شسوي يعني .. عزيز علي :/

[بيلسسان]

السلام عليكم



اول شي بوضح لكم منو اللي عزيز علي
"خطــــي .. شريحتي التلفون"
عندي من 10 سنين اذا مو اكثر
ومابي اغيييييييييييييييييييييرها ولا مفكره اني اغيرها


حتى لما ملجت قالولي غيري خطي
كل العرايس يغيرونه
بس انا رفضت
ووبالي العروس اللي تغير خطه يعني عندها سوابق وتبي تفتك من منهم



فـ
من شهر
دق تلفوني ورديت
طلع شاب .. انا من النوع اللي ارد نعم شبغيت قالي داق غلط
وسكرته
ومر اليوم عاااااااااااااااااااااااااااادي
بس الصبي صاااااار يدق يوميا ونفس الوقت
يعني الساعه 5 يدق وكل يوم على الموال هذا وانا مطنشته ما ارد
اخذ له 3 اسابيع يدق وانا مطنشششششته
ومسيفته المزعج

عقب انقطع اسبوووووع
واستانست
قلت مل مني


الحين صار تجيني مسجات من رقم ثاااااااااني
وبنفس الوقت
يعني مو واتس اب لا رسايل نصيه
مرا كتبت منو
ومرا كتب ممكن اعرف منوو.!!
مارد



بصراحه انا مالي خلق مشاكل
ولما قلت لامي قالت غيري رقمج

اهو صج اه ويتغير بس رقمي مالي نيه اغير
احبه الرقم
وانا عندي اشغال وعندي ناس مهمين يدقون علي
وعلى الرقم هذا متعاقده معاهم
يعني مو بالسهوله اغيره بصراحه
:eh_s(4):



قولولي شسوي
امي عندها خبر
تقول لاتحنين على راسي
ياتغيرين رقمج
والا حقريه
والا عطيني ازفه
:eh_s(10):


انا كتبت لكم لان تو واصلني مسج وكتبت منو
بسسسسسس
مااااااااااااااااااااارد
انقققققققققققققققققققققققققققهر
ليش جذي .!
:eh_s(14):

يا قول منو والا يتركني بنفسي

يعني لو انا عندي سوابق جان قلت واحد منهم
بس انا ملفي شريف
:rerrerek:

 

[om_3kash]

واي الله يعينج

في برنامج مادري اذا بفلوس ولا ابلاش جنه اسمه بلاك لست
تنزلينه على تلفونج و تحطين رقمه بالهلبرنامج و اهو يسوي حظر حقه و مايقدر يدق عليج ولا يزعجج لانه راح يطلعله مفصول على الخدمة

بس تأكدي من اسم البرنامج و نزليه و بترتاحين انا وايد كنت اسويها

 

[دلوعة أبوهآ]

مآعندكم بشركآت الاتصآلات خدمة بلوك للمكآلمات المزعجه
يعني ماتقدرين تكلمينهم وتقولين لهم ع الرقم اللي مزعجك !!

اذا مآفي !! وتبين رقمك مآلك الا انك تتحملي وتطنشي
مع اني اكره هآلحركات والازعآج ..


أو انه تغيري رقمك
انا كنت مثلك كنت آحب رقمي وكان مميز والكل يقول بيعيني هو لووووووول ..

بس فجآه غيرته وتعودت ع آلجديد ..

 

[* ليــــدي *]

الحقرآن يقطع المصرآن

 

[سفييره الكويت]

دربالج انتي مره متزوجه والافضل تبلغين ريلج يزفه عشان لا يكتشف فجأه ويروح باله بعيد اتمنى تبلغينه وتقولين له في واحد يزعجني

 

[khawla&tito]

ممممممم والله مادري شقول بس عندي احساس ان احد قاعد يختبرج لان لو كان لعاب بيمل وبيروح لغيرج هذا مصمم ع رقمج

 

[تحت ظلك]

خلي رجال من أهلج يتصرف معاه يزفه
ولا سوي حظر لرقمه
وبكل الأحوال لاتردين عليه ولاتسألينه انت منو.ابدا ابدا
والله يكون بعونج
وألف مبروك ياعروس الله يوفقج

 

[M!Ss Un!VerSe]

في طريقه تسوي بلوك
حظر لرقم الشخص

دقي على شركة الاتصالات اللي تستخدمينها
واستفسري شلون تسوينها

 

[تفاصيل الغرابه]

الله يعينج طنشششششششششششششششششششششششي

او خلي اي ريال من هلج يتفاهم ويا هالحشرات

 

[Uou0Uo]

اهم شي لاترسلين له اي شي والوقت اللي يرسل لك فية حولي المكالمات ع اخوانك اي شي شخص متفهم مو عصبي وغيور وانا مرة صار لي كذا ولمن اتصل رديت علية وقلت انا صايمة اللحين وحسبي الله ونعم الوكيل لانك مزعجني وعطيتة دعوة قوية تخيلي قال سامحيني واللة ماعد اتصل بس استغفري وسكرت بوجهة وانا ع طول استغفرت ومو من قلبي والله يعلم بنيتي انو بس تخويف

 

[سكوتي بذوقي]

لاتردين عليه خير شر لامكالمات ولا مسجات

الله يبعده عنك يارب

 

[اصيله بنت البدو]

مثل ماقالو في خدمه تسوي حظر بس انتي اتصلي واستفسري عنه والله يكون بالعون

 

[frozntouch]

شوفي انا أقولج ليدام انه هالشخص ماتعرفينه وماكان لج علاقات من قبل و صارت هالمكالمات من بعد خطبتج او قرب زواجج اتوقع ريلج مسوي لج اختبار يشوف تعطين ويهه او لا
او انا واحد كان حاط عينه عليج ومن عرف انج بتتزوجين صار يدقدق او انها وحده وتبي تسبب لج مشاكل
ترا مجرد تخمينات بس اتوقع واحد من هالثلاث أشيا

عموما احسن شي تسوينه يا تغيرين رقمج يا تكلمين ريلج وتقولين له عشان يكون بالصوره*

 

[قمر بيت أبوها]

يا حبي لك أجل اللي يزعجونها الشباب تصير لها سوابق
انا وحده تبلوني ناس من أقاربي كل مااغير رقمي يجيبونه
وهذا أنا بمعاناة وازيدك من الشعر بيت اللي يتصل يعرف ملابسي ويعرف علاماتي الفارقه ههههههههه أشك أنه جني
حبيبتي يمكن صدفه وممكن أحد مايخاف الله مرسله لك حطي براسك عدة احتمالات عشان ماتنصدمين

 

[دمعة وفاء]

عطيه ريال يزفه ويشخله لج اذا دق مره ثانية .. عشان تفتكين منه .. وانا اقول لمه تدزينله مسج تكتبين منو ؟ معناته معطيته ويه !! من اول ماتشوفين المسج سويله دليت حتى لاتبطلينه .. واذا دق صكيه بويهه على طول ..

لان مايسوى الواحد يغير رقمه على سالفة جذي , خصوصا انه عندج اياه مدة طويلة ..

 

[أميرة الدار]

ما عندي فكره والله
بس الأفضل يا تبغلي زوجك أو أبوك أو أخوانك
قصدي رجل عشان يعطيه شغله وما يعودها مره ثانيه

الله يساعدك عزيزتي

 

[حشمه]

اول حل اتخلين ريال يهزاه ويزفه او احد من اخوانج يتصل عليه من المخفر

يقوله في شكوه عليك او الحل السلمي واهو انج تغيرين رجمج لاتقولين

عزيز عليج كلها رقم وبتغيرينه ولا الاغلبيه الحين بعد مايحفظون الرقم

يسيفونه بالتلفون ويتصلون ماراح يفرق مع احد لو تغيرينه

 

[شباصـه فرنسيــه]

قمة السخافه والتفاهه هالاشكال قد صارت معي بس ع طول اعطيتهه ابوي وتصرف معإه وماعإد شفته ارسل إذا جوالكك اايفون ولا جلكسي
في برامج تطلع لك صاحب الجوال حتى لو شريحة الجوال بدون اسم اسم البرنامج نبر بووك وكمان في برنامج بلووك اسمهه AntiSpamSMS
وإذا مصر يرسل مالكك إلا تخلين احد كبير بالبيت يغسل شراعهه

 

[مُخملْ]

اتصلي على الاتصالات واطلبي حظر لهالرقمْ
اذا مب موجودة هالخدمة ، خلي حد من اخوانج
ولاأبوج يوقفه عند حدّه .

مُوفقّة

 

[حبيته من قلبي]

حبيبتي مو شرط كل وحده تغير رقمها يعني عندها سوابق..
وانتي نفسي لوول احب رقمي ومستحيل اغيره حتى اذا تزوجت .. بس أنصحج حاليا تقولين حق ريلج كل شي أول بأول ويا أهوا يكلمه او امج ترد عليه تزفه.. والحقران يقطع المصران
الله يعينج على هالاشكال