شسوي ؟؟؟؟؟؟؟

[كويتيه=)]

السلام عليكم

اشلونكم كويتيات


قبل ما ابدي بموضوعي بقول لكم عن حالتي


أنا توني موظفة يديدة ومو متزوجه وطبعي هادي جدا ومو اجتماعيه

زميلاتي اللي بالدوام كلهم متزوجين بعضهم توهم متزوجين وبعضهم حوامل ببجرهم

يعني بينا زماله وواتس اب ومسجات وما اسولف معاهم الا بالشغل

المهم البنات الحوامل اولدو ودازين لي مسج حق الاستقبال

وانا ما اعرف بهالامور وعمري ما رحت استقبال حق ناس ما أعرفهم

وحتي استقبال الناس اللي أعرفهم اروح مع امي

أنا حاليا خايفه من العتاب واللوم وماني لاقيه اي عذر لتعذر فيه

وخايفه ان يتعاملون معاي بالمثل

هذا شي والشي الثاني أني دزيت مسجات أبارك لهم بالشهر ما ردو علي
ولا بادرو بهالشي !!!

فالحين شسوي

 

[Tom ♥ Jerry]

,



ليش مآ رحتي الآستقبال !!
حتى لو مآلج خلق على الاقل بس نص ساعه و طلعتي

 

[فجر Q8]

بيني لهم وجهة نظرج

 

[gala q8]

قولي لهم انج ما قدرتي تروحين لهم ..

و إنتي رايحه الدوام ودي لهم هدايآ الإستقبآل لا يقولون عنج الشينه ..

و إن شآء الله سهآلآت ,

 

[بنت الاحلام]

بالعكس روحي وشاركي هذول زميلاتج عمر

 

[كويتيه=)]

انا اكيد لما بيحطون حطه راح احط معاهم هديه وهم لو ما حطو لما يرجعون الشغل راح احط

بس مثل ما قلت لكم انا طبعي مو اجتماعي وعمري ما رحت بروحي استقبال ناس ما اعرفهم

انا اهلي ما اروح الا غصب اشلون اروح حق ناس ما اعرفهم !

 

[Patcholli]

شوفي اتروحين او ماتروحين هالشي راجعلج محد راح يحاسبج او يلومج وانتي عالاقل جان دزيتي مسج
بس حطي فبالج ان وحده مارحتيلها شبه مستحيل انها توجبج بمناسباتج
فانتي اذا يهمج هالشي ان الناس توجبج لازم تسعين وتوجبين وتعاملين الناس مثل ماتحبين انهم يعاملونج خصوصا اذا كانو خوش بنات والنعم فيهم
بس اذا مو هامينج ولا هامج توجبيهم بس كافي تحطين معاهم الحطه وخلاص
الصراحه انا الانسان اللي تهمني اروحلها واللي ماتهمني ماروحلها واكتفي بالحطه مع البنات والمسج اباركلها ..

 

[لمى الهاجري]

طيب روحي لهم الحين زوريهم او طرشي لهم الهدية

 

[كويتيه=)]

أنتو متزوجات يعني تعرفون بسوالف المواجيب

أنا توني ما صار لي سنه من تعينت ومثل ما قلت لكم مو متزوجه يعني شعرفني بسوالف المواجيب ولا وأروح بروحي بعد !!!

أنا دزيت مسجات بس احس مو كافي

غير جذي أنا ما احاتي يوجبوني او لا

احاتي ان ياخذونه موقف وينفرون مني

هذا اللي ما ابيه

 

[el.mlkaa]

دقي عليهم وباركييلهمم وقوليلهم انج كنتي ششغوله وآآييييييد طلعي لج اي عذر

 

[جوري - q8]

لاتضغطين علي نفسج انا الي اشوفه حظ ونصيب كل شي حتي لو رحتي مو شرط يردونه ويزورنج انا جربت الدوام مايواصلون ويوم استقلت محد درا عني وهذي تجربتي وخذيها نصيحه من وحده اكبر منج الدنيا ماشيه ماشيه تعرفين ناس تروح ناس تغير ناس غصبن علينا مانقدر نفرض احد علينا اهم شي شوفي راحتج اذا ماتحبين المواجيب لاتروحين انا مقدره الي حاسه فيه عادي خلج صريحه قولي مااقدر ماعندي احد يوديني ظروفي ماتسمح وسكري الموضوع صج رضا الناس غايه لاتدرك ياما وياما وصلت ووجبت ناس نسوني وانا مسامحه بس ارد اقولج شوفي الي ريحج وصح كلام الاخت اذا حابه تروحيلها ومرتاحه لها روحي هي مسألة حظ ومحبه انا عارفه هالسوالف وسامحوني طولت

 

[MakeupAholic]

حبيبتي كل واحد وظروفه
تعذري كان عندج ظرف وماقدرتي
وحاولي ادزين لهم الهدايا او تودينه لهم

بس هم انتي لازم تحاولين تتأقلمين مع الناس اختلطي فيهم
وراح تتعلمين انشالله

 

[كويتيه=)]

أنا والله من ناحيه الحطات والريوق بالدوام اول وحده تبادر واسأل ها بتحطون حق فلانه او لا بس مساله روحة مستشفي او بيت حق استقبال استحي اروح بروحي ما اعرف :/ الا اذا امي معاي يمكن بس فشله أخذ معاي امي كبرت لووول

 

[Patcholli]

كويتيه حياتي محد راح ينفر منج الا المريض نفسيا واللي ينفر منج مايشوف شر اول ماترد ارفيجتج بالسلامه عطيها هديتها بديها واتعذري بالظروف وانج ماقدرتي تمرينها بدون ذكر سبب معين قوليلها اسفه واعتذر حياتي ماقدر امرج بس انا مو ناسيتج وهم باركيلها بالمسج حتى لو الوقت متأخر احسن من انج تطنشين لين ترجع ..
وترى صدقيني محد يزعل ان شاء الله عادي في ناس تروح وناس ماتروح وماكو شي يزعل .. ولا ينفرهم منج بس كل الموضوع ان اغلب الحريم توجب اللي توجبها وتطنش اللي ماراحتلها بس نفور وزعل وغيره لا ..
مو الكل يقدر يروح ومو الكل يقدر يوجب وفي ناس مايحبون هالسوالف وانتي اشكره قوليها لهم انا ماروح حق احد ماعندي هالسوالف
انا قلتها حق بنات الدوام مره اني ماروح استقبالات وجذي لان زوجي مايرضى الا حق الناس اللي حيل كلوز وقراب ..
وعادي محد زعل ؟ لان مافي شي يزعل

 

[جامعيه كويتيه]

(؛
والله يقلبي ماشوفها مشكله لو انا بمكانج ان داومت هالبنت الوالده اجيب لها حلا وقهوه واعزم بنات الدوام كلهم ع سلامتها
عندكم بالقسسم
وبسسس
بعدين انت عذرج معااااج
انتي بنت ومو متزوجه اشلون تطلعين بروحج..؟؟ احنا عاداتنا ماتصيررر
وعسى الله يوفقج يارب ونشوفج احلى عروووس

 

[كويتيه=)]

قبل جم وحدة أولدت وباركت لها وكل شي ،،، وبعدها بجم يوم تعذرت منها وما ردت علي :/

 

[jen2n]

بصراحه عيب عليهم اهما يدرون انج مو متزوجه فليش يعزمونج على استقبال ولادتهم

استقبال عرس ممكن بس ولادة شكو!

 

[عسل حدي]

كويتيه حياتي محد راح ينفر منج الا المريض نفسيا واللي ينفر منج مايشوف شر اول ماترد ارفيجتج بالسلامه عطيها هديتها بديها واتعذري بالظروف وانج ماقدرتي تمرينها بدون ذكر سبب معين قوليلها اسفه واعتذر حياتي ماقدر امرج بس انا مو ناسيتج وهم باركيلها بالمسج حتى لو الوقت متأخر احسن من انج تطنشين لين ترجع ..
وترى صدقيني محد يزعل ان شاء الله عادي في ناس تروح وناس ماتروح وماكو شي يزعل .. ولا ينفرهم منج بس كل الموضوع ان اغلب الحريم توجب اللي توجبها وتطنش اللي ماراحتلها بس نفور وزعل وغيره لا ..
مو الكل يقدر يروح ومو الكل يقدر يوجب وفي ناس مايحبون هالسوالف وانتي اشكره قوليها لهم انا ماروح حق احد ماعندي هالسوالف
انا قلتها حق بنات الدوام مره اني ماروح استقبالات وجذي لان زوجي مايرضى الا حق الناس اللي حيل كلوز وقراب ..
وعادي محد زعل ؟ لان مافي شي يزعل

صح انا معاج

 

[جذابه بنت ذيابه]

حبوبه

اذا جو للدوام جيبي هديتج لهم معاج وبادري بالطيب .. واذا قالو لج ليش ما جيتي
قولي لهم الصج وعادي الامور سهالات بس اهم شي لا تجذبين !

 

[om-3azo-83z]

اكيد و 100% ماراح يوجبونج جان رحتي الحين راح يقولون تغار و سوالف الحريم هذي لو انا منج غير الحطه اودي هديه بسيطه و اعتذر اني ما ييت