شصاير بالدنيا ..!! لهدرجة صرنا ..!!

[Č๐ηтεѕѕά Ďlől]

قوه ...!
شلونكم ...!

الصراحة مادري شلون ابدا موضوعي وانا مالي بالمناقشات بس اللي شفته اليوم ماينسكت عليه ...!

اللحين انا رايحة الافنيو اووكي ... يوم الخميس طبعا زحمة وجيي ... الشباب يتحرشون .. سكتنا لان من زمان ... بس قام يطفرون الاجانب الصراحة شي ماينسكت عنه عقد ويع هلاقه !!
يتحرشون بالريال ومرته ! والله مايستحون يعني هذا بيلفتون الانظار ولا شسالفه
..غيره الصبي شهدفه يدش جدام البنت يعني اذا شاف بنت راح جدامها يخرعها او يستعبط عليها بذمتك ترضاها حق اختك !! وايد قام تصير !! امبيه وين وصلنا معقوله الكويت صارت جذي !!
شفيكم !! انا تكلمت عن الشباب ماتكلمت عن البنات
خنتحجى شوي عن البنات !
البنت طبعآآ ماتقصر طايحتله خز بالرايح والراد واذا شافت صبي قعدت تتدلع !! ولا اليوم وحده واقفه جدام واحد كل شوي تعطيه نظره وابتسامه لدرجة الريال مل منها وراح وقف اخر شي !!
امبييييييييييه !! الصراحة انا كنت اسمع بهالاشياء بس اللحين شفتها
نخلي البنات اللي جذي وحده داشه المجمع انا حسبالي مضيعه وكانت بتروح عرس الاكستنشين وحالتها وخاابه روحها وبف واللبس القصير والضبج !!
امبيه جد شي ماينسكت عنه طبعا هذا ((البعض مو الكل ))
ودي اكتب كل شي يعني بقرق ... ولا صراخ الشباب اللي واصل لي اخر المجمع ياربي شيصاير اخر شي الاخ قاعد يضحك مالت على الويه ...


الفايده من كلامي كله !
ليش صرنا جذي !!
وين البنت اللي تستحي والشاب مايخزخز ببنات خلق الله !!

 

[سمسمة كويتية]

اي والله صج الوضع صاير لا يحتمل الواحد كره المجمعات بس وين نروح
مادري وين راح نوصل الاستهتار وقله الأدب و قلة الحيا قاعدين يزيدون
الله يهديهم

 

[عربجيه]

الحمدلله ماشفت ومابي اشوف ، بس لازم نوعيهم وننصحهم مو نشوفهم ونقعد تحلطم ليش وماليش عدل كلامي ولا لا

 

[3so0ola_94]

 

[انصاريه قمره]

للاسف العاهاااااات كثرت
والحال من سئ الى اسوأ

 

[Č๐ηтεѕѕά Ďlől]

:eh_s(6): حياكم نورتو

 

[! بــدويه وآآيــد !]

،



الدنيآآآ خرربت ..~


ومآآفي أمـآآن حتى عيآل الديرهـْ أول فيهم غآريه ألحين لآوالله همْ الي يبلوونج والبنآآت مو مقصرين الحمد الله والشكر




،

 

[لاتينيـه]

النآس اختربو مو نفس اول
والبنآت انآ ملآحظه البنآت الحين كل شي صآر فري عندهم
من متى البنت تسوي جذي جدآم الشبآب
اشكره تعآل رقمني !!

 

[بنية ذربة]

قلتها ولازلت اقولها ماكو رياييل بهالمجمعات كلهم اشباة رياييل عمى بعينهم تعمى ليش يصرخ بدون سبب عقب يضحك؟؟

والله العظيم هذيل ودي امسك عليهم رشاش الاطفائيين واموتهم واحد واحد اهما والبنات اللي مثل طقتهم

 

[غلا الغوالي]

لاحول ولاقوة الا باالله


الله يهدي المسلمين يااااااااااااااااااااااااااااااااااااااااااااااارب

 

[الصعيريه]

الله يهديهم ويستر عليهم يوم عن يوم البلاوي تزيد ....

 

[blAnK hEaRT]

ايييييييي والله صاجه حتى الواحد قام ماوده يطلع من بيتهم من الي نشوفه بره ماكو احترام استغفرالله ياربي

الله يهدي الجميع

 

[بحرينية كووووووول]

من كثررررررر ماتتحجون عن الافنوز صار خاطري اروح لةةةةةةةةةة وانة طبعا بعد العيد ان شاء بزوركممممممم

 

[الــــراسيـه]

كل شي يسونه تقليد
انا مو باط جبدي الا ها القصير ليش
وين اللبس المحتشم

 

[$حبيبة عبودي$]

الله يهديهم ويستر عليهم يوم عن يوم البلاوي تزيد ....

:ggdw::ggdw::ggdw::ggdw::ggdw::ggdw:

 

[Č๐ηтεѕѕά Ďlől]

:eh_s(6):حياكم

 

[نبتة غلا]

صج شي يحر المستوى الي وصلوا له بعض بنات ديرتنا
واتوقع ان السياح من يشوفون هالمسخره بياخذون فكره غلط عن بناتنا
ولو ان اغلب المصخره الي صايره مو من الكويتيات
اغلبهم بنات مادري شنو جنسيتهم
بس يتكلمون كويتي عدل , الله يقطعهم ويستر على بناتنا



بحرينيه حياج الله بالكويت واحسبيها مثل بلدج الثابي وانتي وحده من بناتنا
وان ماشالتج الارض نشيلج بعيونا يابنت اهل الطيب والجود والكرم
واتمنالج قضاء اوقات سعيده ممتعه

 

[حقوقيه زوغه]

اللي مخربين عليه العقققققققققققققققققققققققققققققققققققققققد والله ..

خلوا القصير وخلو الضيج ..القصير والضيج من زماااااااااااااااااااااااااااااااااااااااان موجود مو توه يديد علينا

بس اليهالوا قروووبااات يمشون ويتحرشوون بخلق الله لاشغل ولا مشغله ..هذا غير اللي اييوون بالتاكسيات مادري من وييييييييييييييييين اييوون

بس خلاص احس تعودنا على هالاشياء ..والواحد ماله الا انه يصير نفس الاجانب يمشي ومايطالع احد ولا يسمع ولا يحس لوووووووووووووول وبجذي راح يرتاااااااااااااااااااااااااااح جربوووها وصدقووني ترتاحووون

 

[viva la glam]

الله يهديهم

 

[~فانيلآآآ~]

الله يهديهم ياااارب صايرين يفشلوووون فضحونا جدااام الناس
/

انا مره بالافنيوز جايين اثنين صبيان ابو 16 و15 سنه باين انهم من اهل المنطقه و
مدخلين (( قواريهم ))>> يعني بايسكل بالنجليزي >> اتترجم بعد خخخخ ولااا بعد كاتبين
عليهم شعر وسوالف ابووو عذاااب وييييييع ؟؟؟
و يتمشووون بالسووق يطقون فره ويطلعووون واستعراض جدااام البنات واشكااالهم تفشل
والله والله ماصدقت نفسي شــ هالهلاقـــــه ؟؟