شعآر قنآة تلفزيون الكويت ،، كيف بيكون تصميمك الجديد له ؟

[!! الواصليّـــــة !!]

السلآم عليكم،،

كلنآ نعرف شعآر دولة الكويت الحبيبة ،،



والشريطة الصفرآ ،، واللي تحمل بين نسيجهآ ،، دمـ أسرآنآ ،، وشهدائنا ،،

والله لو تمر ملايين السنين ،، ماننسآهمـ ،،

واذا التربية تجآهلت فضلهم من بعد الله طبعا في استرجآع ديرتنآ ،، تطلباً لبناء علاقات جديده بين الدولتين !

والله ثم والله ،، لألقّن جيل ورى جيل ،، فضلهم ،،

وغدر العرااق !

كثير أدمى قلبي ،، تبديل ( الغزو العراقي ) بـ ( الغزو الصدامي ) !!

وماراح اتطرق لهالنقطه ،، لأني لو تطرقت لهآ ،، بنفض إالحآف السياسه نفضْ!

ارجع لموضوعي ،،

وأسالكم ،،

اذا اطلبوا منك تصميم شعآر جديد لتلفزيون ديرتنآ الحبيبه ،، ف كيف بيكون تصميمك ؟ وشنو اهو المعلم اللي يشد انتباهك في ديرتنآ ؟

بالنسبة لي أنا ،،بختآر



برج التحرير ،، المكآن اللي مكآنته كبيرة بقلب كل كويتي ،، وبختار شريطة بيضه تكون ملفوفه ع البرج ،،
واخترت اللون الأبيض بالذآت ،، حتى نتذكر شهداءنا للأبد ،، وندعي ع طول ( اللهم نقهم من الخطآيآ ،، كمآ ينقى الثوب الأبيض من الدنس ،، واغسلهم بالمآء والثلج والبرد )

الثلج ،، والثوب الأبيض ،، هم شهداءناا وتاج رآس الكرآمه والروح الأبيّه ،،




،،

أو اني اختآر




سيّآرة الشيخ الشهيد / فهد الأحمد ،، ذلك الرجل الذي قال وفعل ،،
انا كويتي انا ،، انا قول وفعل ،،
وعزومي قوية ،،
انا كويتي انا
انا عن موقفي
تحجي الجابريّه ،،

وفعلاً ،، الجآبريّه ،، حكتْ ،، وبكتْ ،،
،،

وانتم؟ يابنآتهآ ؟
كيف بتكون تصآميمكم ؟

،،

دمتولي

 

[حمام شاقني فنه]

عجيبه سيارته فهد الاحمد
اممم
انا احط شعارنا مجلس الامه مرسوم بشكل تخطيطي الي برا بس>>ينم على الشورى القايمه بين الكويتين والديمقراطيه
واحط حولها هذي لكويت صلو ع النبي >>تكون بشريطه بيضه على لون قلوبنا





الي وراي

نبي فناتق بنات

 

[!! الواصليّـــــة !!]

حياج الله حمام شاقني فنه

ع فكرة الشعآر اللي قلتيه حطوه بقناة سموها أمة 2006 اعتقد ،،
عمومااا انا اكثر ماعجبني الكلام اللي اسندتيه للشعار
فيديت قلبج /

 

[حمام شاقني فنه]

لبا قلبج :eh_s(6):


اجل راحت علي


افكر لج بجديد

اممممممممممممممم >>لايكون عينوج وزيرة اعلام

نا اقول نحط ايد شابكه ايد وتقطر منهم كلمه الكويت بس بشكل قطره ماي يشكلونها يعني تجي مثل الدمعه الكلمه والخلفيه تصير مثل شعاع اصفر >>الايد تنم على تكاتفنا مايبيله >والشعاع الاصفر الشمس يعني الكويت باقيه >>مثل الشمس مايغطيها منخل



افكر بعد وارد لج >>>شكلي بسنتر هني:eh_s(6):

 

[softlady]

ماكو شي ببالي الحين بس فكره الموضوع رووووووووووووعه

 

[!! الواصليّـــــة !!]

حمام

والله انتي عجيبه ،،
فكري فكري
وخلينا نبدع

//

سوفت ليدي
اهلين يالغاليه ،،
مرورك اروع والله ،،

 

[.:. عبرة مُوادع .:.]

بدايةً

الله يعطيج العاآآفيه على هالموضوع القيّم ..

واللي أعطيه عشره من عشره :ggdw:

/

شعار القناة حلوو .. خصوصاً انه يحمل الشريطه الصفرا

اللهم ارحم شهدائنا واسكنهم فسيح جنّاتك ..

..

بس لو فيه تغيير للشعار

اختار نفس الواصليّه



{ برج التحرير }

لا شفته احس بالنصر :eh_s(6):

له قييييييييييمه كبيره

..

 

[..مفاهيم الغرور..]

ماكو على الابراج بصراحه

اهي رمز الكويت بكل الدول


ثانكس حبوبة

 

[الجهراوية84]

موضـــوعج عجيــب عاد امس كنت حاطة تلفزيــون الكويت وكالعادة ماكو شي جديد بس ركزت عالشعار وانتبهت للشريطة الصفرا ماادري ليش حسيت انه لازم يشيلون اللون الاصفر او يغيرونه بكبره

عجبتني فكرتج وحمستيني اشارك بموضوعج واذا علي ماادري يمكن احط علم الكويت يرفرف او خريطة الكويت ماادري مافي فكرة معينه بس موضوعج حلو

وتسلم اناملج...​

 

[بدويـــة مودرن]

احس شعار الكويت الحالي مفخره ومعبر وخصوصا الشريط الاصفر
اللهم ارحم شهدائنا
اشكرش عالموضوع الرائع

 

[مطيريه فزاعه]

يا ليت يتغير شعار الكويت الحالي ويصير احلى لانه حراام من زماان ما تغير قددددددددددددديم حدده ياليت يحطون علم الكويت بطريه حلوه وتصميم احلى

 

[!! الواصليّـــــة !!]

صمتي كلام<<العفو يالغلاا
الجهراوية<<<حياج الله ياقلبي ،، شرفني مرورج ،،
مثلثمه بشماغ ابوي <<طبعا مفخره،، بس اللون الأصفر كان يرمز الى الأسرى ،، واسرانا الحين شهداء لله الحمد ،، يعني المفروض يتغير اللون !
مطيرية فزاعه<<معاج حق وانا من جذي نزلت الموضوع ،، ودي يتغير الشعار ،،

 

[شوق والدمعه]

الواصليه مووضوعج يهبلل والله كلامج ذهب وياااابعدهم والله كلامج درر

بسبسالج صج السياره هذي سياره الشهيد؟؟
و

 

[MyLittleBerry]

ماراح اختار ولا واحد

راح اصمم شعار يديد موديرن مواكب للجيل الجديد

شعار عصري يصك على شعارات باقي القنوات

لان بصراحه شعار القناة الاولى والثانيه يفشل خصوصا الثانيه مخوضر عليه عفن مادري لي متى جذي

يمكن اختار برج التحرير بس على شكل جرافيكي ملون وحلو

او شي يديد مثلا مشروع مدينة الحرير لان راح يكون قفزه حضاريه للكويت فراح اصمم شعار يتعلق في المشروع


شرايكم فيني

 

[!! الواصليّـــــة !!]

شوق المطر <<< هلابك حبيبتي ،، اشكرج ع الأطراء ،، وهذي فعلاً سياره الشهيد بإذن الله الشيخ /فهد الأحمد

//

فراشة الكويت <<< حياج الله حبيبتي ،، وشكرا ع التصميم ،، لكنّي أعتب عليك ،، شدّتك في الوصف ! بخصوص القناة ال2 ،،

 

[oscar]

امممممممممم صوره قبضه يد ملفوفه بعلم الكويت مع اشكال هندسيه هذا اللي طلع من مخي الحين

 

[زينة الشرق]

أنا أقترح يكون شعار قناة تلفزيون الكويت جذي

يكون تصميم يحتوي على الثلاث معالم دولة الكويت الحبيبة


:eh_s(6): أتمنى يعجبكم ((يعني يايبة شي من عندي ))

 

[!! الواصليّـــــة !!]

اوسكآر يسلم لي مخّك
//
موناليزا تصميمك تمام بس ماقلتي وشلون تدمجينهم مع بعض ؟ ؟
//

دمتولي

 

[زينة الشرق]

ممممممممممممممم




تقريبا بتصوري يكون برج التحرير خلف الأبراج والشعار الخلفية لهم

 

[زينة الشرق]

أو يكون أبراج الكويت على يمين الشعار وبرج التحرير يكون على يسار الشعار يعني الشعار يكون بالقلب