شسووي مع ولدي؟؟

[شيخه الزينات]

السلام عليكم

شلوونكم بناات

بدش بالموضوع ع طووول

بنات ولدي بيكمل 5 شهور و صدره تعبان وفيه كحه قووويه ماتجي الا بليل وتنوم قبل كم شهر بالعدان وصار زين بس عقب فتره رد صدره تعب انا اللي خايفه منه انه مرات اذا غط بالنومه اشوووف صدره مدري شلون يتحرك جنه اللي يتنفس بسرعه ووديته العدان اول شي قالي دقات قلبه سريعه والمره الثانيه قالي هذا من صدره لانه تعبان حيل وعقبها وديته عند خاص دكتوره نحمده شافته قالت صدره مافيه شي بس التهاب خفيف وهذي حالتنا كل اسبوعين يطيب وعقبها يرد نفس حالته شالحل جربت معاه كل شي مانفع ?بلييز ساعدوني اللي مرت مثل تجربتي شسوت ??

 

[ام كداوي]

الله يشفيه انشالله
بسالك هو فيه بلغم

 

[شيخه الزينات]

امين الله يسمع منج

اي في بلغم

 

[شيخه الزينات]

بناات وينكم شدعوا 21 مشااهده ولا وحده ردت

 

[شيخه الزينات]

????

 

[M!SS.LOBY]

الله يشفيه ويحفظه من كل مكروه

 

[M!SS.LOBY]

اللي اعرفه دبس التمر مفيد يشيل البلغم وينظف الصدر من الخشخشه للاطفال

 

[أم حسوون]

السلام عليكم ، أنا باسأل إذا ولدج فيه حساسية صدر أو لا ؟ إذا فيه لازم تلتزمين بكورس للصدر مع إستشاري صدر زين ليما تعدي هالمرحلة ويكبر شوي وتخف وتفك عنه .

 

[ســــراب]

الله يخليه لج يارب
حبيبتى روحى لدكتور مازن العيسى
استشارى *ﻛﺒﻴﺮ ﻭﺭﺋﻴﺲ ﻭﺣﺪﺓ*ﺍﻻ‌ﻃﻔﺎﻝ*ﺑﺎﻟﺼﺒﺎﺡ
وعنده عياده خاصه بالفروانيه على ما اعتقد *

 

[فوفو22]

صاجه اللي فوقي د مازن العيسى ممتاز

وبالعموم. لا تقلقين وايد الكحه. دايما تزيد بالليل

المهم تاكدي من ان صدره نظيف ومافي التهاب


وسلامته ما يشوف شر

فوفو

 

[M!SS.LOBY]

ما يشوف شر ان شاءالله

 

[شيخه الزينات]

السلام عليكم ، أنا باسأل إذا ولدج فيه حساسية صدر أو لا ؟ إذا فيه لازم تلتزمين بكورس للصدر مع إستشاري صدر زين ليما تعدي هالمرحلة ويكبر شوي وتخف وتفك عنه .

لا حساسيه مافيه الحمدلله بس قالوا لي انه التهاب خفيف واللي غاثه اكثر البلغم

 

[شيخه الزينات]

الله يشفيه ويحفظه من كل مكروه

تسلميين ياقلبي

اميين يارب

 

[شيخه الزينات]

الله يخليه لج يارب
حبيبتى روحى لدكتور مازن العيسى
استشارى *كبير ورئيس وحدة*اﻻ‌طفال*بالصباح
وعنده عياده خاصه بالفروانيه على ما اعتقد *

جربت الدكتوره نحمده والحمدلله مشى معاها

 

[شيخه الزينات]

صاجه اللي فوقي د مازن العيسى ممتاز

وبالعموم. لا تقلقين وايد الكحه. دايما تزيد بالليل

المهم تاكدي من ان صدره نظيف ومافي التهاب


وسلامته ما يشوف شر

فوفو

مشكورره فوفوو

اي والله ماتزيد حكته الا بليل والحمدلله صدره صار احس حتى صوت صدره خف
بس دايم جذي يطيب فتره وعقبها يتعب صدره مره ثانيه وهذي حالتنا كل ماتعب اعطيه كمام ويطيب الحمدلله على كل حال

 

[شيخه الزينات]

ما يشوف شر ان شاءالله

حبيبتي الشر مايجييج