شسوي بجبنة حلوم؟

[جنوبيه]

معليش انا وحده توني ابتديت ادخل المطبخ,وشريت جبنة حلوم ولا ادري ايش ممكن اسوي فيها من حركات اذا ماعليكم كلافه علموني,شاكره لكم.

 

[الزين كويتي والدلع جهراوي]

مشاركة: شسوي بجبنة حلوم؟

أقولج اللي اعرفه

تجيبين الحلوم وتقصينه شرايح مستطيلات

تحطينهم في مقلايه فيها شوية زيت وتقليبنها لين تصير لونها بني شوي


وتحطينهم في صحن وترشين عليه شوية زعتر وزيت

وبالعافيه

 

[xxx]

مشاركة: شسوي بجبنة حلوم؟

http://www.q8yat.net/showthread.php?t=58&highlight=%CD%E1%E6%E3

شوفي هالرابط في خلطات حلوة لجبن الحلوم

تحشين فيها السندويشات

 

[جنوبيه]

مشاركة: شسوي بجبنة حلوم؟

مشكوووووووووووووره

 

[منارة الإيمان]

مشاركة: شسوي بجبنة حلوم؟

طريقتى للحلوم أقلى جبنة الحلوم بقليل من زيت الزيتون وبمكان الزيت أقطع طماطم طازج وأقلبة قليلا بالزيت الزيتون ثم أضيف جبن الحلوم المقلى مع أوراق النعناع الفرش وأقدمه بالصحن مع الخبز الحار جربيها طريقة وايد لذيذة وأدعى لى وبالعافية ،،

 

[جنوبيه]

مشاركة: شسوي بجبنة حلوم؟

الله يعافيكم

 

[نفنوف كشكش]

مشاركة: شسوي بجبنة حلوم؟

الله حلوم مقلي يم يم
تقدرين هم اتسوينه مع السلطه تبشرينه وتحطينه مع خيار وخس زيتون طماط مع زيت زيتون وليمون وثوم مهروس
او اتقصينه مكعبات اكبيره وتشكينه عالسيخ مع بصل وطماط وفلفل اخظر بارد وتشوينه عالفحم

 

[جارة القمر]

مشاركة: شسوي بجبنة حلوم؟

جنوبيه

شوفي يا قلبي

في عندي طريقتين

للحلوم

أول وحده

طبعا تقطعينه قطع مستطيله

وتنقيعينه بشوية ماء حار

علشان الملح

بعدين

تحطينه بمقلي فيه زيت


وتقلبينه لين يأخذ لون

بعدين تحطين فوقه قطع الطماطم المدوره

وبعدين ترشينه بشوية زعتر

يطلع يم يم


الطريقه الثانيه

تقريبا نفس الأولي

بس تخلطين الزيتون والزعتر والطماطم مع جبن الحلوم علي النار

ويطلع بعد يم

وشكرا

 

[أنا وين ؟؟]

مشاركة: شسوي بجبنة حلوم؟

طريقتي بالحلوم ...


احمره شويه بمقلاة تيفال ... بدون دهن ... الجبن اهو بيطلع مايه .. وبس يتغير لونه بشي بسيط ... احطه داخل الصمونه واحط فوقه شرايح طماط + زيتون شرايح + زعتر + شوية زيت زيتون ... واحطه بالشوايه


وسلامتكم

 

[هاهاهي]

مشاركة: شسوي بجبنة حلوم؟

تقديرين تقلينها بعدين تيبين توست و تحطين مايونيز و ماسترد و خس و طماط بس يعني قصيهم بطريقه مرتبه حدا حلو و مو الا تحطين الماسترد و المايونيز تقديرين اي سوس تفضلينه و بالعافيه

 

[unreachable]

مشاركة: شسوي بجبنة حلوم؟

وااااااااااااااااااااااااااااو شوقتوني

انا دايما اقلي الحلوم بمقلاة التيفال من غير دهن وبعدين احطه بالتوست واحط فوقه زيتون شرائح وشرايح طماط وأحطه بالتوستر يطلع لذيذ​