شعورج اول ما توصل الخدامة اليديدة !!

[( مي )]

قوة بنات















بنات شنو شعوركم اول ماتييلج الخدامة اليديدة ؟
مستانسة ولا خايفة ولا توسوسين ؟

سواء مسترجعة ولا يديدة


واذا مسترجعة شلون تعرفون ليش ردوهم ؟؟ لان احس مستحيل اعرف الصج​

 

[Love \ Hate]

هلا والله حبيبتي ..

انا شعوري ويييييييييع مأساة اول ماتوصل الخدامه اليديده وتحوشني قمته

بس اكتشفت شي !! لو فيه خير ؟؟ ماعافه الطير !!

انا صارلي شهر خدامتي رايحه وطالبه غيرها وماوصلت المكتب وهقني شهرين وخذيت وحده مسترجعه نقيت لها 750 دينار فلبينيه وخذيتها ويوم سالت ؟؟ قالولي انها مريضه ومعزبينها ما ودوها

الطبيب !! وتوكلت على الله وخذيتها .. لاني كنت حامل ومحتده ..

مااقولج مو زينه ؟؟ بس بااااااااااااااااارده تلوع الجبد !! ودي اكفخها وغبيه اقولها شي تسوي شي ثاني !!

بس بلعتها وساكته من وين كل يوم انق 750 دينار !!!!!!

وهم بيني وبينج المساله حظ لي انه امي يابت مسترجعه من فتره وطلعت زينه

 

[اوتار الحياه]

انا اول ما وصلت خدامتى استاااانست لانى من حملت ممنوعه من اى حركه بسبب حملى الضعيف

بس لما شفتها ماتعرف شى وقعدت اعلم فيها وانا مافينى حيل احس انى مااااااااااااااااااالى خلق وودى اشتغل بنفسى احسن بس الحمدلله بصبر عليها لين تتعلم

 

[malekatsabaa]

اهلين

انا اول ما تييني الخدامه اكون شايله هم على قلبي..واقعدلها لما اتاكد انها نظيفه ولا ...
اما المسترجعه ..فاخاف اكثر ...الله لا يحوجنا لهم

اللهم تعطينا من احسن واحن الخدم من جميع جنسياتهم..يارب

 

[Ms. luxury]

آمين يارب..
أنا طبعا أحس بتخوف وأترقب حركاتها نظراتها ..عشان أعرف هي من النوع اللي تحط عينها عالرياييل ..أو من النوع القاسي مع اليهال ومن تحت لي تحت ..يعني كلش ماأمن عليها وماأرخي معاها أول ماتوصل ...ومشكووووورة عالموضوع الحلو

 

[أربيعينية]

مره من المرات قعدت شهر بدون خدامة
دوام وعيال ومدارس وتعرفون بعد الحاله
فأول ما جيت الخدامة ودشت البيت الصراحه حسيت اني . . . . .
ابي ألمها وأبوسها خخخخخ
والله ما أجذب بس مسكت نفسي
بس الحمد الله طلعت خوش خدامه وتوفقت فيها مع انها مسترجعه

 

[عيالي غناتي]

انا قبل خمس شهور جبت لي خدامه مسترجعه سألت المكتب ليش مسترجعه قالت لي اللي تشتغل بالمكتب
1 _ الفلبينيه اللي كانت معاها بالبيت مأذيتها وتاخذ معاشها

ولما وصلت البيت سألتها ليش رحتي المكتب قالت

2_ ماما واجد زين بس ماما مال بابا مايحبي انا وودوني المكتب يعني << الخاله ام الزوج مااتبيها في بيتها

بعد خمس شهور يعني الحين قالت لي

3_ بابا مو زين يدخل علي الغرفه بالليل ااذا ماما نامت ونحشت ورحت المكتب !!!



ومن عقبها وانا متخوووفه منها

 

[^^ مس كيوت ^^]

انا توني متزوجه.. فا مو انا الي طالبه الخدامه حمولتي اهما الي طالبينها لي.. طلبولي اخيس جنسيه الي اهيا الفلبينيه وخصوصا اني ماحب الفلبينيات لان يا كثررهم الي في بيت اهلي اجكهم دايما مع شباب يا مندعسين بالسرداب يا بغرفة السايق يا بالحمام الخارجي الله يكرمكم بالعربي قطاوه ما يركدون وحقودااات...وحدي ما ارتحت اول ما وصلتني هالفلبينيه خصوصا انها حقوده وانا مالي خبره بالخدم توني عروس فا كرهت نظراتها وبس تدعس بهالتلفون داخل دارها وماتنظف وتعصب اذا قلتلها ليش ما نظفتي ..وقومي اذا انا بونس ريلي وبطبخله قومي حرقي الاكل مثلا اخلي الجوله نارها واطيه تقوم تعليها..اقوم اسويله هالمرقة الباميه وصبي فووق المرق ماي خربيه..احط شي بالفرن تقوم تحرقه..يعني حدي تعبت معاها ولي كلمتها تبجي تقول انتي ما تحبيني وانتي تكرهيني:| وتذكرلي مواقف انصدم صج منها..تقولي ليش اول ما وصلتج تشوفيني جذي..وليش لما ادش دارج تدخلين معاي الغرفه على بالج انا حراميه؟؟:|<<<لا كلش مو حراميه بس عادي تاخذين الي بخاطرج فيه ونقولج وينه تقولين مادري

 

[الدلال]

انا احس نفسي مقمووته واحاتي تطلع زينه ولا لا

خصوصا انج تنطرينها شهور علشان توصل

وما ارتاح الااذا علمتها شغل بيتي

واشوفها شلون نفسيتها مع عيالي

خصوصا عندي ولدي العود الله يحفظه عمره 10 سنوات بس يداحر بالخدم وما يحبهم يقربون من اغراضه

 

[( مي )]

مشكورين بنات

اي والله شعور باااااااااااايخ ،، وانا فيني وسواس كثر ما اسمع عن سوالف السحور والخرابيط
ويقولون الخدم حظوظ وانا عمري ماصارلي حظ مع خدامة :0bee2e8d89: مع اني اعاملهم احسن معاملة
على قولة رفيجاتي اللي تشتغل عندج تعيش ملكة
بس ياربي حظي ردي معاهم ما ادري ليش !!​

 

[كويتية هيبه]

لا والله امووووت من الوناسه اما اذا كانت مسترجعه وييييع ابجي بجي

 

[برونزية رشيقة]

أنا أقولج أول كنت أستانس عالخدامة اليديدة .. وسوالف وضحك وغشمرة ..


وهاه البيت أللي أول جم قعدتي عندهم ؟؟؟ بابا زين ؟ ماما زين ؟؟؟؟؟








ومن عقب قرصاتي منهم ..




النظام اليديد ألحين مع الخدامة اليديدة : هو كالتالي :




أصير محقق في إدارة التحقيقات ..

الابتسامة ما تشوفها ألا عقب شهرين ..

كلب بوليسي أشمشم .. وأحوس .. وأشيك كلشي ..





وبعد مرور 4 شهور ألى 6 شهور .. تشوووووووووووووووووووووف حقيقتي الطيبة .. القلب الأبيض ..


بنات أنا صرت جذي عقب ما سوولي سوالف قبل ..


والطريقة هذي ارتحت منها ..


شدو عاليديدة أول ما تيي .. وعقب خفو عليها .



وشكرااااا

 

[احلى عروس2009]

انا مقدمه على فليبينه وناطره الله يستر

 

[العاطفية]

والله انا اول ماتزوجت طلبت سيلانية يت عقب3شهور تخيلو سفيرة مو خدامة وفرحت فيها وعاملتها زين والله ماخلت سيئة ماسوتها معاي لدرجة بيتي انترس دوود وحشرات من وصاختها ولسانها طويل و24ساعه تطبخ حق نفسها والله الماجله ماتقعد زوجي استخف منها فلوسنا خلصت عليها وتخيلو فوق كل هذا انحااااااااااااااااشت وانا بالنفاس قمة الحقارة ها؟وسألوها بالسفاره ليش منحاشه تقول اهما يسافرون ويخلوني ابيت ماما كبير يعني امي
الحبيبه تبي اسفرها معاي هذا وانا ماسافرت الا مره اسبوع واحد لا لا ذكرتوني فيها دمعت عيني من القهر صج بدعت فيني هذيج--عقبها تعذبت من الشغل وانا بالنفاس طلبت نيباليه طلعت عليها مشكله شهر كامل ننطرها المكتب كل يوم يقول باجر توصل يجذب اخر شي رحت يبتلي فلبينية مسترجعه والاخت تبي65 مو 60 بس لما شافت شقتي غرفتين رضت ب 60 اوكي نظيفة بس الجذب عند ويهج المدام مو زينة والسير زين حتى شرالي نقال وكله يقول ختولي المدام يعني مطيحه مع السير لوول عقب ما دفعت فلوسها650 جان تقول انا مابي ابي اسافر عطيتها كلمتين بالعظم وطلبت غيرها خليتها لين توصل اليديده صج عذاااااااااااااااااااااااااااااب يابخت هالخدم معززين مكرمين مدلعين وهم يتشرطون وااااااااااااااااااااااااويلتااااااااااااااه سوري قصيت قصة حياتي بس صج من حر مافيني بس من تجربتي الخدامة يبيلها عين حمرا ولا تضحكين معاها كلش مع اني مع الثنتين جذي بس مافاد وياهم (اذا انت اكرمت الكريم ملكته واذا انت اكرمت اللئيم تمردا)

​

 

[قرص عقيلي]

انا اللي عندي نتسافر عقب 5 شهور والله من الحين احاتي

 

[^kloOot^]

اكيد احاتي واشوف شغلها




هذه حالتنا بس عموما يبلهم صبر جم شهر وطووووووووووووووووولت بال بصراحه وهم شر لا بد منه

 

[أغلى الناس]

واااي اكبر ازمه اعيشها الخدامه اللي عندي بتخلص مدتها وطلبت خدامه اول ماشافت بيتي اليديد(توه طالعلي بيت بسعد العبدالله)سوت لها هوشه مع خدامتي اللي بتروح ووديتها المكتب على طلبها
وطلبت غيرها بعد 25 يوم نطره قالولي ماتبي تيي عندها ظروف ببلدها واضطر اخذ من الرميح خدامه سيلانيه 550 دينار تخيلو لان رمضان وتدرون كل الناس محتده تبي اي خدامه وباي سعر
بس جنها زينه بس احاتي لما تروح خدامتي القديمه شبيصير خصوصا ولدي المفروض بيروح الروضه لكن الحين راح يقعد بروحه معاها واخوانه كلهم بيروحون المدرسه
الله يعييين

 

[ام خالد33]

:0bee2e8d89::0bee2e8d89:

أنا أقولج أول كنت أستانس عالخدامة اليديدة .. وسوالف وضحك وغشمرة ..


وهاه البيت أللي أول جم قعدتي عندهم ؟؟؟ بابا زين ؟ ماما زين ؟؟؟؟؟








ومن عقب قرصاتي منهم ..




النظام اليديد ألحين مع الخدامة اليديدة : هو كالتالي :




أصير محقق في إدارة التحقيقات ..

الابتسامة ما تشوفها ألا عقب شهرين ..

كلب بوليسي أشمشم .. وأحوس .. وأشيك كلشي ..





وبعد مرور 4 شهور ألى 6 شهور .. تشوووووووووووووووووووووف حقيقتي الطيبة .. القلب الأبيض ..


بنات أنا صرت جذي عقب ما سوولي سوالف قبل ..


والطريقة هذي ارتحت منها ..


شدو عاليديدة أول ما تيي .. وعقب خفو عليها .



وشكرااااا

:0bee2e8d89:والله ضحكتيني نفس حالتي ههههههههههههههههههههههه