شغله بسيطه ؟؟؟؟؟؟

[دلع روز]

السلام عليكم ورحمة الله وبركاته
بنات شخباركم
مشكلتي انا توني ساكنه بيت يديد وكل شي اوكي بس فيه شغله من يوم سكنت معقدتني وهي المرحاض وانتو بكرامه لونه مو اوكي مع اني انظفه كل يوم وجبت شركه نظفت كل شي بس هذا عجزت عنه ابي وحده سنعه تفيدني والله تعقدت بيتي الحمدلله يلق نظافه بس هالشغله معقدتني مابي احد يجيني ويفكر اني ماانظفه او مقصره في نظافة بيتي ابي حل سريع بلييييييييييييييييييييييييييز
ودمتم بود

 

[ساعة رملية]

السلام عليكم

منزل مبارك ان شاء الله


جربي الفلاش، اسمه "فلاش" بالعربي لونه شفاف وريحته قوية وايد بس ينظف زين

طريقة امي انها تكته بالمرحاض اعزكم الله وتخليه يوم كامل وليله وطبعا محد يدخل الحمام يومها! امي ما تفركه

طريقة بيت عمي يغسلون فيه الارضيات يخلونه شوي بالارض وبعدين يفركونه نظافة ويوخر السواد شي عجيب

تحذيييييييييير

ترى ريحته قوية ويحرق

يعني اذا انتي راعية ربو خلي غيرج يسويه او لبسي كمام

لازم دس وكمام واذا فكرتي تحطينه بالارض لازم البوت العازل وديري بالج يحوش العين او حتي يقرب منها

واذا الخدامة بتسويه اوقفي على راسها لا يصير فيها شي وتستاثمين

جربي واذا استفدتي عفية حطي موضوع " نظفت حمامي بالفلاش" علشان البنات يستفيدون

وموفقه يالغالية

دعواتج

 

[sara3]

صبى فية علبتين كولا وخلية طول الليل وبعدين نظفية

 

[^~^بنت البولندية ^~^]

الببسي عجييييب اخليه يتلامع جربيه




&سلملم&
^~^بنت البولندية^~^

 

[MoonDiamond]

نصيحتي لج الفلاش يوم بليله بس الحذر منه لانه يخنق انا لما اجيبه البيت استعمله بنفسي وانظف عقبه بنفسي ما اخليه بايد الخدامه لانه خطر واخاف يصير فيها شي تصير بذمتي - اهوا وايد يحرق الجلد والعيون واستخدميه والباب والشفاط مفتوحين تالي لا طلعتي سكريهم وبعدها بيكربونات الصودا عشان الريحه القويه ومسحي الطوفه والحوض والبانيو والمغسله وتالي كلونيا ابو بنت ولا اروع منها للريحه وبعدها حطي فواحه واي زيت عطري تحبينه وشوية ورد مجفف هني وهناك وشوية فازات فيها ماي ملون وصخور وتيل وووووووو والباجي عليج واسفه عالاطاله
ادعوا لي الله يخليلي ريلي ويحفظلي بنتي

 

[دلع روز]

ساعه رمليه تسلمين حبيبتي ماتقصرين الله يجعلها بميزان حسناتج وان شاءالله بجربها واذا زبطت بنزل موضوع لعيونج

 

[دلع روز]

ساره مشكوره غريبه شغلة الكولا اول مره اسمع فيها بالتنظيف بجربها ويا الفلاش واشوف

 

[دلع روز]

بنت البولنديه تسلمين حبيبتي ماتقصرين

 

[دلع روز]

نانا يسلمو قلبي طريقتج وايد حلوه واشكرج على ردج والله يحفظلج بنيتج وريلج ويوفقكم وين ماتروحون

 

[ياعشيري جعلك السلال]

جربي هاربك مع مبيض لونه العلبه بيضا

 

[الجوريه الحمراء]

انا استخدم الفلاش رهيييييييييب يخلي الوسخ نظيف

 

[دلع روز]

ياعشيري مشكوره على مرورج حبيبتي وان شاءالله بجربه

 

[دلع روز]

الجوريه ايه اكيد بجربه كثير نصحوني فيه
مو مخليه طريقه من طرقكم الا بجربها لحد ماشوفه يلق ويسلمووووووووووووو

 

[كرستال 2008]

للرفع