- إنضم
- 9 يوليو 2009
- المشاركات
- 62
- مستوى التفاعل
- 0
- النقاط
- 0
صباح الخير بنات بصراحه عندي مشكله ومحتاره فيها بنات اولا انا متابعه قديمه ومشاركاتي قليله لان عندي عيال وماني فاضيه وحامل الحين المهم بنات انا دايما تصير بيني وبين زوجي مشاكل احيانا كبيره واحيانا صغيره والحمدلله اقدر اتجاوزها بفضل الله وبشويه صبر تمشي الامور ودايما افكر اني اكتب اهني لكن اقول لا ماتسوى لا الله بيفرجها والحمدلله على كل حال المهم بنات انا زوجي عينه زايغه يموت بالحريم حيل يحب يطالعهم هالشي كان من تزوجته وانا بديت الاحظ هالشغله المهم مع مرور الايام تعودت على هالسالفه وقلت في نفسي ماراح يستفيد الا الشوف شنو يعني ماراح يسير شي اكثر من جذي واحيانا تصير مشاكل من هالسالفه نحلها وتمشي الامور (على فكره انا صارلي 9سنين متزوجه . المهم ان هالموضوع تطور قبل ماكان يتكلم كان يسكت ومن تحت لي تحت اما الحين لاوالله صار يقول يلا لعياله مثلا يلا خلنا نروح المجمع الفلاني ويجي بيني وبينه ويقط نغزه مثلا ان وناسه الحين برووح نطالع الحريم يعني قام يعلنها عادي وانا مرات اعصب ومرات لاوالله اطنش حيل وانقهر بيني وبين نفسي المهم اهوا طاح بالتويتر وقام كله يسولف لي شيقولون بالتويتر عالعام وشكيته مره ضايف وحده ببروفايله وواجهته وزعلت وراضاني واعتذر حيل وقال غلطه ماعيدها وسامحته لان عندي عيال ولازم احد يضحي واهو حيل يحبني المهم ياخواتي قبل هالمره زعلت عليه زعله قويه وقاللي بجيب لج هديه او امشي السوق اجيبلج هديه ورضيت وكان جااد وراحت السالفه وماجت الهديه بس والله ماتهمني الهديه لاني موماديه والحمدلله شايفه خير واهو مره قاللي انتي حيل عينج مليانه والحمدلله امورنا الماديه ماشي حالها اللي بقوله بنات ان انا هاليومين حامل بالسابع وحيل مهمله روحي واهو صابر ولاعمره علق واذا طلبني للفراش ماارده اراعي الله فيه وتعرفون عيال وتدريس وثقل اهو مقدر حيل وصاير فاج يعني الدوام يجي ينام يروح الدوانيه ويرجع باليل يكونون العيال ناموا وعلى هالحال بنات انا متفائله خير وانطر الولاده وبتتعدل الامور بس لسانه حيل هاليومين فالت دايما يعلق عالحريم وعلى اشكالهم وانه وده يروح السوق عشان يطالعهم وهالسالفه حيل زايده هاليومين لين صار الموقف القوي قبل يومين اللي زعلني صج تخيلوا بنات قاعد يطالع التويتر ويسولف لي عادي والا وحده الله يهديها حاطه صورتها نقاااب وبصراحه صورتها موحلوه لكن اهو وصلت فيه الجرأه ان يورينياها ويحط الايفون بعيوني ويسألني جم سؤال عنها الاسئله وصخه عفوا وفصل عليها حيل انا اهني قلت الله يستر علينا وعليها جان يرد ويقول هذي احلى والا اللي بالمجمع الفلاني احلى جان اسكت مارديت اخر شي قال كلمه قويه قال بانفعال ريحيني بارتاااح وديني هالاماكن قصده هالمجمعات انا اهني حيل احتريت جان اقول شنو آنا مومريحتك وانا حيل منفعله تعصيب على زعل على مادري شنو واقوم واحط وجهي على رجوله واحس اني ببجي وماطلعت الدمعه جذي بعد دقيقه قمت ووخرت عنه ورحت غسلت وجهي و تعوذت من الشيطان وفعلا زعلت من قلبي وهو عرف اني حيل زعلانه المهم مر اليوم وانا منفسه وزعلانه واهوا راح البر لربعه وجا تالي الليل وانا كنت ناويه اطول بالزعله لكن من باجر جا. وقعد العيال معاي لاني نايمه معاهم و ساعدني عليهم وراحوا. العيال مدارسهم اهوا كان مستأذن من الدوام وجا وقعد وياي وقام يعتذر ويقول انا مستأذن علشانج ويسمعني هالكلام الحلو ويبوس راسي وآنا آسف وحقج علي ويقول اطلبي اللي تبين وامشي الحين اوديج المكان اللي تبين واشتري الساعه اللي تبين بس خلينا اول نروح نتريق بره واوديج وين ماتبين انا اول شي عاندت لان بصراحه ماكانت جايبه راسي هالساعه اللي بيشتريها وكنت بيني وبين نفسي اقوول لاترضين اصري على موقفج بعدين قام يترجاني ان يللا خل نطلع انا اهني طق براسي اطلب شغله قلت على شرط مابي ساعه جان يقول امري تدللي شتبين قلت ابي ذهب ابي سوارين مع خاتمهم جان يقول افا عليج بس ذهب علبالج بيغلى عليج اجيبلج ذهب ( انا بنات ماابي ذهب بس لان غالي حيل قلت بختبره وبشوف شيسوي وكنت ناويه فعلا اذا وداني اختار شي غالي علشان يحرم هالسوالف ويعرف اني موسهله لاني حيل كلمته اثرت فيني) المهم طلعنا ورحنا تريقنا بره وبعدين مشينا من المطعم اللي كنا فيه بللسالميه الى سوق الديره عبا بنزين وبعدين رحنا صوب مستشفى الصباح كان عنده شغل هنااك وبعدين رحنا شرينا لبس شتوي لعيالي للمدارس من النصر عند الافنيوز ماطولنا وصار عندنا وقت قال خلنا نروح ارض المعارض انا ساكته ماتكلمت وحدي محتره ولا حتى جاب سيره حتى لما مرينا سوق الديره قلتله ترى طفنا السوق عاد اهوا يرد علي باستعباط ليشً اشتبين فيه ؟؟؟المهم ردينا البيت وانا اقط عليه نغزات ان انت ناسي شغله واقوله ترا يمدينا نروح السوق ومن هالحجي واهوا معطيني طاف المهم وصلنا البيت وانا معصبه وقاللي يلاا نزلي وبعدين انتفاهم نزلت رحت فوق على طول اهوا ظل تحت. وطول. انا رحت فوق توضيت وصليت وذكرت ربي وقلت يابنت الرجال يحبج وشاريج ولاتصيرين طماعه وصبري والله بيعوضج خير وقاعده اقول طالما وعدج اكيد ماراح يخلف رغم انه اخلف بوعده من قبل وبعديين اهوا الحين تعبان من هالمشوار وان شاللله خير المهم سكت وطرا على بالي احط ماي حار واناديه انقع له رجوله واريحه. وفعلا هذا اللي صار .. السؤال الحين شسوي اجيب طاري الهدي والا اسكت لاني اخاف اسكت ويتمادى واخاف اتكلم وتصير مشاكل. شسوي
