شـــــــنــــــــو شـــــــريتي من معـــــــــــ الكتاب ــــــــــرض 2008 بالصور ؟

[I am red]

السلام عليكم بنات
هذا الموضوع مبين من عنوانه
مو جديد ويشابه موضوع شنو شريتي اليوم او شنو كليتي اليوم ؟؟

بس هالموضوع مختص بمعرض الكتاب ولاحظت ان البنات حاطين موضوع عن الكتب اللي بيشترونها فقلت ليش ما نحط صور الكتب علشان الكل يستفيد


اتمنى القى تفاعل مع الموضوع​

 

[زلابيا]

موضوعج حلو وانشاءالله نشوف تفاعل

وناخذ فكره قبل ما نروح ..

يعطيج العافيه ..

 

[كويتيه مذهله 87]

حبيبتي والله توني ادري ان فاتحين معرض

:RoadRunner::RoadRunner::RoadRunner: طيران الحين بس اليوم زحمه باجر ان شالله

 

[ماريوتا]

متى فتح المعرض ؟؟

توني ادري عنه ..

يلا انشالله اذا شريت شي بحطه .. خل اروح اقول لامي تحبه لووول

وناطرين مشتريات البنااات عشان ناخذ فكره

 

[I am red]

هلا زلابيا مشكورة حبيبتي مرورج احلا

اي بنات المعرض كان افتتاحه يوم 19-11

كويتية مذهله يله بانتظار صور كتبج

ماريوتا يله بسرعة قولي لامج خل تلحق عليه

 

[qa6wa_q8]

ايي والله بنات يااريت تحطون اقوى الكتب الي تستاهل تنشرى

 

[أفرض هيبتي]

اليوم قاعده اسولف حق اختي عنه بروح له هالايام ان شالله

 

[I am red]

هلا قطوة الظاهر البنات ما راحو ليما الحين او ما شافوا الموضوع

يله افرض هيبتي روحي خل نشوف شنو شريتي انا باجر السبت ناوية اروح

 

[qa6wa_q8]

الظااهر شكلي بنطرج انتي شنو تشتريين بااجر وتقرييرج عن المعرض لوووووووووووووول

 

[دلوعة روحي]

يعطيج العافية خوش موضوع

يالله ناطرين الكتب

 

[توتة...مقرومة]

بنات اهوو كل الصالات معرض عرض كتب ولا فييه صالات اشياء ثانيه نفس كل سنه؟

 

[I am red]

خلاص افا عليكم انا اليوم اروح اسوي التقرير وانتوا هله هله بالكتب السنعه ما وصيكم

هلا توته امممم والله ما ادري اليوم اقولج لما اروح انا لحين ماسية توصون على شي

 

[I am red]

دلوعة رحي حياج الله حبيبتي

 

[music_teacher88]

متى يخلص المعرض احـــــبه يعطيج العافيه على انج نبهتينا

 

[I am red]

العفو حبيبتي ما سويت شي مشكورة على مرورج

 

[شجووون]

اي قاعه المعرض ؟؟

ولي متى ؟؟

 

[Pink GirL]

خوش موضوع

ان شاء الله هاليومين ناوية اروح

 

[Anastasia]

لي عودة

 

[Anastasia]

حرررة كتبت رد شطولة شعرضة .. اففف
.
باك ..
بقولكم اول شي عن المعرض ..
انا رحتله اوول يوم حتن قبل لايفتحون البوابة لوول ..
فتح يوم 19/11 ويخلص 29/11 باذن الله .. صالة رقم 4و5و6 .. معرض الكتاب الثالث والثلاثون ..
كانت دار دايموند متميزة كالعادة بكتبها وبديكوراتها .. وتجذب القراء ..
.
عبد الوهاب السيد صاحب روايات ما وراء الطبيعة .. انتقل من مكتبة الصحوة وانضم لددايموند ..
واخذ مكانه الكاتب خالد النصر الله .. له 3 كمتب هالسنة .. كويتي من كوكب اخر .. ويوم الحدث ومادري شنو الثالث .. بس كان واايد راقي بتعامله ..
بالنسبة لي ما احب هالنوعية من الكتب .. بس رفيجتي شرت ..
.
انا بحط الروايات اللي انصحكم تشترونها .. اكو روايات من زمان شاريتها واغلبهم من المعرض ..

.
اول شي اغاثا كريستي .. اخذو هالطبعة اللي بالصورة اهيا الطبعة القانونية الاولى والنص الكامل ..
باجي الطبعات مترجمينها مصر ولبنان .. مووو شي غير انها مو مصرحة .. فيقعدون يقطعون بالاحداث ويختصرون ويضيفون احداث جنسية مخلة للاداب عشان تجتذب شريحة معينة من المراهقين والشباب .. غير انه ايبون قصة رايحة فيها ويقولون هذي كاتبتها اغثا كريستي .. هذي الطبعة منقحة ومحترمة ..
اغاثا كريستي يا بنات اغلب رواياتها على منوال واحد البوليسية .. لكن لها5روايات فقط اعتبرهم من روااائع ما كتبت .. والعجيب انهم مو بوليسيين .. اجتماعية رعب نفسي رومنسية مغامرات ..
.

"ليل لا ينتهي" .. رائعة بمعنى الكلمة .. وشكثر بجيت وانا اقراها .. توضح الطمع البشري .. ولوعة الندمم ..
.
"في النهاية يأاي الموت" .. هذي بزمن الفراعنة .. عجيبة عجيبة .. واجتماعية .. "تعود رينيسنب مع ابنتها بعد وفاة زوجها .. الى بيت اهلها على ضفاف النيل ..ولكن .. تحت السطح الهادء لتلك الحياة الاسرية الموسرة .. يكمن الجشع والطمع وتمتلئ النفوس بالكراهية .. ومع وصول جارية الاب الجديدة المتكبرة نوفريت ,تتفجر مشاعر الاسرة حقدا .. ويبدأ القتل .."
.
الفتاة الثالثة .. (فتاة لاتدري قتلت ام لا .. تستيقظ في كل مرة لتجد ثيابها ملطخة بالدماء .. السكين في يدها .. واماها جثة مغتالة .. جنون ؟ ام فقدان انفصام للشخصية ... لاهذا ولا ذاك .. بل اغرربب .." .. تيمة التردد والرعب النفسي ..
.

أو بهالشكل

ثنتيناتهم نفس الشي ترى ونفس الدار بس وحدة يديدة ووحدة قديمة ..
"ذو البدلة البنية" .. اعتبرها احلوى وحدة على الاطلااااققق .. ابد جنج تطالعين فلم رومنسيي ومغامرات وخبال ربنات ..
.
"موعد في بغداد" .. فلمممممم .. خيانة .. مغامرات .. اكشن .. رومنسية .. سياسية ..تينن ..
خلصنا من اغاثا كريستي ...
رواية جنكيز خان من دار نينوى ..
ماقريتها للحين بس شكلها ابداع .. واسلوب الكاتب غني وبليغ ..
.
"روائع من قصائد محمود درويش" .. للي تحب الشعر الحر .. انصحها بهالشاعر ...
بالنسبة لروايات دانييل ستيل .. ما احبها صراحة .. لانها رومنسية تخدش الحياء والاخلاق .. لكن مادري ليش كل مرة ما اقدر امسك نفسي واشري منها .. يمكن لان اغلفتها تجذب ..
شريت منها .. "أماديا" .. مثل ماتشوفون عالغلاف زمن هالقصة اثناء الحرب العالمية الثانية أيام هتلر والتحالف وهالسوالف .. ما قريتها بس احب هالستايل وهالزمن ..
.
الثانية انا شاريتها من زمان من جرير اسمها "الشقيقات" .. 4 خوات وحدة عارضة ازياء .. وحدة رسامة عايشة بايطاليا .. ووحدة مخرجة .. ووحدة مديرة اعمال ..كل وحدة لها قصة .. وكل سنة يتيمعون عند امهم وابوهم ..
.
شريت بعد رواية يابانية .. شكلها حلوة .. لاني احب الادب الياباني والصيني .. اسمها "فنان من العلم الطليق" للكاتب كازو ايشوجورو .. من دار الزمنة الاردنية .. اللي يبيع واايد متعاون ونصوح .. وعنده روايات مميزة ما اسعفني ضيق الوقت اني اتنقى ,,
بس ديرو يالكم تشنرون من روايات " غابرييل " مادري شسمه مئة عام من العزلة .. لوووعة وراايحة فيها بلااوي وماكو قصة وععع ...
"تزوجت بدويا " .. هذي انا شاريتها من زمان من العبيكان السعودية .. تلاقونها بالمعرض بدار العبيكان ..
اهيا سيرة ذاتية صجية حق وحدة ايرلندية تحب تسافر .. راحت حق الاردن وحبت واحد بدوي اردني وتزوجته وعاشت معاه بكهف .. وتقشف العيش .. صج مملة وسردية احيانا .. لكن مميزة .. والاهم حقيقية .. دائما الحقيقة اغرب واشد وقعا من الخيال ..
.

حكايات من العالم الاخر .. مالت عبدالوهاب السيد .. شاريتها من العام .. حلوة مجموعة قصصية خارقة للطبيعة .. حلوة ...

.

"زهرة الثلج والمروحة السرية" الكاتبة ليزا سي .... الدار العربية للعلوم ..
احلى روااااااية قريتها لحد الآن .. تهبل تهببببل .. ياكثر مااابجيييت .. شفااافة ومشااعر رووعة رووعة اعيز واقول تينن تيييينن ..

.

"بؤس" مالت ستيفن كينج .. الدار العربية للعلوم ..
صج صج بؤؤؤسسس .. فللللممم .. تحطيييم .. واااي مارتحت الا لمن خلصتهااا .. بس رووعة اول مرة احس بهالمشاعر ..
.

أرجوكم لا تسخروا مني .. للكاتبة جودي بلانكو .. الدار العربية للعلوم ..د
دائما في المدارس الارمريكية لو تلاحظون من الافلام .. في شلة لهم شعبية بالمدرسة .. يقعدون يحطون على الضعاف والشطار عشان يثبتون شخصيتهم ..
قصة حقيقية لفتاة امريكية تعرضت طوال حياتها المدرسية للاهانة النفسية والجسدية ..
بعد التخرج .. اخذ اعادة تأهيل نفسها والتخلص من عقدها عشرين عاما ..
اصبحت بعدها سيدة اعمال ناجحة وامراة مشهورة ..
لكن ..
تصلها دعوة لحضور تجمع زملاء دفعتها القديمة في فندق هيلتون .. اشباح الماضي تعود لخنقها ..حتى بعدما ظنت انها تخلصت منهم ..
هل ستذهب الى هناك؟ وما اللذي سيحدث؟؟..

هذا اللي تذكرته واذا تذكرت شي بضيفه ..





تم تعديل الرد بواسطه المشرفه زلابيا
ممنوع وضع روابط لمنتديات اخرى

 

[جوك احلى جو]

لي روحه ان شاءالله