شــــــــــــــــراح يـــكون موقـفـج إذا انســـألتي هالــــسؤال .!!!

[F.a.r.a.7]

قبل لا نبدي ..
اول شي حطي ابالج وحده مرت عليج الله يستر عليها "رايحه فيها"
كانت او مازالت معاج ( ايام المدرسه ، بالكليه ، الدوام ...الخ)


بعدين تخيلي

يتلج وحده قالتلج فلانه اتعرفينها .!
قلتي إي .!


وسألتج شرايج فيها .؟ لاني ناويه اخطبها (لأخوي ،خالي ،عمي...الخ)

هالبنيه معروف عنها راعية سوابق والله بالخير .!
اهني شلون بيكون موقفج .؟!

لاتنسون التصويت فوق ، وإذا وحده مر عليها الموقف قوليلنا شرديتي عليهم


افحمونا بردودكم ​

 

[منو انت]

اول شي مامريت بجذي موقف لكن لو صار يعتمد على اذا هالشي ماضي او حاضر يعني البنت كانت مو زينه وتابت وربي هداها ممكن اقول ماادري وحبوبه يعني احاول اذكر المزايا اللي فيها اذا اعرف لها مزايا لكن والله اذا البنت كانت ومستمره بالخرابيط بقول مااعرفها عدل مااختلط معاها او اقول ماتعجبني دمها ثقيل يعني مااجاوب عدل مااحط شي بذمتي لكن مستحيييييييييييييل اتكلم واقول انها مو زينه او شي من هالكلام بعد الستر زين

 

[كويتية و لكن]

اكيد راح انزعج وراح اتضايق لاني ما احب انحط بهالموقف لكن ؟؟؟؟؟؟؟؟؟؟ راح اقول سالي عنها احسن وتاكدي وانشالله تفهم لان صعب علي اوهق انسانه اعزها بوحدة كذة والله حليم ستار

 

[Nicki Minaj]

قل خيرآ أو أصمت ...

يمكن الله يهدها بعد الزوآج تشوف الحيآة تغيرت ومسؤوليات يديده كبيره
وصارت ربة بيت ؟!

يمكن تتعدل وتصير خوش وحده ليش أوقف بين اثنين بيجتمعون بالحلال ؟

مآ تدرين كل شي بقسمه ونصيب

 

[نفهمها صح]

امممممممممممممممممم
اذا تابت والله هداها
وغلطه وحده
واخلاق البنت اااوكي من جميع النواحي ومسمعة عنها شي ومشفت ممكن اقوول علاقتي فيهم سطحيه هذا اذا موو قريب اما قريب مني اقوول له لا
بتقلوون ليه سمعت سوالف كثيره عن بنات تابوو بعد زواج2او3او4 سنين ردوو علي سوالفهم وخربيطهم
لكن مافضل ..لانه ماضيها راح يلاحق عيالها خاصه بمجتمع صغيير الكل يعرف بعض

 

[بالحـيل مخـتلفة]

ادا كانت اللي سالتني قريبه مني وتهمني مصلحتهم فراح اقولها ماتصلح لكم البنت
الله يستر عليها واما ادا كانت اللي سالتني ماتهمني مجرد معرفه فراح اقول مدري
والله يستر علينا يارب

 

[متواضعة]

سوال صعب الصراحه

احتمال اقول مادري معرفتي معاها سطحيه وبس

 

[شهوده أحلاهم]

أقول اليها ماتنسابكم أبدا

أني أعرفها وأعرفكم بس وخلاص وعاد أيها ع كيفها تفهمها أولا لأني مستحيل أتكلم في أعراض الناس حتى لو كنت متأكد

 

[ياقوته (^_^)]

موضوعك هذا وايد حلو ويستحق المشاركه ... اولا وقبل كل شي البنت ما صاعت الا ودور لها عن شريك الحيات، وبعدين لا تنسون انه ما جوز عند الله قطع النصيب حتى لو ما عطيتي جواب .

وانا وايد اعرف بنات صايعين لما الله كتب لهم النصيب اعقلوا بدرجة 180

وسلامتج .....

 

[ابـيـض واسـود]

صعبه لان حرام اقطع رزق البنيه وحرام نخدع الي جايين يخطبونهاا

 

[بنت الكويت90]

واااااااااااااااي موقف صعب لان الزواااااااااج مو سهل ويمكن يصير طلاق واكون انا السبه لاني لو بجذب واقول زينه؟


مادري راح اقولها ماعرفها حيييييييييييل بس سلام من بعييد روحي انتي سالي وتاكدي احسنلج انا ماقدر افيدج!



يسلمو

 

[Beauty is Me]

اذا انا شايفه بعيوني خرابيطها راح اقول البنت ما تصلح كلمه الحق ما تزعل

 

[كلي أنوثة]

ماراح اقول عنها شي مو زين..يمكن تكون ندمت على سوابقها و تابت..و كل انسان فيه الخير و فيه الشر راح اذكر محاسنها طبعا..
الا اذا فوق خرابها شريرة و ماتنبغى راح اسكت..خوش موضوع مشكورة

 

[الغلا كله لبوي]

انا راح اقول لوني مكانج ماراح اخطبها لخوي وبس

ليش اكذب عليها واقول علاقتي فيها سطحيه

الرسول عليه الصلاه والسلام يقول ( المستشار مؤتمن)

 

[إستبرق*]

اقولها ماعرفها حيل مجرد سلام

 

[شوشو الشقيه]

يسلمو اختي
بصراحه بقول لا اعرفها
لاني لا اوقف نصيب احد
وليس طبعي اتكلم عن صديقاتي بالسوء حتى لو كانوا هم سيئات
العشرة الي كانت بيننا ما تخليني
قلبي لا يطاوعني

حتى لو قالت لي هذا صديقتج قولي رايج عنهااااا
بقول لها في وجها
انا من حبي لها لن بقول عنها الا كل شيء زين
فاسئلي احد غيري

 

[*لبيه*]

والله ما صارت وان شاء الله مايصير فيني هالموقف حيل صعب : (

بس بحاول اقول ما عرفها .. واذا تدري اني اعرفها عشان ماا طلع جذابه عندها ..

والله بقولها الصج لان بذمتي هالشي ...~

وشكراا

 

[miss_jamsheer]

امممم انحطيت بس انجبرت اني اجاوب مو لانه اخوي بس مابي اظلم احد للامانه ماتكلمت عن البنت بس قلت الله يستر عليها ماتصلحلك وخر عنها لانه ادري البنت شنو ومابي اخوي ولا احد غيره ينحط بهالموقف صج لازم نستر علي عباده بس الحق حق

 

[بولندية]

اقولها مادري ماعرفها عدل سألي غيري

 

[انسه انيقه]

لا عادي اقولها مو معاها حيل تقدرين تسالين عنها البنات وهي ونصيبها عاد ماتسوى علي باجر تصير بذمتي وبجذي مااكون طعنت بسمعه البنت ​