شغالتنا ولاكل! !!!مالحل? ??

[خلود القصيميه]

السلام عليكم ورحمة الله وبركاته
بنات الموضوع باختصار مابي اطول عليكم
شغالتنا اندونيسيه افه او بمعنى اصح راإاإاإامه كبرى
والله يابنات انا شايفه الموضوع من زمان وساكته اقول حرام ضعيفه
بس زاد الموضوع تخيلو يابنات صوص السلطات انواع والاجبان و الكتشب والمايونيز وغيره كثير اجيب العائلي مو احجام صغيره وحنا عايله صغيره بسرعه تختفي وتخلص
لدرجه من زود الافه تشرب كريمة الخفق كانها مويا
ألموهيييييم
قبل ماكتب الموضوع لقيته حاطه لبوي و امي ع الفطور ارخص انواع الجبن
رحت سألتها وين الجبن السايل وين الكيري وين
قالت خلص مافيه شي رحت من وراها ادور ولقيتها مخبيتهم بدروج المطبخ لها
اخخخخخخخخ احس بالقهر بنات وش اسوي معها امي تقول لاتكلمينها ألا الاكل ياخلود اعتبريه صدقه

بليز لا تجين وحده.وتقولي وراك بخيله
انا ماني بخيله بس الموضوع زاد عن.حده

 

[dlol]

حطيلكم ثلاجه صغيره بدارج وحطي فيها الاكل او اقفلي عنها الثلاجه واشتريلها شوية اكل تاكله خل تتعود

 

[كويتية33]

خليها دامها شايلك عندك البيت لاتروح وتبتلشين بالبيت وبمصاريف خدامه ثانيه ويعالم شنو تكون

وفطور اهلك حطيه انتى - وقولى لها انك كاشفتها وانها مرة ثانيه لاتخبي الجبن لانه مابيخلص

 

[PuPa^^SWeeT]

اقترح عليج اقتراح

لما تشترين مجلة البيت

اشتري قسمين

قسم لكم انتو و قسم لها اهيي
و قوليلها هذا لج انتي مو تاخذين من اغراضنا

اشتريلها كل شي و حطيه بصندوقين بالثلاجة


و قوليلها اذا خلص اييبلج

خليها اتخاف انه شغلها بروحها

 

[هجووورة]

شوفي يالغاليه من تجربه
1- مالكم حل الا ثلاجة منفردة لكم تحطون فيها اكلكم وشغلاتكم وتكون في مكان تستحي تروحله اذا ما عندكم امكانيه حطوا قفل
2- ابلعي الموضوع يعني لا تقولين انا كاشفتج ولا شي بس غيري طريقة تخزين اكلكم
3- عطيها بيدها اكل خاص فيها اذا شريتي المقاضي قولي هذا لك وبس
4- انت هالحين محتاجينها سوي نفسك عادي وملاحظتي شي بس هالنوعيه اما بثلاجة جديده او تقفلين الثلاجة بحيث ما تقدر تفكها مو اي قفل وانت لا تقصرين عليها
واذا قالت وين الشي الفلاني وما عندنا الشي الفلاني قولي مقدر اجيبه لان ماعندي فلوس وبعدين موكويس
اياك تخانقينها على الاكل ترا تبي تحقد

 

[ريــــتال]

الله يعينج صراحه وعلى قولت امج اعتبريها صدقه

 

[التائبه لخالقها]

انا نفس مشكلتج بس الفرق ان خدامتي مسرفه في طباخها يكني تكثر كل شي ولاتعرف ترجع الباقي من الاكل

بالثلاجه لدرجة اني شكيت انها تعطي شخص تعرفه من الشارع وانا بالدوام وراقبتها بس ماشفت شي عليها

انتي راقبي خدامتكم يمكن لها صديق او صديقه تعطيه الأكل

وبعضهم يبيعونه

 

[دغبووجه]

نفس خدامتي ذبحتني تاكل حق عشر انفار وعصقوووووله

افكر اسوي لها تحليل يمكن فيها دود اخاف باجر الاقيها ماكله بناتي لووووووووووووووووووول

 

[هيبة ملك]

كلهم جذيه

سوي نفسنا عندنا ثلاجتين الأول فوق مقفلة فيها كل شئ

واللي بالمطبخ فيها شغلات عادية وحاطين لها خبز وجبن لها كيفها قيه

قلنا لها هذا لأخر الشهر لج

شنسوي راامة مع انه مافي البيت إلا أنا وأمي

 

[ديانا سبنسر]

اي والله الاندونيسية افة وتخشش الاكل

 

[miss mama]

طبع الاندنوسيات وصخ وكبهم نفس الشي مافيهم حل يموتوووووون بلاكل. كلش ولا الاكل لاتناشبينهم فيه سيده سولح سحر مايتغشمرون ههههههههه

 

[كل شيء عادي]

الحل هو إنك تشترين لها ثلاجه صغيييره تكون في غرفتها
وإذا رحتوا الجمعيه عطيها مبلغ معيا وخليها تشتري الأكل إلي بخاطرها

 

[ام قماري]

الله يعينكم عليها مصيبه

 

[randomy]

الله يصبرج

اسكتي عنها

الناس عندها ازمة خدم يقولون خفت الطلبات في الخليج

لاتطفشينها

 

[bnt_kwt]

اكثر الخدم جذي ياكلون جنهم اذا ما كلوا وايد ماراح يحصلون اكل غيره

احنا خدامه امي تاكل الايدام خالي
لحم دياي سمج كل شي خالي بدون عيش بدون خبز
وكميات كبيره

 

[يازمان العجايب]

عندنا وعندج خير انا اتخرع اشك بطنها فيه دود اتحط كريمة كي دي دي بصحن اتغمس فيه توست وصلصه الجوانح اتغمسها والكاتشب اه من الكاتشب مع المايونيز لو بكيفها جان تسبحت فيه وكل شي في بالج والله رحت بشوف دارها لازم بين وقت وثاني اشوف الدار ماافتش بس عشان التنظيف والله العظيم لقيت جياس الكيك والكرواسان والعصير وري الكبت
​

 

[ام متلق]

انا عادي عندي لو تاكلني انا بكبري بس المهم تقعد ونشتغل عدل وبضمير الاكل مايهمني كلش ولا احسبله حساب عليها بالعافيه

 

[miss_Ba6oOo6a]

وي خل تاكل وجيليها اكلها بروحها خل تاخذ الي تبي عشان تكون عينها متروسه شوي كل الخدم جذي
بقعد ادقق شياكلون اوادم مثلنا اهم
وشنو قفل وييع شنوو فقرة اكل اهي خليها اتيي الجمعيه معاج ولا تكتب شنو تبي واخذي لها وخلصنا المهم تشتغل

 

[بخـــارى]

فبيت اهلي عندهم فلبينيه جذي
انا عندي اندونيسيه غير الاندومي والعيش ومرات دياي مااشوفها تاكل اكلها قليل مع انه مانمنعها من شي

 

[farawlaa1]

لا تقولين خليها و عليها بالعافيه لا تراقبينها.. عليها بالعافيه ما اختلفنا اذا تاكدتي انها اللي تاكل ياما طحت على خدم تخشش الحلو والطباخ واللحم و الدياي و تعطيه ربعها السواق و البوي فرند انا وحده ما اصدق ان في احد ياكل هالكثر وما يبين عليه.. شوف عيني الفاكهه والأيدام و الكيك تسلمه ايد بايد تالي الليل حق سايق الجيران اهي تظبطه بالاكل و هو يظبطها مكالمات و يجيبلها اللي تبيه من برة.. هاذا غير خدامة رفيجتي تشتري بالجمله و يخلص لا اهي ولا عيالها يظوقون يوم طاحت على خدامتها تطق اليهال فتشتها قبل ما توديها المكتب لقت هالبسكوت و النوتيلا و الشامبوهات كله مشحون بجناط مع الخدامه .. ديري بالج قسمي الماجله و ارتاحي.. ما احللها اذا تاخذ اكل عيالي و تعطيه هالزباله اللي بالشارع عشان مصلحتها تمشي