شعري فيه حنة وأبي أصبغ عسلي

[رقية حمرة]

بنات عفية تكفون ساعدوني ولا تحقروني

آنا صابغة شعري بني غامج وحاطة حنة والحين ودي أصبغ اللون العسلي أو البندقي اللي هابين فيه هالأيام يعني قلت بسوي نيو لوك حق ريلي بيسافر الأسبوع الياي وودي أصبغه حق ردته من السفر
وأبي أروح حق وحدة شاطرة بالصبغ وما تقطع شعري , وين أروح بنات دلوني ؟؟؟؟؟؟؟؟؟؟

 

[ميناردي]

روحي صالون انطوانيت23726505

 

[رزنامه2010]

والله مادرى حبيبتى لانى قاطعه الصبغ من زمان بس ماحبيت اطلع من غير مارد وانشالله البنات يفيدونج

 

[روعه 99k]

رد : شعري فيه حنة وأبي أصبغ عسلي

أنا كنت نفسك وحاطه حنا انتظرت ٦شهور وصبغت سوتلي غسيل لون
وهم طلع اورانجي موحلو
وعقبه بشهرين بعد غسيل لون وما ضبط اللون علي اورانج
يالله استوعبت رحت سويت خصل رفيعه وطلع ايهبل بس عقب٨ شهور
لكن


تبين الصج



راح. شعري


أنصحك باختصاار


اذا شعرك غالي عليك

لا تصبغين.


انتظري سنه بالضبط وقصي منه مو اقل ٤ سانتي
بعدين ممكن يضبط اللون
*

 

[Apple-q8]

مع الحنه مايضبط الصبغ الا اذا بتصبغين شي علي احمر لونه


لانه دايما مالت الصالون تسألج حاطه حنه شي وصارلج جم سنه؟

 

[توتيه]

مع الحنا مايطلعلج اللون اللي تبينه
فانصيحه لاتغامرين بشعرج

 

[بدورة القمورة]

لاتغامرين بشعرج مايطلع الووون

 

[من حقي أغير]

رد : شعري فيه حنة وأبي أصبغ عسلي

انا نفسج مايصير

 

[حدى عنيده]

الله يعينج صج اللحين اذا بتروحين اي صالون شاطر بيقولولج مانصبغ بس اذا رحتى صالون يبون فلوس بتصبغلج اللون اللى تبينه بس راح يتنتف شعرج

 

[tootahh]

رد : شعري فيه حنة وأبي أصبغ عسلي

غلطانة حبيبتي انا كنت صابغة شعري بني غامج و ييت بصبغة نفس الصبغة اللي تقولين عنها قالتلي انسي ما يصير اللي تصبغ بني غامج جنها صابغة اسود صعب صعب تصبغ فوقة و تطلع الصبغة اللي تبيها و انتي بعد حاطه حنه يا سلالالام يعني انسي انسي تصبغين

 

[رقية حمرة]

رد : شعري فيه حنة وأبي أصبغ عسلي

مشكوريييييييييييييييين بنات ماقصرتوا على النصايح وبنطر على شعري على الأقل 6 أشهر صج عاد الشعر غالي وما ينفع اللون بدون صحة الشعر