شعر بجاني بجي عن وحده تحب واحد وتزوج غيرها

[^^اليتيمه^^]

تمنيتك علي تقبل .. أشوفك مبتسم فرحان


وأشوف أهلك يغنوا لك ولدروبي يزفونك ..

وتزيد بقلبي نبضاته ويحمر وجهي الخجلان

ويرعش جسمي بقدومك وأقول امشي على هونك ..

واملاك السما تحفك بنور الرازق المنان

عليك اسم الله يالغالي وعمت عين اللي يحسدونك ..

تسابق لجلي خطواتك تجيني محترق لهفان

وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان

ياعمري والله خجلانة وميته بنظرة عيونك ..

يريحني كلامك لي ياما حلا ليلة العرسان

وتعاهدني بتوفي لي وأعاهدك أني ما أخونك ..

مضى عمري وأنا احلم وأظم طيوفه بالأحضان

واسأل ليلى يا ليلى شسويتي بمجنونك ..

تحقق نصف حلمي بك وشفتك مقبل وفرحان

وشفت اهلك يغنوا لك.....وللحلوة يزفونك ..

خنقت بنفسي عبراتي وخنقني قلبي الغيران

وحبست دموعي في عيني وقلت امشي على هونك ..

فضحني صوت شهقاتي ورجيت الواحد الديان

يخليها ويقدرني أضمّد جرحي من دونــــــــك ..

أشوف شلون تضحك لك وقلبي يشتعل نيران

دعيت الله يهنيها معاك وتجلي شجونك ..

وأنا منهو يهنيني ويداوي قلبي الوجعان

أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران

رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران

بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان

قسم بالله ما انساك ولو هالكون ينسونك ..

تروف بحالتي سارة وتحلف والله هو خسران

يواسوني رفيقاتي يقولن كلنـــا عونــــك ..

كبيرة بعين كل ربعي أموت وعزي ماينهان

كذا تخليني أصغرهم مع فلانة يلقونك ..

أنا مابي مهر منك ولا شبكة ولا فستان

طموحي احتضن حزنك وازين بالهنا كونك ..

أبيك تكون لي وحدي بديره مابها سكان

تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان

وش اللي ساومك فيها وصغر شخصي بعيونك ..

وش اللي مو حلو فيني..؟؟ كسرت بخاطري يافلان

خبر عرسك قضى فيني هلكت قليبي بطعونك ..

(مزن )ضميتها وبليت شعرها بمدمعي الهتان

ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران

عشقت اهلك على شانك ولمت اللي يلومونك ..

أسفه والله أسفه مكتوب أهيم بسكة الأحزان

ومكتوب تلقى بنت ناس تعيش بدالي في كونك ..

ياشين اللحظة ذي والله تمنيت ألبس الأكفان

وأشوف الظلمة في قبري ولا بغيري يهنونك ..

يبين ارجوووك خذ روحي ونادو يا هلي الدفّان

ابيك تحس بجروحي.. وبتابوتي يمرونك ..

أبيك تشيل تابوتي على كتفك يغصن الـ بان

وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني

دموعك أغلى ما عندي يامالك كل وجداني ..

فراق أهلي وزواجك موت ، ودمعك موتي الثاني

خلاص ارحمني لاتبكي دخيل الله على شاني ..

زماني مارحم ضعفي هزم حسي وتحداني

عهد في قبري ما نساك تعال وزورني عاني ..

تعال خلني احس إنك علي ولهــــــــان

وبفـــرح وانا في وســـــــط تربـانــــي.

لي

 

[بنت العديليه الشقرديه]

وااااااو ثانكس يعقد

 

[q6aiwa]

عورتي قلبي


مشكوره والله يجبر بخاطر هالمسكينه ويعوضها

 

[Q8stylle]

يعطيج العافيه

 

[Om_Ksha]

عجيييب الشعر موصج يعور القلب

 

[Om_Ksha]

حده الشعر يعور القلب موصج

 

[flfoo6a]

روووووووووووووووووووووعه

صح لسانج

 

[نور الكويت]

الله يرزقها ويعوضها باللي احسن منه



مشكوووره

 

[غروك وغيروك]

صح لسانج يعوووور القلب

 

[ذكراك تكفيني]

ياحراااااااااااااااااااااااااااام

يسلمؤؤؤؤؤؤؤؤؤؤؤؤؤؤؤؤؤؤؤؤؤ

 

[DALALEY]

وااااي صج صج صج مؤثر ويعور القلب الله يعين قلبها هالمسكينه

 

[أمووورة الكويت]

آآآآآه ياقلبييييييييييي قلبهااااااااااااا


وربي هالموقف صعب حيل حيل حيييييييييل


مشكووووورة حبيبتي ع الشعر الحلووووووو

 

[الشامخه دائما]

عووووووووورتي قلبي واااااااااااو تهبل القصيد و حيل حيل معبره
تسلمين يالغلا

 

[غير كل الناس]

تعور القلب

 

[كويتيه ذربه]

صج صج عوار قلب

 

[daloo3ah]

روووووووووووووعه يسلمو

 

[نملة حوله]

موطبيعي
كش شعر ينبي

 

[Goldfish]

............................. الله يصبرها...............................