حياتي الله يعينج والله
انا بصراحه اعتني حاليا بشعر اختي الاصغيره
لان اصلا انا اللي اتعب معاها اسبحها وامشطها كل يوم
وكلا يتعقد شعرها وصار يابس وو متقصف ولونه باهت
مسكييييييينه كسرت خاطري
فانا عصبت قلت لازم لازم اكو حل
حطيت كل شي اعرفه زين حق الشعر
بس قبل لا اقولج شسويت بشعرها
عندج بعض الصالونات يحطون يحطون صبار وو حمام زيت
انا اقولج بالاسبوع مره نصيحه روحي
قوليلهم بس ابي اتحطون براسي الصبار وباجي شعري والاطراف حمام زيت عندج وايد انواع
بلو بيري او بنك بيري او الحيه
بتسالين ليش حطيت نوعين ؟؟؟
اول شي الصبار مفيد للشعر ينبت وو يكثف وو يوقف التساقط
وو حمام زيت ينفع للشعر الخشن والمتقصف ومو مرتب
هذا كعنايه مره بالاسبوع
عنايتج بالبيت ......
شامبو خاص من الصيدليه وانا حاطه موضوع عن شامبو من الصيدليه حيل حلو
ولو ماتبين روحي نفس الصيدليه ترى الدكتور والخبيره حيل شطار توووب
المهم بقولج شسويت حق اختي الحين
اللي نعم شعرها ورتبه وعطاه لمعه وعالجه
حطيت بطاسه الزيت الذهبي جوز الهند دابر املا + زيت زيتون + زيت اللوز + مايونيز + روب + بيض البياض والصفار
انا هذي المقادير اللي كانت موجوده بالبيت
ممكن اتضيفين خل التفاح او اتحطين كل هذا بحنه وتخلطينه وايد حلو يفيد الشعر
او ممكن اتضيفين قشر الموز وااايد حلو خدامتنا كانت اتدقه مادري شتسوي وبعدين احطه بالخلاط
او بعض المرات لو مالي خلق احط موز هم وااايد زين
والجرجير حيييييييييييييل حلو حق الشعر حطيه بماي حار يتنقع وحطيه مع الخلطه
كتبي فوايد الجرجير للشعر بالقوقل في ناس تاكله كل يوم
هذولي اضافات ممكن اتضيفينها للشعر
وترى كلها معروفه للشعر وايد زينه وانا ببدي بعد اسويها خل ادلع نفسي مثل مادلع اختي لووووووول
وو لاتنسين ماسك الشعر وايد زين انا عندي ماسك اللوز خذيته من يدتي بس ماحصلت صورته بالنت
وترى في وايد ماسكات حلوووووووه بالجمعيات ماسك اللوز اللي عندي حق اللمعان والتلف ووايد اشياء
ابتعدي عن البلسم لان يسبب تساقط وكافي راح اتحطين حمامات زيت وو ماسكات وشامبو صحي وامبولاته من الصيدليه وو خلطه
الخلطه يفضل وضعها من ساعتين الى ثلاث مو اقل من ساعتين ويفضل اتسوين مساج عشان تتبطل المسامات
وو ابتعدي عن الشسوار وبعد السباحه لاتخنقين شعرج اتحطين فوطه وشعرج فيها ماي طول الوقت حتى واهوا ناشف وحتى شباصه
ودام بتهتمين فيه لاتصبغينه لان اهوا السبب في تلف الشعر وشربي ماي وايد ولاتنسين الخضروات والفواكه لها دور
انشالله افدتج وسوري طولت عليج وايد
