شسوي بنــــــــــــــــآت تكفون لاتخلوني تراني اختكم

[غرامي وجوده]

السلآم عليكم

شخباركم بنات

اذا ممكون تساعدوني انا حيل محتاره بقراري ..

شوفوا سالفتي بعدين احكموا..

انا صارلي سنه من تزوجت ومالله رزقني بطفل اللهم لااعتراض المهم .. انا شارطه ع اهلي قبل الزواج مااخذ واحد راعي سفرات .. وفعلا تقدملي واحد قالوا موراعي سفرات وطرت من الفرحه وسمعته عال العال


ولما اخذته ومع الايام قال لي .. انا فار العالم كله وطلع ابن بطوطه ماكو دوله ماراح لها .. حسبي ع اللي غشونا وقالوا موراعي سفرات ..

صارلي سنه وعمره ماسفرني .. وسافر بروحه وااااااااجد واااااااااجد .. ومايبي ياخذني كله يتعذر انه بيروح مع فلان وعلان ..

يقطني ببيت اهلي ولايرفع السماعه ولايدري عنه ولايسال والله لو مت يمديني تحللت ولادرى..

انا توني صغيره عمري 20 وهو 25..

بنات كل يوم اكتشف فيه عيب وكل يوم تزيد عيوبه
بنات والله والله لسانه قذر حييل حييييييييل قذر .. دايم احول اتفاهم معاه بس اسلوبه منحط..
ومايقعد معاي بالشقه بس يجي ياكل وينام ويطلع

ويدعي علي دايم دايم .. بنات موطايقته صاير كله عيوب بعيوووووب بنات و الله مليت ماتوقعت الزواج جذي..

انا ماطلبت دلع ولاسفرات ولارومانسيه بس ابي احترام .. مثل ما الصلاه عمود الدين .. انا عندي الاحترام عمود الزواج ..

انسان مايحبني مع انه والله ماجاه مني شي.. يكفي انه مناااااااااان حتى بكرت الفون يمن علي فيه وانا ماحب جذي..


انا حاولت ادخل احد من اهلي لان وراي رياجيل مو ماخذني من الشارع بس وربي مابي المشاكل تكبر والله اني افكر بعقلي موعواطفي

ماتتخيلووون شكثر طاح من عيني .. حتى دوامي بمنطقة حمولتي وهي شوي بعيده.. وهو مسافر من 6 ايام ومادامت من الثلاثا والاربعا والخميس ولا اليوم ..

ولما سالته بالوتس اب متى تجي قال مادري متى ماشبعت رديت ..
حتى دوامي مهمله .. بنات جنه عزوبي وحتى قالي اذا رديت بسافر مع الربع وبطول


شسوي بنااااااااااات مليت مليت اول كل همي دراستي وشهادتي بس .. ماتوقعت الزواج جذي بنات والله مافيه ايجابيه حتى طبعه قاسي مورحوم


شسوي لاالكلام ينفع ولاالسكوت .. ولاابي ادخل احد من اهلي لاني شاريه بيتي

شسووووووووووي بنات تكفووون لاتخلوني وربي اني ابجي ضقت ضقت منه


والسموحه اذا الكلام مخربط تراني متوتره

 

[بتبوتااا]

اول شي تكلمينه وتقولين له انه هالعيشه مو عاجبتج شفتيه ما اهتم دخلي احد من اهلج او اهله كبير ويكون له كلمه وتاثير عليه يكلمه

وان هم ما اقتنع فهميه انه مالج عيشه معاه اذا ماتسنع وان شاء الله الله يهديه ويركد والله يكون بعونج حياتي

 

[غرامي وجوده]

دايم أقوله الانسان طاقه .. اذا اتحملك اليوم .. ترا باجر انفجر .. لاتستغل سكوتي تراه موضعف انا اعطيك فرصه.. ولاتحدني اكلم أحد من أهلي ,,, عصصصب وهددني اذا شكيت لاحد بيوريني فيسه الثاني.. وانا موخايفه انا اعطيه اكثر من فرصه عشان لاصارت ورحت .. يتذكر هالشي واني ماقصرت

 

[مجنونة هع]

قولي له انا مقصره عليك بشي انت مرتاح بحياتنا جي

 

[شادن33]

وين اخوااانج ابوج حد كبير هاي شكله يبي رياال يرده

 

[هذا مزاجي]

والله ماادري شقولج
الله يعينج ويسخره لج

 

[مشتاقة لكويتنا]

باين من عمره انه توه على الدنياء وهاذي مشكلة تمر في بعض الشباب والسفر مو عيب لكن العيب التقصير

شوفي اذا صار بينكم نقاش وبينتي لك حاجتج العاطفية والجنسية وماتغير فيه شي
وتقصيره باين ووصلتي الى مرحلة ما تنطاق
بلغي اطيب اخوانج واحكمهم وراح ياخذه على انفراد وبشكل ودي وبعد اصبري لعل وعسى
وبلغيه انه من حبج شوقج سويتي هالشي
واذا ما تعدل شي بلغي ابوج وهو ادرى

وواصيج بالصبر منها اجر ومنها تقديرا له والله معاج وماراح يخليج

 

[مناير ...!]

هني لازم تدخلين اهلج
سكوت المره وتغطيتها على عيوب ريلها الي مااترقع اهو السبب الي يخلي الريال يتمادى
يتوقع ماعندج ظهر

 

[الحلا^^مبتليني]

شاريه بيتج اي بيت اللي شاريته...؟؟؟؟ بس اصبري يمكن يتغير شوفي متى ماحسيتي انج خلاص ماتحملين اطلبي الطلاق اهم شي نفسيتج وصحتج ولا هو شوفيه مدلع نفسه خيولي

 

[جمبلو جمبليله]

:eh_s(11)::eh_s(11)::eh_s(11)::eh_s(11)::eh_s(11):​

 

[فنونه التميمي]

انا ما عندي شي ممكن افيدج فيه البنات وفو بس ابي اقول لج انتبهي على دراستج لان محد نافعج ابدا

 

[سوسو حبيبتى]

الله يعينك

 

[لاحزن مع القرآن]

الله يعينج حبيبتي بس لازم تصبرين وتحاولين قدماتقدرين انج تغيرينه لانج توج ببداية حياتج
فلا تعودينه على هذي الأطباع

 

[Queenleo]

قوولي الحمدالله مايوولج عيال اللحين

استخيررري بريلج احسن

ووبعدين قرري

 

[om '3ala]

لازم تدخلين احد من اهلج بالسالفه هذي مو عيشه لا احترام و لا طلعات و لا سفر عيل اهو ليش متزوج دام حياة العزوبية عاجبته ؟

 

[| تفاصيل |]

اول تفاهمي معاه قعدي معاه قعده جديه " وخليج جداً هاديه
حطي في بالج لسته ب المطلوب منج ومنه وحقوقج وحقوقه واجباتج واجباته
وتفاهمي معاه ب عقل وعاطفه
مافاد
ابدي عطيه ملاحظات ، نغزات ، زعله خفيفه ، جم دمعه
مافاد
دخلي احد ب النص بس خليه اخر حل

 

[|{ عــذوُب }|]

يآهلا وغلآ آختي ..​

كل مشكله ولها حل .. بصراحه الله يعينج عليه وعسى الله يهديه يآرب ..​

ادعي انه الله يهديه واصبري يالغلآ ترا الصبر مفتاح الفرج حاولي انج اتفاهمين معاه بهدوء ترا الهواش والصراخ والعناد والله​

ماينفع الرجال لا تعاندينه ولاتخلينه يتعدا عليج بالكلام ترا والله ان سكتي راح يتماده صارحيه قولي له انا شنو مقصره فيه​

وحاولي انج اتقولين له كلام حلو ترا الرجال والله مثل الجاهل اذا عطيتيه كلام حلو تملكينه ​

بس نصيحه نصيحه نصيحه لا ادخلين احد بحياتج مشاكلج بينج وبين زوجج والله الرياجيل مايحبون المرآه اللي اتطلع عيوبهم عند​

اهلها فنصيحتي لج لا ادخلين اهلج الا اذا لاسمح الله صار شي قوي يعني اذا مد ايدهـ وتمادهـ ..​

ان شاء الله اكون افدتج واسمحيلي ع القصور يالغلآ وعسى الله يوفقج دنيآ وآخرهـ ​

 

[دلوعة صلوح]

اذا خليتى على راحتة وماكلمتى بيمصخها اكثر واكثر احسن شئ دخلى احد من اهلج يكلمة يا يتسنع

يا يفااارق مايشوف شر.

 

[ام فرح وبراء]

اقعدي معا واحكيلو كل الي مضايقك مني ولا تسكتي طلعي كل في قلبك وبعدها شوفي شو راح يرد عليكي راح يقدرك ويحترم بتبقى صفحة وانتهت وابتدو حياة جديدة ما غير من طبعو دخلي احد من اهلك

 

[ورد الطايف]

حبيبتي الحياه الزوجيه يبيلها صبر وطولت بال
وكثري بدعاء لزوجج وحاولي طولين بالج تقربي له
مع الوقت بتغير وبحس بقيمتج