بسم الله الرحمن الرحيم
قبل لا أدش بموضوعي أتمنى ما تفهموني غلط و تقرون الموضوع للآخر
انا بنيه تعرفت على شاب بسنة 2006 هالشاب كان خوش ريال بكل معنى الكلمه حبيته, حبني, و صار أقرب الناس لي, وقف معاي بوقفات حتى اهلي ما وقفوا معاي فيها كان, يعرف حدوده عدل بس هم لما تعرفنا على بعض كنا بعز مراهقتنا و شبه متهورين, صارت مشاكل أو سوء تفاهم و انفصلنا فتره و بعدين ردينا حق بعض, هالانفصال كان خيره لنا لأن كبرنا و صرنا متفاهمين أكثر, و أهم شي شفته منه انه قام يحافظ على صلاته بوقتها و بالمسيد, هالشي خلاني استحي على ويهي و اصلي صلاتي بوقتها, خلاني البس عباة, لا تظنون اني كنت اسوي كل هذا عشانه لا, بالعكس انا كنت اسوي كل هذا و انا متمتعه و متأكده ان الله راح يعطينا على قد نيتنا و راح يوفقنا دنيا و آخره, اتفقنا ان ما نسوي شي الا بالحلال و صج ما كنت اكلمه وايد و و لا اشوفه الا من بعيد, كلم أهله و تقدم لي, بس للأسف اهو ما عنده شهاده و انا كنت بالجامعه, اهلي رفضوا رفض نهائي و خاصة اخوي اللي اهو بحسبة ابوي بعد وفاته, مره سمعت اخوي يكلم امي عنا و قال كلام ماله داعي و ما ينقال, خاصة انه ما يدري شنو اهو, انا رحت قلت حق فلان, مادري شصار بس اهو تراجع و قال انه ما يبي مشاكل مع اهلي, يعني حتى لو خذينا بعض راح تصير مشاكل, محد انظلم الا انا و امي, امي حالها حال اي ام تبي تشوف بنتها بالنفنوف الابيض قبل عينها, تزامن مع هالشي اني دشيت عالم و حياة يديده, ليسن سياره جامعه اروح و ارد على راحتي تلفون نت, انا من القهر و مع شطارة الشيطان و رفاق السوء مستقبلي كان على وشك الانهيار أو يمكن انهار, عدت هالفتره, اعتبرتها بلاء من ربي و عقبها قلت محد راح ينفعني غير ربي و أبي ارجع له بأي وسيله, صج رجعت له و وعدته اني ما اخيب ظنه, سبحان الله دعيت ربي ان يرد لي فلان, من باجر جان يدز لي مسج
و كان عن يوم اليمعه, استخرت اني أرد عليه و لا لأ, و رديت عليه, كلمته قلت له اللي صار فيني و توقعت ان راح يلومني بس اهو لام نفسه و قال يمكن اللي صار لج بسببي لأني خليتج بس والله ما كان قصدي كنت ابي لج الخير و مابي تصير لج مشاكل بسببي, انا صج رديت له بس ما كنت ناويه اني اشوفه و جذي, بس اهو كان يبي, صج رحت له و قعدت معاه و مسكت ايده, قلت له لي متى احنا جذي ما نشوف بعض الا بالخش و الدس متى اكلمك و اقعد معاك بفخر و احنا رافعين راسنا, اهو قاعد يكمل دراسته عشاني بس السالفه مطوله , انا تقريبا ابتعدت شوي عن ربي, مو اهو السبب بس مادري ليش كل ما احاول اتقرب بعد جم يوم ارد ابتعد, شريت أشرطه و محاضرات و اسمع قصص, أبي أعتبر أبي اخاف أبي لما اتقرب من ربي المره اليايه ما ابتعد عنه لي ما ياخذ روحي, اليوم شفت فيديو بيو تيوب اهو بعد مجرد صوت, بس خفت حسيت برهبه اول مره احس فيها, الحين حتى وضوئي احسه غلط, قمت ما اغسل ويهي مادري شلون بس امسحه و السبب اني مابي اغمض عيوني كله اتخيل ان فيه احد وراي, بصلاتي بس التفت, بسجودي مبطله عيني اطالع يمين يسار, قمت استعيل بصلاتي, قلت حق فلان السالفه و قال لي ذكري الله انتي خايفه من شنو تخيلي بالوضوء لما تغسلين ايدج بكل قطرة ماي تنزل الذنوب اللي اقترفتها ايدج تطيح, لما تتمضمضين اي كلمه قلتيها غلط أو حرام أو سب أو غيره تنمحي مع كل قطرة ماي حتى, الخ, حتى ريلج لما تغسلينها اي مكان رحتي له غلط أو حرام ذنوبه تطيح مع الماي, و اهو قاعد يقول لي جذي انا بس ابجي و اقول بقلبي انزين و لما امسك ايدك و لما اروح اشوفك و لما اقول لك كلمه حلوه, اني افارقه ما اقدر, بس هم خايفه من ربي, بس احنا حاولنا نيي بالحلال لا تفهموني غلط احنا اكثر شي نسويه لمسة ايد بس ادري ان هم هالشي غلط كبير بس شسوي, بعض المرات افكر اقول ليش صار جذي بعض المرات اقول مو ذنبنا ذنب اللي رفض ان نيي بالحلال اللي اهو اخوي, يمكن انتوا ما راح تحسون و يمكن راح توقفون مع اخوي و تقولون اهلج مهما يسوون ترى اهم يشوفون شي انتي ما تشوفينه اهم يبون مصلحتج, بس لأ, انا احس اني لو خذيت غيره راح اتخيل حياتي معاه اهو, انا ما ظليت معاه يوم و لا يومين, ما تتوقعون شلون خططنا حق باجر حتى لون غرفتنا قررناه, حتى اسامي عيالنا, انا رسمت مستقبلي معاه اهو, ابيه معاي دنيا و آخره, على العلاقه اللي بيننا, بس ما تتوقعون انا شنو داخلي و شنو نيتي, انا ناويه البس عباية راس ناويه احفظ القرآن ناويه على وايد اشياء بس كل هذا ما له قيمه و انا ليلحين بهالعلاقه, ادري شنو لو اقارن بين خوفي من اني ابتعد عن فلان و خوفي من عذاب ربي, بس ليش ما اقدر يكون لي الاثنين, انا مو طماعه بس صج مادري, احس حتى كتابتي لهالموضوع مادري شلون
آسفه طولت عليكم, عادي عاتبوني و لوموني بس مو وايد , الواحد اللي فيه كافيه
مشكورين على وقتكم
قبل لا أدش بموضوعي أتمنى ما تفهموني غلط و تقرون الموضوع للآخر
انا بنيه تعرفت على شاب بسنة 2006 هالشاب كان خوش ريال بكل معنى الكلمه حبيته, حبني, و صار أقرب الناس لي, وقف معاي بوقفات حتى اهلي ما وقفوا معاي فيها كان, يعرف حدوده عدل بس هم لما تعرفنا على بعض كنا بعز مراهقتنا و شبه متهورين, صارت مشاكل أو سوء تفاهم و انفصلنا فتره و بعدين ردينا حق بعض, هالانفصال كان خيره لنا لأن كبرنا و صرنا متفاهمين أكثر, و أهم شي شفته منه انه قام يحافظ على صلاته بوقتها و بالمسيد, هالشي خلاني استحي على ويهي و اصلي صلاتي بوقتها, خلاني البس عباة, لا تظنون اني كنت اسوي كل هذا عشانه لا, بالعكس انا كنت اسوي كل هذا و انا متمتعه و متأكده ان الله راح يعطينا على قد نيتنا و راح يوفقنا دنيا و آخره, اتفقنا ان ما نسوي شي الا بالحلال و صج ما كنت اكلمه وايد و و لا اشوفه الا من بعيد, كلم أهله و تقدم لي, بس للأسف اهو ما عنده شهاده و انا كنت بالجامعه, اهلي رفضوا رفض نهائي و خاصة اخوي اللي اهو بحسبة ابوي بعد وفاته, مره سمعت اخوي يكلم امي عنا و قال كلام ماله داعي و ما ينقال, خاصة انه ما يدري شنو اهو, انا رحت قلت حق فلان, مادري شصار بس اهو تراجع و قال انه ما يبي مشاكل مع اهلي, يعني حتى لو خذينا بعض راح تصير مشاكل, محد انظلم الا انا و امي, امي حالها حال اي ام تبي تشوف بنتها بالنفنوف الابيض قبل عينها, تزامن مع هالشي اني دشيت عالم و حياة يديده, ليسن سياره جامعه اروح و ارد على راحتي تلفون نت, انا من القهر و مع شطارة الشيطان و رفاق السوء مستقبلي كان على وشك الانهيار أو يمكن انهار, عدت هالفتره, اعتبرتها بلاء من ربي و عقبها قلت محد راح ينفعني غير ربي و أبي ارجع له بأي وسيله, صج رجعت له و وعدته اني ما اخيب ظنه, سبحان الله دعيت ربي ان يرد لي فلان, من باجر جان يدز لي مسج
و كان عن يوم اليمعه, استخرت اني أرد عليه و لا لأ, و رديت عليه, كلمته قلت له اللي صار فيني و توقعت ان راح يلومني بس اهو لام نفسه و قال يمكن اللي صار لج بسببي لأني خليتج بس والله ما كان قصدي كنت ابي لج الخير و مابي تصير لج مشاكل بسببي, انا صج رديت له بس ما كنت ناويه اني اشوفه و جذي, بس اهو كان يبي, صج رحت له و قعدت معاه و مسكت ايده, قلت له لي متى احنا جذي ما نشوف بعض الا بالخش و الدس متى اكلمك و اقعد معاك بفخر و احنا رافعين راسنا, اهو قاعد يكمل دراسته عشاني بس السالفه مطوله , انا تقريبا ابتعدت شوي عن ربي, مو اهو السبب بس مادري ليش كل ما احاول اتقرب بعد جم يوم ارد ابتعد, شريت أشرطه و محاضرات و اسمع قصص, أبي أعتبر أبي اخاف أبي لما اتقرب من ربي المره اليايه ما ابتعد عنه لي ما ياخذ روحي, اليوم شفت فيديو بيو تيوب اهو بعد مجرد صوت, بس خفت حسيت برهبه اول مره احس فيها, الحين حتى وضوئي احسه غلط, قمت ما اغسل ويهي مادري شلون بس امسحه و السبب اني مابي اغمض عيوني كله اتخيل ان فيه احد وراي, بصلاتي بس التفت, بسجودي مبطله عيني اطالع يمين يسار, قمت استعيل بصلاتي, قلت حق فلان السالفه و قال لي ذكري الله انتي خايفه من شنو تخيلي بالوضوء لما تغسلين ايدج بكل قطرة ماي تنزل الذنوب اللي اقترفتها ايدج تطيح, لما تتمضمضين اي كلمه قلتيها غلط أو حرام أو سب أو غيره تنمحي مع كل قطرة ماي حتى, الخ, حتى ريلج لما تغسلينها اي مكان رحتي له غلط أو حرام ذنوبه تطيح مع الماي, و اهو قاعد يقول لي جذي انا بس ابجي و اقول بقلبي انزين و لما امسك ايدك و لما اروح اشوفك و لما اقول لك كلمه حلوه, اني افارقه ما اقدر, بس هم خايفه من ربي, بس احنا حاولنا نيي بالحلال لا تفهموني غلط احنا اكثر شي نسويه لمسة ايد بس ادري ان هم هالشي غلط كبير بس شسوي, بعض المرات افكر اقول ليش صار جذي بعض المرات اقول مو ذنبنا ذنب اللي رفض ان نيي بالحلال اللي اهو اخوي, يمكن انتوا ما راح تحسون و يمكن راح توقفون مع اخوي و تقولون اهلج مهما يسوون ترى اهم يشوفون شي انتي ما تشوفينه اهم يبون مصلحتج, بس لأ, انا احس اني لو خذيت غيره راح اتخيل حياتي معاه اهو, انا ما ظليت معاه يوم و لا يومين, ما تتوقعون شلون خططنا حق باجر حتى لون غرفتنا قررناه, حتى اسامي عيالنا, انا رسمت مستقبلي معاه اهو, ابيه معاي دنيا و آخره, على العلاقه اللي بيننا, بس ما تتوقعون انا شنو داخلي و شنو نيتي, انا ناويه البس عباية راس ناويه احفظ القرآن ناويه على وايد اشياء بس كل هذا ما له قيمه و انا ليلحين بهالعلاقه, ادري شنو لو اقارن بين خوفي من اني ابتعد عن فلان و خوفي من عذاب ربي, بس ليش ما اقدر يكون لي الاثنين, انا مو طماعه بس صج مادري, احس حتى كتابتي لهالموضوع مادري شلونآسفه طولت عليكم, عادي عاتبوني و لوموني بس مو وايد
, الواحد اللي فيه كافيهمشكورين على وقتكم
