شسوي !!؟.

[كويتيه=)]

السلام عليكم

اشلونكم بنات عساكم بخير

ودي ادش بالموضوع على طول

قصتي قصة مو قادرة اتأقلم مع بنات الدوام

مع اني اتريق معاهم واحط معاهم حق المناسبات و ضايفيني بالقروب

بس مو قادرة اسولف معاهم وآخذ واعطي معاهم بالحجي


وسوالفهم كله عن رياييلهم وخطبة وزواج ويهال وانا الوحيدة اللي مو متزوجة فيهم


وصار لي معاهم 3 سنين

بس لما اكون مع المقيمين اسولف لهم على راحتي واكون على طبيعتي

واليوم وحدة قطت علي كلمة مع اني ما سويت لها شي غلط وكل ما اطلبت مني شغله

اييبه لها

قامت جدام البنات تقول لي فلانة ليش ما تتفاعلين معانا !!

والا انتي يبي لج ريل

راح تصيرين عقب هيلقيه !!!

تخيلو !!!

عاد انا من النوع الحساس وبسرعة اتأثر بهالسوالف :eh_s(2):

شسوي بنات شورو علي