شسوي !

[كويتيه=)]

السلام عليكم

اشلونكم بنات عساكم بخير

قصتي قصة مع هالدوام صار لي 3 سنين على هالحال

قصتي اني مو قادرة اتأقلم مع بنات الدوام مع اني اتريق معاهم واحط حطة حق المناسبات وضايفيني بالقروب معاهم بس مو قادرة اتفاعل وياهم

مع اني مع المقيمات اسولف عادي وعلى طبيعتي وراحتي

سوالف بنات الدوام كله يا اما عن الريل او الحمل او الولادة او اشلون اتزين حق ريلي واي صالون او اشياء خاصة عن الامور الزوجية

وانا الوحيدة بينهم مو متزوجة ويسولفون عن الامور الزوجية وانا بينهم ما يقولون عيب علينا

كل سوالفهم عن هالشي

عاد انا على طول انسحب من المكان واروح اقعد مع المقيمات

المهم اليوم وحدة قاعدة تسولف مع وحدة عن ريلها

جان تقول لي ليش فلانه ما تتفاعلين معانا خو ضحكي !!!

قصدها ان دمي ثقيل !!! خو ما قلتو شي يضحك عشان اضحك واتفاعل

وعقب جان تقول لي انتي يبي لج ريل عشان تصيرين هيلقية !!!


وكل شي اسوي حق هالانسانه اخلص لها اوراقها واطبعهم لها واصورهم وما يبين بعينها

لما تروح تتريق بس تقول حق اللي قاعدة جبالي وانا ولا كأني جدامهم


ما ادري شنو قصتهم وياي بالضبط !!

 

[ألم المغترب]

الله يوفقج اختي بدوامج ان شاءالله

انا مو موظفه بس اسمع عن السوالف الي تصير بالدوامات

وصدقيني اغلب الدوامات جذي سوالفهم او طريقه التعامل يعني مستحيل تلاقين

مكان وبالصوره الي انتي حطيتيها فبالج

اهم شي مديرج او مسؤولج زين خلاص

عطي الباقي طاف وخلج بشغلج او بس سايريهم

والله كريم

 

[زين ودلال]

احسن خلج جذيه

شتبين فيهم

يقولون اللي يقولونه

قوليلهم مواضيعكم ماتناسبني اذا قالولج شفيج

 

[بنوته كيكه]

عادي عطيهم طاف اسمعي من اذن واحده وطعلي من الثانيه. وبعدين قولي انتو سوالفكم عن حياة الزوجيه انا مو متزوجه وصلن للحين في كل دوامات بنات كذيه. سوالفهم عن حياتهم الزوجيه وغيره يضيعون وقت عاد انتي زين سوتي مالج فيهم

 

[fri2010]

الله يعينج عندنا و عندج خير جدامج حبيبتي و حياتي ومن وراج كلام لا له اول ولا تالي

 

[VET-Nour]

إذا قالتلج جذي غنيلها ماأابيين ب عيينك علا كثر ما جااك لا واحسااافه ليتني ماعطيتك تخطي واعذرك واتحمل خطاياك


هههههههه لا لا أضحك مو تغنيلها صج

عادي سولفو شاركيهم آلسوالف هههههه
أخذي خبرة منهم ههههههههههههههه

 

[بكيزة هانم]

غيري دفة الحديث اتكلمي بوصفات الطبخ باللبس بالحفلات والمناسبات وبعد استفيدي من تجاربهم

 

[كويتيه=)]

ماكو فايدة فيهم يرجعون لمحور حديثهم

 

[نبض السعاده]

الحديث له قواعد
اولا اذا الحديث غير لائق تجنبي الجلوس وتعذري بالعمل
ثانيا اذا الحديث عادي خليج اذا مافي ضرر سمعي
خليج اجتماعيه تجتبي العزله اذا مافي ضرر عليج
دخلي جو خليهم يسمعوونج

 

[صدع القلب]

الله يعينج اختي
مثل ما قالت الاخت اللي فوقي حاولي تسايرينهم ولا تعزلين نفسج
خاصة إذا كان الموضوع ما فيه شي عيب
مثل عن اليهال أو الميكاب والتزين غيرهم
إنتي حتى لوبنت هالسوالف ممكن تفيدج
ولما يسلفون عن خصوصياتهم الزوجية ويضايقونج
إنشغلي يا بشغلج أو الحين الموبايلات ما يبوق الوقت شي مثلهم
دشي انستغرام تويتر أي شي يلهيج عنهم
و إذا قالوا فلانة شفيج قوللي والله شوي قاعدة أشوف شي شادني بالموبايل
أنا مثلج مو متزوجة بس كنت بمكتب بروحي .. وإذا تيمعوا عندي أشاركهم و أعلق باللي أعرفه و أسايرهم و أضحك على سوالفهم حتى لو مجاملة ... من غير ما أتعمق و أطيح الميانة يعني أسمع و أعلق وبس ..​

 

[ashwaq1]

طنشي الموضوع اذا كان عن المتزوجات او شي يخدش حيائج كبنت مو متزوجه وما عندج خبرة واذا عن سالفه ثانيه دخلي وياهم بمواضيع وشاركيهم حلو يكون عندج علاقات بالدوام

 

[Patcholli]

حبيبتي يمكن انتي حساسه صح في سوالف لازم ماتنقال لا حق متزوجه ولا حق غير متزوجه عيب هاذي خصوصيه
ومايجوز شرعا الوحده تتكلم عن خصوصياتها ويا زوجها مادري ليش هالتخلف ..!!
والناس شكو انتي شسويتي حق ريلج ..!! ويع شنو هالحيونه حشاج ..!!
الصراحه ماتنلامين بس ترى العيب فيهم مو فيج ولا في الدوام انا دوامي كله متزوجات بس محد يتكلم بهالامور الي مايجوز تطلع هاذي اسرا خليهم يولون وحقريهم شتسوين واذا داومتي حطي هيدفون وسمعي اي شي عشان لاتسمعين سوالفهم

 

[ام فارس ولولوه]

لا عادي قعدي معاهم وسمعي اللي تبينه وتعلمي منهم
بس لما يصير الكلام حاد وخارج عن الادب تعذري بانج مشغوله
وقومي
خليهم يسولفون على راحتهم بجذيه انتي ماضايقتيهم بشي بالعكس يسولفون اللي يبونه

اما اذا مااحترموج لا هذا شي ثاني
يصير اللي بينكم الشغل وبس

 

[ريتاج_90]

الله يعييينج

احسسسن شي تسوينه انج ماتحتكين بأحد
لان بناات الدوام ماتفتحين لهم قلبج
اناا مو موظفة طالبة بِــ̯͡سّ مٍـٍْ♡̨̐ـِْْنْ كثر مايسولفون
لي خواتي

 

[سمو الغلآ]

هذول الموظفات كل سوالفهم وحياتهم عن الزوج والعيال


حاولي تنقلين مكان او قسم ثاني

 

[Um Tuki]

1- انتي حساسة وايد !!

2- هاي سوالف البنات .. و حتى المو متزوجة الحين تعرف كل شي .. الحين اللي بالابتدائي يعرفون احسن من المتزوجة !!

3- زعلانة لأن سوالفهم عن الزواج .. الله يرزقج أبـ ولد الحلال اللي يخليج ما تسكتين بالقروب

4 - عادي ترى اللي صاير و ماحس في شي يزعل و لا تظنين بالبنات لو ما يحبونج ماحطوج معاهم بالقروب .. جان حشوا فيج بدل ما يخلونج معاهم ..

 

[# غنوجة بيبي #]

لا حول ولا قوة الا بالله

مالج شغل فيهم و صدقيني ربي ان شاءالله بيرزقج
وعلى نياتكم ترزقون