شــد البـطــن بعـد القيصـريه

[روضة الصالحين]

بسـم الله الرحمـن الرحيــــــــــــم

أخواتـي لـو وحـده والــده قيصــري تقـدر تلبـس مشـد أو تـربط بطنهـا بعـد الولاده مباشـرة والا تنتظـر ؟؟

وكـم المـده بعـد الولاده عشـان تلبسـه ؟ وهل يأثـر على العمليـه او يفتحهـا ؟؟؟

ياليـت اللي عنـدها خبـرة تفيـدنا .

:e3:

 

[^noonaa^]

انا اقول على حسب الجسم

يعني انا ولدت قيصري وبعد اسبوعين لبست الكورسيه وحسيت عوار مكان جرحي ونطرت لي شهر ولبسته وهمن حسيت بعوار

وفي بنات ماشاءالله عليهم عادي من 20 يوم يلبسونه

انتي سألي دكتورتج واهي اتفيدج

 

[eman84]

انا لبسته يمكن عقب 3 شهور لان اكيد يأثر الجرح مو هين شاقين البطن وتيين تلبسين مشد والا كورسيه صعبه

 

[ليدي بجد]

رد : شــد البـطــن بعـد القيصـريه

انا قيصري..مرتين اختي...وما ربطت كنت اخاف اضغط على العملية بعدين صراحه الم العملية وتعبها ما خلاني احط فكرة الرط براسي.مع اني سالت الدكتور وقالي..عادي اتخدمي المشد الطبي من الصيدلية
بصراحه انصحك تسالين الدكتور وبعد حتى تسالينه عن نوع المشد؟..والله يسهل عليك وتقومين باالسلامه حبيبتي

 

[روضة الصالحين]

رد : شــد البـطــن بعـد القيصـريه

ماتشجعووووووووون كلـــــــــــــــــــش

ياليت نشوف تجاارب البناااااات بعـد ...

 

[روضة الصالحين]

رد : شــد البـطــن بعـد القيصـريه

شكرا لكل من رد يارب ويرزقكم الذريـه الصالحـه ويهون عليكم ..
يارب ارزق (ليدي بجد) تؤام اولاد سالميـن معافيـن واجعلهم هاديين مهديين بقدرتك ورحمتك يارب وفرح قلبها وقلبي وجميع المسلمات ياكريم .

 

[غد أجمل]

رد : شــد البـطــن بعـد القيصـريه



يالغالية أنا بعد عندي نفس السؤال و استشرت رفيجتي توها والدة قيصرية
قالت لي إنها بعد اسبوعين من الولادة لبست كورسيه شاريته من تريمف يصير قطعة وحدة من تحت الصدر إلى أندر وير
و اتقول ما شاء الله شد بطنها حتى الدكتورة قالت لها شنو سويتي بطنج ما شاء الله شاد
فرحت امس و شريته و بلبسه مع إني الحين بكمل الشهر بس يا ربي يفيدني
و اذا تبين تفاصيل أكثر سعره 14 و 750 و فيه ستراسة ذهبية و فضية على جنب تحت
و توكلي على رب العالمين إنه يعينج و الكورسيه بس سبب و بالسلامة يالغالية

 

[غد أجمل]

رد : شــد البـطــن بعـد القيصـريه

حبيبتي جربتي اتييبين ردادة ؟
قاعدة أفكر من فترة اني اييب ردادة و توه قريت ردود البنات عن مركز د.مساعد السعيد شكلي تشجعت وودي اروح لهم

 

[بحر الذكريات]

غد اجمل انا صارلي 10 شهور والده قيصري يصير البسه الحين هالمشد اللي قلتي عنه ويشد البطن والا خلاص ماراح ينفع؟

 

[غد أجمل]

رد : شــد البـطــن بعـد القيصـريه


هلا بحر الذكريات ياليت و الله أقدر افيدج بهالشي
بس ما عندي خبرة سئلي دكتورتج و تدرين لو آنا مكانج أشد حيلي بالرياضة لأن انتي عديتي الفترة الخطرة
اللي اهي اول 6 اشهر بعد العملية
و عسى ربي يكتب لج كل خير

 

[بحر الذكريات]

اللهم اااامين الله يجزاج كل خير غدا اجمل

 

[روضة الصالحين]

رد : شــد البـطــن بعـد القيصـريه

غدا اجمل ياعمري عطيني رابط موضوع الرداده اللي عند مركز الدكتور مساعد واكتبي رقمهم حبيبتي لو ماعليج امر ؟ ومنو الرداداه الزينه عندهم؟

 

[قنــــــــــوت]

رد : شــد البـطــن بعـد القيصـريه

اللي يقول المشد خطر على القيصريه ..اسمحولي ..هذا كلام ماله اي دليل وغير صحيح ...

الوالده بعمليه قيصريه بامكانها تلبس الكورسيه الكامل من تحت الصدر الى الركبه ..
وهالشي راح يساعدها انها ترجع مثل ما كانت ..والبطن ما يترهل ...
اذا تركتي نفسج جذي بعد العمليه .... راح تترهل بطنج بشكل سريع وما راح تقدرين تردين مثل ما كنتي قبل الحمل ...

نصيحه ... البسي الكورسيه او المشد الأصلي بعد اسبوع بالضبط من العمليه ..يعني بمجرد ما يشيلون الغرز او الكبسات من العمليه ..خلاص انتي البسي الكورسيه على طول ...
وخلج مداومه على لبسه لنهايه الاربعين ... وحتى بعدها ...

نصيحه عن تجربه شخصيه ....

والله الموفق