الي خلاهم يختفون لاني مو من مستخدمين الانتقسرام

و سلامتج

 

[Stylista_Q8]

جناني

فكرتج وايد حلوة ،، يا ليت يطبقونها

بس احس حتى المشرفات ما قاموا يدخلون هني

 

[انت مناي]

اكثرهم راحوا الانستقرام وانا كنت مدمنه الانستقرام بس الحين مليت منه لان الردود مو دايم تطلع وانقهر خاصه لما يكون الموضوع مهم اما المنتدى لو تتعدى الردود ميه صفحه بتحصلينها كلها لان الردود ساعات استفيد منها اكثر من الموضوع عشان كيذا رجعت للمنتديات وصرت ما ادخل انستقرام كثير احس صار مملل بعد هذا غير الاعلانات اللي ماليه التايم لاين ...

 

[جامعيه طموحه]

انا وحده سجلت في المنتدى عشان اللمه بس عقب ما سجلت ما لقيت اي حماس في المواضيع ولأسف اكثر المواضيع الي موجوده مواضيع الاعلانات من ال fake accounts يعني وحده تسجل وتكتب 10 مواضيع ورا بعض في نفس القسم وتكتب نفس الكلام الاعلان في كل موضوع والي استغرب انه المشرفات ما يمسحونها وهالشي يشوه شكل المنتدى

وانا فتره مادشيت للمنتدى بسبب هالموضوع انه مافي شي يديد

 

[شوقـي غ ـــريـب]

ان شاءالله يرد احسن من اول ولازم نكون تجمع يكون عام مو مخصص حق شي معين

وثاني شغله لازم يشيلون المشرفات المهملات يستبدلونهم بالعضوات الصامدات وصدقوني

راح يكون في اقبال ويكون حماس اساسن الانستغرام فيه عيوب من ناحية الردود تكون سريعه والدخول

عن طريق حسابات الاعضاء وليس هناك تجمع واضح بالانستغرام شبيه بالمنتدى ... وشكرا

 

[البابانه توته]

انا كنت عضوه قديمه بس غيرت اللابتوب
ونسيت الرقم السري
سجلت مرخ ثانيه لاني اشتقت حق المنتدى
بسسس طبعا مادخل نفس قبل وايد اقل

 

[شوقـي غ ـــريـب]

معقوله ادارة المنتدى ما يطمحون ان المنتدى يرد بريقه نفس اول ؟

للاسف مافي حماس من الاداره للمنتدى لو في حماس جان المنتدى ردت له روحه

 

[نـعـومـه]

والله كلام جيناني حلو

هذا ممكن يكون حل

وصح كلام بعض البنات المراقبين هم مسئولين عن هالشي

 

[رشا الهواء]

ان شاءالله ترجع هالايام

 

[زوزووووووووو]

راح وقته خلاص وانشالله راح ايي يوم ويروح وقت الانستغرام والتويتر كان قبلهم فيسبوك والحين راح وقته الناس تهب هبة بالشي وبعدين تتركه انا الصراحه كنت اول مدمنة منتديات بس الحين خلاص

 

[*E.B.D.A.3*]

للاسف المنتدى صار ربحي ..
وصار هذا اهو التركيز الوحيد عند الادارة

 

[سبحآن الله"]

اتحدى اذا المشرفات او العضوات القديمات نسووه
الموضوع مو موضوع نسيان تلاقينهم يدخلون كل فتره وفتره ياخذون لفه ويطلعون
السالفه سالفة الحمااااس اندفن وملوا .. ليش ! لأن تعلقوا بالأنستقرام والتويتر ف شيء طبيعي ماعندهم وقت للمنتدى غير انهم يطلون عليه كل شهر او كل سنه بس انهم ينسونه بمعنى مايدخلونه ماتوقع ابددددددا والدليل ان في عضوات قديمات مشاركين في هالموضوع وبعد حنا نغيب شهر سنه ونرجع ونحن ونتابع اكثر وقتنا على الصامت هذا دليل ان مستحيل ينسونه بس هم يطالعونه من بعيييييد لبعيد بحكم انهم ملوا وراح الحماس منهم ولأن الأداره نفس النظام ف ماعاد احد يحاسبهم
فقط هذا كل الموضوع

 

[نـعـومـه]

سبحان الله



يمكن صح يتابعون عالصامت بس المشاركات قلت حيل وفي بنات اختفو خير شر

 

[حامل يديدة]

الحين بدوا يرجعون للمنتدى

السبب الانستغرام لكنه مايغني عن المندى


والمفروض المشرفات يجددون


في مواضيع مثبته قديمه حتى ارقام التلفونات تغيرت لما بندق على مطعم او صالون

 

[G!RLooNa]

السبب السوشال ميديا ... و هبة المنتديات راحت بعد ... يجوز يرد نفس قبل جم سنة بيوم من الايام بس صراحة ما اتوقع ... انا عن نفسي الحين ادش مره كل جم شهر غالبا اذا طرى على بالي