السلام عليكم ورحمة الله وبركاته
تحيه أخواتي لكم ...........
في البدايه أتردد أني أكتب أي شي يخصني أو مشكله تطرأ بحياتي لأني دايما أقول الحل عند رب العالمين وفارج الهم والغم
لكن لايمنع كبشر نرتاح من قول صديق أو أخ أو حكيم لكن أللي مثل وضعي يحتاج ألي عائله كامله تشيل بعض الهم ....
قصتي ...
أنا بنت وعمري 29سنه مومتزوجه والحمدلله موظفه والدي توفي وعمري سنه والدتي يزاها الله خير أنطرت العده تزوجت بعد العده بشهرين والدي بدوي ووالدتي حضريه وأول ماطلعت والدتي من العده راح لها عمي وقالها أذا ودج بالزواج ماكو ألا أنا أو أخوي وكانوا وقتها عمامي واحد متزوج والثاني مومتزوج قالت ماأبيك ولاأبي أخوك انا بتزوج شخص ثاني قالها عمي بكيفج بس بنتج ماراح نخلي ريل غريب يربي بنتنا وأحنا موجودين قالت بنتكم عندكم عمامي ماكانوا ينطرون هالرد من أمي بس للأسف هذا ردها وربتني يدتي أم أبوي أحسن تربيه وماقصرت علي بشي من اليوم أللي هدتني فيه أمي والحمدلله درست وخلصت الثانويه والكليه وتوظفت وقبل 7 سنوات يدتي حاشها جلطه وتعبت وكنت أنا ويدتي عايشين بشقه بروحنا وعندنا خدامه وحياتنا الحمدلله متأقلمين معاها ومع ضروفها بس بعد مرض يدتي حيل تعبت ماعاد تقدر تقوم ولاتقدر تاكل ولازم أحد يعتني فيه حاولت كثر ماقدر أعتني فيه وأشيلها مثل ماشالتني بطفولتي ومراهقتي وشبابي بس السن له أحكام يدتي زاد مرضها ولاعاد تقدر تقعد ولاتاكل ألا وأهي نايمه صارت مقعده الفراش يأ عمي وأخذها من الطبيب لبيته وحطلها ممرضه تعتني فيها أهنيه أنا صراحه ماتحملت فراق يدتي وتعودت عليها أهي كل شي بالدنيا لي دقيت علي عمي قلت عمي أنا خاطري أيي أقعد عند يدتي قال يدتج مريضه وتبيلها عنايه خاصه قلت أنا أعتني فيها قال لأ الغرفه فيها أجهزة تنفس وماراح تعرفين تستخدمينها الممرضه تعرف شغلها قلت زين بنام عند ريولها أنا أخاف بالشقه بروحي قال أنتي موياهل الخدامه عندج وبعد ألحاح وحب روس وريول يالله رضا أنام عند يدتي وأهد شقتي والأثاث أللي بالشقه أطلعه نصه أبيعه والنص الثاني أحطه بالمخزن عنده قعدت عند يدتي وكانت ملابسي وأغراضي الشخصيه عند بنت عمي بدارها ونومتي عند يدتي قعدت يدتي لمدة سنه وتوفت الله يرحمها مريت بحاله صعبه وتمنيت الموت لما فقدتها حسيت الدنيا صارت سوده بويهي وحياتي مالها أي معني وحسيت مثل الطوفه أللي كانت وراي مداريتني وطاحت ومرت الأيام وأنا قاعده في بيت عمي وبعد فتره تقريبا 3 شهور من وفاة يدتي ياني عمي وقالي شنو علي وضعج قلت موفاهمه قال ياعمج أنا اليوم موجود وباجر مادري العلم عند الله ومرتي وعيالي بيخلونج عايشه معاهم بالبيت عيالي رياييل و باجر بيتزوجون وبتتغير الحياه طبعا عياله أكبر واحد 22 سنه والباجي طقة 19 و17 قال وأنتي مقيده حريتهم صاروا يخافون أيدشون يحصلونج فاصخه حجابج قلت المطلوب عمي قال ليش ماتروحين عند أمج قلت أمي ماعرفها لو أشوفها بشارع ماعرفها أنتم ماخذيني وعمري سنه ألحين بعرفها قال أمج لو أتيينها عقب مليون سنه ماراح تبرأ منج قلت أوكي وأشتريت كرامتي وقلت أروح عند أمي لو أصير خدامه بس ماأقبل علي نفسي الأهانه قال نطري علي يومين أيبلج العنوان الأوكي عشان تروحيلها قلت حاضر طبعا أمي ساكنه بالمناطق الداخليه وماعندي ألاخاله وحده ومتزوجه واحد يشتغل بالسفاره الكويتيه بمصر وعايشه معاها بمصر ويدتي ويدي أهل أمي توفوا قلته أنطر وياب العنوان ورحت لبيت أمي بسيارتي ماحد وداني وكل أللي بالبيت قام يلزم علي روحي روحي دوري علي أمج لوعوا جبدي جني قاعده علي جبودهم مع أنه والله ماأمدح نفسي وايد محترمه بتصرفاتي ولاأحاول أقرب صوب شغله تخص أحد منهم ووكانوا من الأبو للأم للبنت للعيال يستخدمون سيارتي وكنت ساكته أقول ميخالف ظافينج في بيتهم حتي الخدامه أللي كانت علي كفالة يدتي وصارلها 15 سنه عشره معاي وكانت ناويه تقعد معاي طول العمر وتقول ماهدج ألا لما تزوجين سفرها عمي وكنسل أقامتها لأن يدتي ماتت رحت لبيت أمي وقعدت أفتر بالشوارع من الساعه 6 ليما الساعه 9 حصلت البيت مع أنه عمي عطاني الوصف بس المنطقه أول مره أدشها وتعرفون البيوت أللي داخل الأغلب تكون عليها الأسامي مكتوبه وحصلت البيت وطقيت الباب وبطلتلي الفلبينيه قلت وين ماما قالت ماما موأهنيه الساعه تقريبا بال9 ونص قلت متي ترد قال ماما عندها شغل بالليل قلت شلون قالت ماما تسوي ملابس يعني مصممة أزياء وعندها عرض اليوم وترد علي الساعه 10 قلت مابقي شي انطر بسيارتي لما ترد ومزهبه نفسي للموقف والكارثه أللي بالتصير وأقول الله يستر لاتنهار لما تشوفني ولايحوشني أغماء أنا لماأشوفها سنين ماشفتها وأنا صافطه بالمظله أنطر أنا ويهي تقول بيت أبوي صافطه بالمظله من الخوف خفت أييوني اليران يقولون ليش قاعده بالسياره المهم شوي ولاالسياره أللي تصفط يمي سياره ماشاء الله تهبل وأخر موديل وتنزل ذيج المره المزيووووووونه ومعاها بنيه عمرها 23 و22 هم حلوه وكشخه ووالمكياج الصارخ وأخر كشخه أثاري هذي أمي وبنتها مادريت ألا أمي مقربه صوبي جنه أمي عندها خبر جان تقول حق أختي دشي داخل أختي دشت جان تقولي نعم ليش صافطه أهنيه وأنا أحاجيها ودموعي 4 قلت أبي فلانه قالت أنا فلانه نعم قلت ماعرفتيني جان تقول نعم فاضيتلج تالي الليل تسألني هالسؤال منو أنتي شتبين أنصدمت من ردة الفعل قلت أنا بنتج من فلان قالت أوكي زين نعم قلتي ولي شهالنعم أللي ماسكه فيها قلت يمه أنا بنتج قالت أدري شتبين حبيبتي عقب هالعمر توج تدرين أنه عندج ام قلت أنتي ماييتي سألتي عني ولاطلبتي تشوفيني وهالحجي قالوه عمامي وكانوا يقول أنه فتره الأعياد يدقون علي خالتي يقولون خليها أتيي تشوف بنتها أنتي تقولين مابي قالت أيه مابيج شتبين ألحين قلت يمه يدتي ماتت قالت عندي خبر وقلت عمي يقول ماأبيج روحي دوري علي أمج قالت قول لعمج أخذتوني من أنا صغيره من أمي مو عيزانين عني وأنا كبيره قلت يمه انا كل ماأيي أحد يخطبني ويقولون وين أمها ويدرون أنج حيه موميته راحوا ومايردون قالت نصيبج وقالت وصراحه وصراحه عيالي مابي أصدمهم عقب هالعمر أطلع لهم أخت هالسر مايعرفه ألا انا وريلي وخالتج وأنا مره مشغوله وبناتي مناسبين ناس معروفه ركبي سيارتج وروحي ولاأشوفج أهنيه لو سمحتي كان ودي أقولها كلمه بس خليتها بقلبي كان ودي أقولها أنتي موكفو تصير أم بس بلعتها وركبت سيارتي ورديت لمعتقل معتقل غوانتانامو النوم بوقت ولي دور بالمطبخ والتنظيف لأن بيت عمي ماشاء الله ملايكه ماتقعد الخدامه عندهم تنحاش حده يوم يومين وتنحاش لأنهم يطلعون روح الخدم ولا خدامه يقعدونها 4 الفير بالشتاء أو بالصيف تغسل زوليه الفير غير الطق أللي أييهم غير تحرش الصبيان أللي بالبيت فيهم المهم رديت وقلت لعمي القصه جان يقول أمج طول عمرها عويه وبتظل عويه قلت عمي لو سمحت هذي أمي ومارضي عليها ميخالف صح أطردتني وقالت ماأبيج بس أمي قال المهم شلون يعني شسوي أنا قلت بشنو قال بحياتج بحاجي ربعي أللي معاي أللي يبي الأجر يتزوجج أومبييييييييييه أي اجر وصلت لصدقه جاريه وين قاعدين وأتزوج شايب طايح حظ عفوا بقلبي مثلك ... قلت عمي أنت موتبي أحد ياخذ المسئوليه عنك عقب يدتي جان يقول أيوالله أيوالله تقول مضارب بني عبس بغا حنجه يطيح قلت خلاص ييبلي خدامه خلها بس علي كفالتك خو أنت ماعليك أي كفالات والخدامات عندكم مايقعدون وبحاول أرد لشقتي قبل أنا ويدتي وأذا ماحصلتها أدور شقه مقاربه لها قال تخسين تبين باجر العالم ياكلون ويهي قلت شسوي لاجذيه عاجبه ولاجذيه عاجبه شسوي وصراحه عمي بين نارين بين نار خايف علي وخايف من مرته النسره كل يوم تحن براسه عيالك موماخذين راحتهم في بيتهم لاتخرب بنتك بنت مراهقه وتنام معاها بنفس الدار شدعوه البنيه الله يستر علي وعليها موخاربه 24 ساعه مجابله النت والموبايل شغال مسجات حزة الناس نايمه وفاشله دراسيا قال عمي أنا بقولج حل عمج توه مخلص بيته ومسوي نظام شقق بيسكن بالدور أللي تحت والطابق الثاني والثالث بيأجره شرايج تأجرين وحده من الشقق قلت أوكي قال ليما الله يفرجها قلت صار بس قوله قاله صراحه الشقق يديده وأنا ودي أجر علي 400 أقل شي طبعا قلت أوكي والحمدلله أنا عيني مليانه ومعاشي زين قلت قابله بس بشرط قلت أنا اخاف بالشقه بروحي أبي خدامه ياعمي وأنا مايصير أحط قال ياعمج ماقدر وانا نيتي أييب سايق للمزرعه قلت بس بس خلاص فهمت رحت قلت السالفه حق رفيجتي وقالت لاتحاتين بقول لأبوي يحط خدامه علي كفالته عشان تونس وحدتج وترد عليج الصوت ويت الخدامه وعشت حياتي ادفع الاجار لعمي وأروح لدوامي وأرد لبيتي تعبانه بس حسيت بطعم الحريه شوي صح بنقيصه بس حاولت أطلع من الجو الكئيب أللي عيشونياها عمامي تخيلوا أييب أغراض من الجمعيه ليش يايبه هالكثر وأنتي بروحج أبدل قطعه بالأثاث ليش تبدلين تو الشقه يديده أطلع أروح بسيارتي العصر للسوق أو الطبيب أنا وخدامتي تعالي وين رايحه كل شي محسوب بس هون علي أنه قمت أعزم رفيجاتي أللي معاي بالداوم قبل ماكنت أقدر وصارت اليمعه تقريبا شبه يوميا عندي ليما باليوم المشؤوم يا عمي وقالي لمي نفسج يابنيه قلت ألم نفسي ليش بعد شايفني مفصخه بالشارع قال يوميا عندج بنات قلت عمي بنات موصبيان قال أنا عندي صبيان ( ذبحوني بهالصبيان جنها ماياب صبيان ألا أهما ) ورفيجاتج أيوون متكشخين وسيايرهم تسد الشارع قلت أوكي ماراح أستقبلهم واذا ودهم أيوون وحده ولاثنيتن وتصفط بعييييييييييييد عن البيت شرايك قال خير أن شاء الله ورديت لشبه وحدتي قبل فتره سمعت أنه واحد من معارف أهل أبوي مطلق وعمره 30 ويعرف وضعي يأ يخطبني بس عمي رفضه هالحجي قالتلياه أخته وكل هذاعشان الأجار ال400 وزقووووووووووووووووووووووووووووم ....
ووايد سمعت أييون خطاب وعمي يردهم عقب ماشافوا وظعي ويدرون أني بنيه زينه ونصهم حتي اخوان رفيجاتي وعمي يردهم..
قصتي مأساويه وقسما بالله ماجذبت بحرف .......... هالمأساه شلون الواحد يتصرف معاها ودي أهد شقة عمي وودي أتزوج تعبت من الوحده والمرمطه والأجار ومعاش الخدامه أللي أدفعه ودي أستغل بحياتي ...
يمكن قصتي تخلي وايد بنات يقول الحمدلله والشكر أحنا عايشين بنعمه وأتمني صج تقولون الحمدلله والشكر ماحد يمن لقمتج ماحد يمن روحتج ماحد يقول وين رايحه وين يايه ........
شفتوا الموت لضروفي وحياتي أفضل وسلامتكم ....
تحيه أخواتي لكم ...........
في البدايه أتردد أني أكتب أي شي يخصني أو مشكله تطرأ بحياتي لأني دايما أقول الحل عند رب العالمين وفارج الهم والغم
لكن لايمنع كبشر نرتاح من قول صديق أو أخ أو حكيم لكن أللي مثل وضعي يحتاج ألي عائله كامله تشيل بعض الهم ....
قصتي ...
أنا بنت وعمري 29سنه مومتزوجه والحمدلله موظفه والدي توفي وعمري سنه والدتي يزاها الله خير أنطرت العده تزوجت بعد العده بشهرين والدي بدوي ووالدتي حضريه وأول ماطلعت والدتي من العده راح لها عمي وقالها أذا ودج بالزواج ماكو ألا أنا أو أخوي وكانوا وقتها عمامي واحد متزوج والثاني مومتزوج قالت ماأبيك ولاأبي أخوك انا بتزوج شخص ثاني قالها عمي بكيفج بس بنتج ماراح نخلي ريل غريب يربي بنتنا وأحنا موجودين قالت بنتكم عندكم عمامي ماكانوا ينطرون هالرد من أمي بس للأسف هذا ردها وربتني يدتي أم أبوي أحسن تربيه وماقصرت علي بشي من اليوم أللي هدتني فيه أمي والحمدلله درست وخلصت الثانويه والكليه وتوظفت وقبل 7 سنوات يدتي حاشها جلطه وتعبت وكنت أنا ويدتي عايشين بشقه بروحنا وعندنا خدامه وحياتنا الحمدلله متأقلمين معاها ومع ضروفها بس بعد مرض يدتي حيل تعبت ماعاد تقدر تقوم ولاتقدر تاكل ولازم أحد يعتني فيه حاولت كثر ماقدر أعتني فيه وأشيلها مثل ماشالتني بطفولتي ومراهقتي وشبابي بس السن له أحكام يدتي زاد مرضها ولاعاد تقدر تقعد ولاتاكل ألا وأهي نايمه صارت مقعده الفراش يأ عمي وأخذها من الطبيب لبيته وحطلها ممرضه تعتني فيها أهنيه أنا صراحه ماتحملت فراق يدتي وتعودت عليها أهي كل شي بالدنيا لي دقيت علي عمي قلت عمي أنا خاطري أيي أقعد عند يدتي قال يدتج مريضه وتبيلها عنايه خاصه قلت أنا أعتني فيها قال لأ الغرفه فيها أجهزة تنفس وماراح تعرفين تستخدمينها الممرضه تعرف شغلها قلت زين بنام عند ريولها أنا أخاف بالشقه بروحي قال أنتي موياهل الخدامه عندج وبعد ألحاح وحب روس وريول يالله رضا أنام عند يدتي وأهد شقتي والأثاث أللي بالشقه أطلعه نصه أبيعه والنص الثاني أحطه بالمخزن عنده قعدت عند يدتي وكانت ملابسي وأغراضي الشخصيه عند بنت عمي بدارها ونومتي عند يدتي قعدت يدتي لمدة سنه وتوفت الله يرحمها مريت بحاله صعبه وتمنيت الموت لما فقدتها حسيت الدنيا صارت سوده بويهي وحياتي مالها أي معني وحسيت مثل الطوفه أللي كانت وراي مداريتني وطاحت ومرت الأيام وأنا قاعده في بيت عمي وبعد فتره تقريبا 3 شهور من وفاة يدتي ياني عمي وقالي شنو علي وضعج قلت موفاهمه قال ياعمج أنا اليوم موجود وباجر مادري العلم عند الله ومرتي وعيالي بيخلونج عايشه معاهم بالبيت عيالي رياييل و باجر بيتزوجون وبتتغير الحياه طبعا عياله أكبر واحد 22 سنه والباجي طقة 19 و17 قال وأنتي مقيده حريتهم صاروا يخافون أيدشون يحصلونج فاصخه حجابج قلت المطلوب عمي قال ليش ماتروحين عند أمج قلت أمي ماعرفها لو أشوفها بشارع ماعرفها أنتم ماخذيني وعمري سنه ألحين بعرفها قال أمج لو أتيينها عقب مليون سنه ماراح تبرأ منج قلت أوكي وأشتريت كرامتي وقلت أروح عند أمي لو أصير خدامه بس ماأقبل علي نفسي الأهانه قال نطري علي يومين أيبلج العنوان الأوكي عشان تروحيلها قلت حاضر طبعا أمي ساكنه بالمناطق الداخليه وماعندي ألاخاله وحده ومتزوجه واحد يشتغل بالسفاره الكويتيه بمصر وعايشه معاها بمصر ويدتي ويدي أهل أمي توفوا قلته أنطر وياب العنوان ورحت لبيت أمي بسيارتي ماحد وداني وكل أللي بالبيت قام يلزم علي روحي روحي دوري علي أمج لوعوا جبدي جني قاعده علي جبودهم مع أنه والله ماأمدح نفسي وايد محترمه بتصرفاتي ولاأحاول أقرب صوب شغله تخص أحد منهم ووكانوا من الأبو للأم للبنت للعيال يستخدمون سيارتي وكنت ساكته أقول ميخالف ظافينج في بيتهم حتي الخدامه أللي كانت علي كفالة يدتي وصارلها 15 سنه عشره معاي وكانت ناويه تقعد معاي طول العمر وتقول ماهدج ألا لما تزوجين سفرها عمي وكنسل أقامتها لأن يدتي ماتت رحت لبيت أمي وقعدت أفتر بالشوارع من الساعه 6 ليما الساعه 9 حصلت البيت مع أنه عمي عطاني الوصف بس المنطقه أول مره أدشها وتعرفون البيوت أللي داخل الأغلب تكون عليها الأسامي مكتوبه وحصلت البيت وطقيت الباب وبطلتلي الفلبينيه قلت وين ماما قالت ماما موأهنيه الساعه تقريبا بال9 ونص قلت متي ترد قال ماما عندها شغل بالليل قلت شلون قالت ماما تسوي ملابس يعني مصممة أزياء وعندها عرض اليوم وترد علي الساعه 10 قلت مابقي شي انطر بسيارتي لما ترد ومزهبه نفسي للموقف والكارثه أللي بالتصير وأقول الله يستر لاتنهار لما تشوفني ولايحوشني أغماء أنا لماأشوفها سنين ماشفتها وأنا صافطه بالمظله أنطر أنا ويهي تقول بيت أبوي صافطه بالمظله من الخوف خفت أييوني اليران يقولون ليش قاعده بالسياره المهم شوي ولاالسياره أللي تصفط يمي سياره ماشاء الله تهبل وأخر موديل وتنزل ذيج المره المزيووووووونه ومعاها بنيه عمرها 23 و22 هم حلوه وكشخه ووالمكياج الصارخ وأخر كشخه أثاري هذي أمي وبنتها مادريت ألا أمي مقربه صوبي جنه أمي عندها خبر جان تقول حق أختي دشي داخل أختي دشت جان تقولي نعم ليش صافطه أهنيه وأنا أحاجيها ودموعي 4 قلت أبي فلانه قالت أنا فلانه نعم قلت ماعرفتيني جان تقول نعم فاضيتلج تالي الليل تسألني هالسؤال منو أنتي شتبين أنصدمت من ردة الفعل قلت أنا بنتج من فلان قالت أوكي زين نعم قلتي ولي شهالنعم أللي ماسكه فيها قلت يمه أنا بنتج قالت أدري شتبين حبيبتي عقب هالعمر توج تدرين أنه عندج ام قلت أنتي ماييتي سألتي عني ولاطلبتي تشوفيني وهالحجي قالوه عمامي وكانوا يقول أنه فتره الأعياد يدقون علي خالتي يقولون خليها أتيي تشوف بنتها أنتي تقولين مابي قالت أيه مابيج شتبين ألحين قلت يمه يدتي ماتت قالت عندي خبر وقلت عمي يقول ماأبيج روحي دوري علي أمج قالت قول لعمج أخذتوني من أنا صغيره من أمي مو عيزانين عني وأنا كبيره قلت يمه انا كل ماأيي أحد يخطبني ويقولون وين أمها ويدرون أنج حيه موميته راحوا ومايردون قالت نصيبج وقالت وصراحه وصراحه عيالي مابي أصدمهم عقب هالعمر أطلع لهم أخت هالسر مايعرفه ألا انا وريلي وخالتج وأنا مره مشغوله وبناتي مناسبين ناس معروفه ركبي سيارتج وروحي ولاأشوفج أهنيه لو سمحتي كان ودي أقولها كلمه بس خليتها بقلبي كان ودي أقولها أنتي موكفو تصير أم بس بلعتها وركبت سيارتي ورديت لمعتقل معتقل غوانتانامو النوم بوقت ولي دور بالمطبخ والتنظيف لأن بيت عمي ماشاء الله ملايكه ماتقعد الخدامه عندهم تنحاش حده يوم يومين وتنحاش لأنهم يطلعون روح الخدم ولا خدامه يقعدونها 4 الفير بالشتاء أو بالصيف تغسل زوليه الفير غير الطق أللي أييهم غير تحرش الصبيان أللي بالبيت فيهم المهم رديت وقلت لعمي القصه جان يقول أمج طول عمرها عويه وبتظل عويه قلت عمي لو سمحت هذي أمي ومارضي عليها ميخالف صح أطردتني وقالت ماأبيج بس أمي قال المهم شلون يعني شسوي أنا قلت بشنو قال بحياتج بحاجي ربعي أللي معاي أللي يبي الأجر يتزوجج أومبييييييييييه أي اجر وصلت لصدقه جاريه وين قاعدين وأتزوج شايب طايح حظ عفوا بقلبي مثلك ... قلت عمي أنت موتبي أحد ياخذ المسئوليه عنك عقب يدتي جان يقول أيوالله أيوالله تقول مضارب بني عبس بغا حنجه يطيح قلت خلاص ييبلي خدامه خلها بس علي كفالتك خو أنت ماعليك أي كفالات والخدامات عندكم مايقعدون وبحاول أرد لشقتي قبل أنا ويدتي وأذا ماحصلتها أدور شقه مقاربه لها قال تخسين تبين باجر العالم ياكلون ويهي قلت شسوي لاجذيه عاجبه ولاجذيه عاجبه شسوي وصراحه عمي بين نارين بين نار خايف علي وخايف من مرته النسره كل يوم تحن براسه عيالك موماخذين راحتهم في بيتهم لاتخرب بنتك بنت مراهقه وتنام معاها بنفس الدار شدعوه البنيه الله يستر علي وعليها موخاربه 24 ساعه مجابله النت والموبايل شغال مسجات حزة الناس نايمه وفاشله دراسيا قال عمي أنا بقولج حل عمج توه مخلص بيته ومسوي نظام شقق بيسكن بالدور أللي تحت والطابق الثاني والثالث بيأجره شرايج تأجرين وحده من الشقق قلت أوكي قال ليما الله يفرجها قلت صار بس قوله قاله صراحه الشقق يديده وأنا ودي أجر علي 400 أقل شي طبعا قلت أوكي والحمدلله أنا عيني مليانه ومعاشي زين قلت قابله بس بشرط قلت أنا اخاف بالشقه بروحي أبي خدامه ياعمي وأنا مايصير أحط قال ياعمج ماقدر وانا نيتي أييب سايق للمزرعه قلت بس بس خلاص فهمت رحت قلت السالفه حق رفيجتي وقالت لاتحاتين بقول لأبوي يحط خدامه علي كفالته عشان تونس وحدتج وترد عليج الصوت ويت الخدامه وعشت حياتي ادفع الاجار لعمي وأروح لدوامي وأرد لبيتي تعبانه بس حسيت بطعم الحريه شوي صح بنقيصه بس حاولت أطلع من الجو الكئيب أللي عيشونياها عمامي تخيلوا أييب أغراض من الجمعيه ليش يايبه هالكثر وأنتي بروحج أبدل قطعه بالأثاث ليش تبدلين تو الشقه يديده أطلع أروح بسيارتي العصر للسوق أو الطبيب أنا وخدامتي تعالي وين رايحه كل شي محسوب بس هون علي أنه قمت أعزم رفيجاتي أللي معاي بالداوم قبل ماكنت أقدر وصارت اليمعه تقريبا شبه يوميا عندي ليما باليوم المشؤوم يا عمي وقالي لمي نفسج يابنيه قلت ألم نفسي ليش بعد شايفني مفصخه بالشارع قال يوميا عندج بنات قلت عمي بنات موصبيان قال أنا عندي صبيان ( ذبحوني بهالصبيان جنها ماياب صبيان ألا أهما ) ورفيجاتج أيوون متكشخين وسيايرهم تسد الشارع قلت أوكي ماراح أستقبلهم واذا ودهم أيوون وحده ولاثنيتن وتصفط بعييييييييييييد عن البيت شرايك قال خير أن شاء الله ورديت لشبه وحدتي قبل فتره سمعت أنه واحد من معارف أهل أبوي مطلق وعمره 30 ويعرف وضعي يأ يخطبني بس عمي رفضه هالحجي قالتلياه أخته وكل هذاعشان الأجار ال400 وزقووووووووووووووووووووووووووووم ....
ووايد سمعت أييون خطاب وعمي يردهم عقب ماشافوا وظعي ويدرون أني بنيه زينه ونصهم حتي اخوان رفيجاتي وعمي يردهم..
قصتي مأساويه وقسما بالله ماجذبت بحرف .......... هالمأساه شلون الواحد يتصرف معاها ودي أهد شقة عمي وودي أتزوج تعبت من الوحده والمرمطه والأجار ومعاش الخدامه أللي أدفعه ودي أستغل بحياتي ...
يمكن قصتي تخلي وايد بنات يقول الحمدلله والشكر أحنا عايشين بنعمه وأتمني صج تقولون الحمدلله والشكر ماحد يمن لقمتج ماحد يمن روحتج ماحد يقول وين رايحه وين يايه ........
شفتوا الموت لضروفي وحياتي أفضل وسلامتكم ....
