شسوي بالزولية

[وجدان الكويت]

السلام عليكم ورحمة الله وبركاته

شلوونكم بناات ؟


زوليتي اللي بغرفتي طاح عليها فحم البخور وكان طافي بس صار المكان اسووود على طول نظفتة بماي وصابون بس مارضى يرووح عدل

المكان للحين صاير أسود والمشكلة صاير بنص الغرفة

اللي تعرف اشلووون انظفها لها الحلاوة _03BA:

ومشكوورين مقدما
:eh_s(8):

 

[الكندرية3]

انا نفسك صاير لي نفس الشي لما تحصلين الحل قوليلي

 

[هــلا الكويت]

طلعيها بالحوش واغسيلها وسلامتكم

 

[DKNY]

والله ماعندي فكره للاسف
بس ماحبيت ادخل وماارد
تحياتي لك

 

[<< هيونه >>]

اي والله حتى انا مثلج ابي الحل

 

[sara3]

هبونة


جربى منظف الجام بس نوع كويس خلية شوى بعدين فركية يروح السواد

 

[اخت الغالي الغائب]

انا اقول دقي على المصبغه خلهم ياخذونها ينظفونها لج تجي تبرق كأنها جديده والا نظفيها بجل العملاق الاخضر حطي قفشه بنص قلاص ماي وكببي منه شو شوي على الزوليه وفركيها

 

[ام حمني]

المصابغ حل مثالي لا تعورين راسج و لا شي يا وخيتي ... انا كل بين فتره و الثانيه اوديهم المصبغه مو اليهال ما يخلون شي نظيف بجواتيهم و اكلهم و سوالفهم بس كل الي عليج تحطين فلوسج بالشمس و انت قعدي بالظلال ... دقي عليهم انا اتعامل معاهم و جربي 5726693 لوندري توجو و عندهم توصيل ياخذونها من بيتكم اهم الي يشيلونها و يردونها مكانها .. دلعي روحج

 

[اخت الغالي الغائب]

ام حمني باي منطقه المصبغه اللي حطيتي رقمها نشالله قريبه مني عشان يغسلون ارخص

 

[ام حمني]

المرشحه عزيزتي .... المصبغه بالسالمية ... عندهم توصيل مجاني دقي عليهم و شوفي اسعارهم اتوقع اسعارهم على حسب حجم الزولية ... تحياتي يا المرشحه بس قوليلنا اي دائره نازله خلينا ننتخبج

 

[اخت الغالي الغائب]

المرشحه عزيزتي .... المصبغه بالسالمية ... عندهم توصيل مجاني دقي عليهم و شوفي اسعارهم اتوقع اسعارهم على حسب حجم الزولية ... تحياتي يا المرشحه بس قوليلنا اي دائره نازله خلينا ننتخبج

هههههههههههههههههه ضحكتيني انا ماعرف اسجل طلبت من وحده تسجلني (زهور الريف) اموت على

زهور الريف اللي بالسعوديه وحسبي على ابليسها سمتني المرشحه صج اقدر اغير النك نيم؟

نسينا سالفة الزوليه لوووول