شسوي بهالريال ؟؟دلوني ترا مليييييييييييييييييييت

[بس خلاص]

بنات انا طقت جبدي من ريلي ....
لي خمس سنين وزود اراكض من طبيب لطبيب ومافي فايده ...
اخرتها الله هداه وسوا تحليل طلع معه لزوجه وبطء شديد بحركه الحيوانات وقال الطبيب مالكم الا التلقيح الصناعي ولا الانابيب ..
وهالريال مو راضي
مايبي يتعالج ...ولا يبي نسوي تلقيح ...
رحت شريت ادويه وعطيته ...بعد بحث وتقصي في النت لانه رافض يروح لطبيب المسالك البوليه ...
ورفض ياخذ الادويه ...
قلت مو لازم ...خل نسوي تلقيح ...وهم مو راضي ...شسوي
حياتنا صارت نكد بنكد ...واحس اني كارهته حييييييييييل ...قاهرني ...
شلون اتعامل معه؟؟

 

[$غــ(ز)ــل$]

الله يكون بعونج
اهم الرياجيل طبعهم جذي مايحبون العلاج والادويه والمواعيد
انا زوجي طلع روحي على مافكريتعالج
كنت احن عليه يروح يتعالج لان انا مافيني شي المشكله منه اهو
وحنتي تروح على الفاضي
بس الحمدالله ربي هداه بعد 3سنين والحين كاهو يتعالج

انتي حاولي تكلمينه بطريقه غير
يعني شوقيه للأطفال يمكن يحن قلبه ويتحرك
وعسى الله يشفي زوجي ويشفي زوجج
ويرزقنا الذريه الصالحه

 

[WaChoCha]

حبيبتي الله يسخره لج ...انا ريلي طلع عيني سنة وانا اقص عليه واحايله لما زهقني حياتي جان يسوي التحليل فاللي يحصل لج شي طبيعي اغلب الرياييل جذي ..طولي بالج

 

[++The DuchesS++]

الله يهديه ان شاء الله
ويرزقج الذريه الصالحه يااارب
انا اذكر لمن قلت حق ريلي على طول سواه والله ما قصر

 

[كحيلانه]

انا اللي على بالي بس زوجي جذي وعلى بالي حاله خااصه اثاري كل الرياجيل مثله
انا خمس سنين واحاول وعلللللللل جبدي انا عاد مليت قلت له نهايتي معااااااااااااااااااك قربت اذا مارحت مابيك وانا بتطلق انا ابي عيااااال
يابنات انا تعبت تعبت تعبت ابي طفل وااااااااااااااااااااااااااااحد مو عشررر واهو بارد اخرر مره مسوي كان صفررررررررررر وخايف من النتيجه وخايف من الطبيب والله يرزقني ويرزقكم كلنا بالهوااا السوااا

 

[ms_royality]

الله يهديه ان شاء الله بس التلقيح الصناعي ما ينفع بحالته ... حقن مجهري الله يرزقكم

 

[بس خلاص]

يابنات انا عارفه ان اغلب الريايل علل ...
لكن انا مليت ...
ساعات اقول يعني مايشوفني حارقه روحي ؟؟؟لو على الاقل طيبه خاطر ياخذ الحبوب ماطلبت اكثر من جذي!
مايشوف شفقتي على ياهل ؟؟
والله لو ادري ان فيه شي بيسعده مااترردد لحظه اني اسويه له ...وهو لاحياه لمن تنادي عايش حياته ولا عليه مني

 

[كحيلانه]

الله يهديييييييه مالج الا الدعاااااء
شتسوووين بعددد امرج للله وحااولي وانا ادري الرياجيل يقهروون وماهمه
ولوو انتي فيج العله جااااااااااان خلاج من زماااااااااان ترا هالحجي انا اقووله حق نفسي
حالتي مثل حالتج ياقلبي
والله يفرجهااااااااااااااااااااااااااااااااااا

 

[بمبرة]

حياتي ذكري الله
ما كو ريال ما يبي عيال
انت قعدي معاه يمكن باله مشغول بشي ثاني

حاولي تاخذين اللي بخاطره

وعليج بقيام الليل والدعاء والله راح يغير حالكم

وعسى الله يهدي زوجج ويسخره لج​

 

[<Miss ROoSe >]

طولى بالج حبيبتى ووسعى صدرج وقعدى معاه مثل ماقالت بمبرة
أنا ريلى جذى عل قلبى على ماراح تعالج بس كنت على طول أدعى ان الله يهديه لى وحنن قلبه على لأنى أنا أموت على ريحة الياهل وهو لا حياة لمن تنادى
ترى كل الرياييل جذى ومو سالفة انه مايبى عيال لأ ترى الريال مايحب الدكاترة واللوية والعلاج وهم دلوعين ترى انتى شوفى لو يصير فيه انفلونزا يصير جنه ياهل
والله أنا من اللى شفته الرياييل صعبة عليهم أنج تقولين لهم أن فيهم شى يحسون ان رجولتهم انهزت
توكلى على الله وسايريه وادعيله واذا شفتى ماكو فايدة هدديه انج ما تعطينه حاجته لان هالشى من حقوقج وانتى ماطلبتى شى زيادة
والله يوفقج ان شاء الله ويهديه لج يارب​

 

[bnt_kwt]

ادعي ربج انه الله يلين قلبه
عموما الريال ما يحب الحنه
خليه لين بروحه يحس من كيفه انتي اللي عليج سويتيه
بس لا تخربين حياتج بإيدج حبيبتي
كل شي بالمساحل والهداوه يصير

 

[كويتيه مذهله 87]

الله يرزقج ياارب بالذريه الصالحه هالشهر

هما كلهم جذي بااجر هو الي يركض وراج

 

[Million.star]

يابنات انا عارفه ان اغلب الريايل علل ...
لكن انا مليت ...
ساعات اقول يعني مايشوفني حارقه روحي ؟؟؟لو على الاقل طيبه خاطر ياخذ الحبوب ماطلبت اكثر من جذي!
مايشوف شفقتي على ياهل ؟؟
والله لو ادري ان فيه شي بيسعده مااترردد لحظه اني اسويه له ...وهو لاحياه لمن تنادي عايش حياته ولا عليه مني

مرحبا....
انا اقول اذا كنتي صغيره لا تصبرين معاه.
صراحه اهو شكله ما يبي عيال و انتي عاله قلبج معاه جم سنه و ماكو فايده!!!!!!!!!!!!
يعني لي متى؟؟ لين توصلين سن الياس ؟؟؟ حزتها بيكون فوت عليج الفرصه و يمكن يعالج و يتزوج و يييب عيال!! حزتها شنو بتسوين في عمرج؟؟؟؟؟

تحياتي

 

[bant_alnoor]

هلا حبيبتي بصراحه خمس سنين واجد وليلحين ماتحركتو اذا تحبين زوجج حاولى معاه بالمساير احنا ندري ان الرياجيل مايحبون الطبيب ويشعر انه ناقص بس قوليله ان لو تعالجتو الحين احسن من بعدين بعد مايكبر وتصعب علية المسأله ولما تكلمينه كلمية بصيغه الجمع لاتحسسينه ان المشكلة تخصه بروحه قولى له ان ودج بولد ولا بنت وان كافي خمس سنوات وماسويتو شي وقوليله لازم نعالج الحين احسن ماتصعب علينا السالفة وقوليلة ان رفيجتي او وحده تعرفونها كانت جذي هي وزوجها واجلو الموضوع واجلو الموضوع لين صارلهم كم سنه ولما فكرو يعالجون قالولهم جايين الحين بعد فترة طويلة بعد ماتعقدت الامور وصدقيني راح يخاف والرياجيل ترا خوافين من ناحية الصحه والمرض وتلقينهم احرص الناس على نفسهم واذا جاتهم الانفلونزا طاحو بالفراش ولا ياكلون شي ياثر عليهم انتي قوليله هالكلام بصيغه حلوة وحبكة دراامية وعسى يطرح فية البركه ويوافق انشالله وقوليله ان حتى لو سوينا تلقيح او حقن مجهري مو شرط ينجح من اول مرة ترا انتي قوليله جذية من هالكلام
وعسى الله يرزقج انشالله من اوسع ابوابة ويسخر لج زوجج ويهدية لج يارب ياكريم ويرزقج بالذرية الصالحه ويرزقنا معااج

 

[om-7amod]

هلا اختى

خمس سنين شي مب بسيط ...

ليش مايتعالج ..مب نفسة في ياهل يشيل اسمة

تفاهمي معاة وضحيله موقفج انج تبين عيال والطب تقدم في هالناحيه يعني ممكن يتعالج

وهالامر يكون بينكم الاثنين محد يدري فيه ...

واذا شفتيه كلش كلش مايبي يتعالج ...تكلمي مع امج او ابوج او اخوانج في هالشي وهم بيشورون عليج


والله يوفقج لما فيه خير

 

[بس خلاص]

انا قلت بسكت هالشهر مع اني كنت متامله نبدا هالشهر ...
لكن قررت مااحن وبسكت الى الشهر الجاي ساعتها بذبحه لو رفض ...لاني مليييييييييت
والله لو البلا مني كان هدني وتزوج ...
الله يعين هالحريم والله ....مالنا الا الصبر

 

[madam_cake]

حبيبتي طولي بالج معاه وميخالف انا بعد جذي زوجي بطلعت الروح لما سوا التحليل وانتي وشطارتج قنعيه ومالج الا بالدعاء وادعيله وترا ماكو شي بعيد عن رب العباد وفهميه انه هاذي الطريقة اللي لازم تصير عشان تحملين يا التلقيح او الانابيب

وانشالله الله بيرزقج الذرية الصالحة ويهدي زوجج

 

[Emanova]

حبيبتي انتب لا تصيرين حنانه و تقولين انت فيك العيب ...عطيه الامان لان احنا شعب عربي عيب الريال يكون فيه الشيء ما يتقبلن ( متخلفين) ...

و من الناحيه الشرعيه انا زوجي ماكان راضي اني اسوي انابيب لحد ما كلمت الفتوى و التشريع وقالوا لي ان مادام في علاج ماله حق ان يحرمج منه ..

و ادعيله بالهدايه و تعاليله بالمساحل و السياسه ترى الرياييل مثل اليهال ...و عسى الله ييهديه و يرزقج يا رب

 

[بس خلاص]

الله يهديه ويرزقني يارب ...
مشكوريييين

 

[فتكات بنت كيداهم]

انا بعد مليت من ريلى مثل لج الله يعينا عليهم ويهديهم امين يارب العالمين