شـــــــنــــــــو شـــــــريتي من معـــــــــــ الكتاب ــــــــــرض 2008 بالصور ؟

[Anastasia]

بدوورة ..
والله مادري اكو وايد روايات بالمعرض .. انا شريت اربعة من المعرض .. ثنتين قريتهم وثنتين لا .. فما اقدر اقولج اشتري الثنتين اللي ماقريتهم ..
بس اقدر اضمنلج ثنتين .. "زهرة الثلج والمروحة السرية" و"مذكرات غيشا" ..
.

بنات اكو رواية اسمها العائدة .. تانا عند نفسي روووووعة ..واذكر ثاثرت فيها حييل .. بس اهيا اسلوبها قوي ولغتها بليغة يعني يبيلها قعدة علما تفججين التشبيهات والاستعارات .. ومو اي احد يفهمها .. بس واايد تصلح حق اللي بيقوون لغتهم العربية ويطورون من اسلوبهم بالكتابة ..
اهيا رواية مغربية من مكتبة العبيكان .. اسمها العائدة .. مالت سلام احمد ادريسو .. فايزة بالجائزة الثالثة في رابطة الادب الاسلامي .. بس والله صدقوني مو اسلامية ودينة .. اهيا هدفها حلو واسلامي .. بس القصة جدددا عادية .. روعة .. قضية اغتصاب ومخدرات .. حلوة ..

 

[طواري لـ((العنقا))ـيل]

باجر الصبح بروح المعرض بما انه اخر يوم




بشتري شعر بـ شعر .. وكتب دينيه



اعرف نفسي اشتري قصص بس مااقراهم ازهق بسرعه




يمكن اشتري جمان

 

[غزلان]

بروحله ان شالله

 

[I am red]

مشكورين بنات
r&n ماشاء الله شارية وااااااااايد كتب فيه شغلات عجبتني

وميس البنت خوش بنية بس انا اتكلم عنها ككاتبة

الله يوفقها ويوفق الجميع

 

[ذكريات]

هذا اللي شريته من معرض الكتاب

بعد لو ميزانيتي تسمح جان شريت اكثر لوووووووووووووول

http://www.gulfup.com/







http://www.gulfup.com/

http://www.gulfup.com/

قصص ولدي

http://www.gulfup.com/

http://www.gulfup.com/

لعبة حق ولدي من المعرض من اختي

 

[ذكريات]

سوري خلوني اصغر الصور و ارجع

 

[عروس الدنيا]

قوه بنات
انا شريت من المعرض

سيديات تعليميه لمناهج وزارة التربيه عربي و انجليزي





قصص لعيالي





كتاب انشالله بقراه قريبا




هذا شريته بس عشان اتعامل مع بنتي صح ... قاعده تكبر و ابي اشياء تفعمني اكثر و اكثر



و هذا شريته انشالله يعطيه بنتي هديه السنه اليايه هل حظه انشالله
لانها مثل هل الوقت السنه الجايه بتتحجب ان الله كتب لنا العمر يا رب




و هذيل شريتهم لي انشالله يفيدوني

 

[Little_Queen]

انا اشتريت
- قصاصات قابلة للحرق : د.احمد خالد توفيق ( روووووووووعه )

- 207 .. د.احمد خالد توفيق ( اروع من الروعه اسلوبه يهبل هالانسان )

- بلا والي : حوراء الحبيب

- نبضات فتاة ميته : خالد الحربي

- الجميل و المقدس : عقيل عيدان

- 55 حكاية .. ليلى العثمان ( فديتها هالانسانه اعشقققققققققها )

- قصيرة جدا .. ليلى العثمان هم بعد

- مساءات وردية .. حمد الحمد

- زيارات ليلية .. عبدالوهاب السيد ( رااااااقي راقي راقي و يا زين كتاباته )

- ازمة رجالة - ايهاب عبدالسلام ... طريف و خفيف حلو ..

- أولاد حارتنا يابوها لي من مصر و خذيتها ( من تحت الطاولة ) لنجيب محفوظ نياهاهاهاها شطانه لأنها ممنوعة بالكويت.


- و مجموعة قصصية بعنوان : شهر العسل .. لنجيب محفوظ


و الصور احطها بعدين .....


ميس العثمان ... اممممممممممم كاتبه مميزة جدا جدا جدا و احب اقرالها .. قرأتلها عرائس الصوف و عبث ... بس ما قريت روايتها اليديدة " عقيدة رقص " ..

 

[بدرووووووووووه]

بنات في روايات بخاطري اقراها بس المعرض خلص وين اقدر الاقيها باي مكتبة
خصوصا فتاة الغيشا عجبتني قصتها

 

[Little_Queen]

بدرووووووووووووووه



قولي اسامي الروايات و احنا نقولج


عموما اتوقع تحصلين كل هالاشياء في مكتبة العجيري

 

[TuTTi^FruTTi]

الله وناسه بروح اصور الكتب اللي شريتهم واحطهم برب @@

 

[TuTTi^FruTTi]

وي حطيتهم بس مايطلعوون بعدين احط

 

[بدرووووووووووه]

بخاطري اقرا رواية مذكرات فتاة الغيشا حق ارثر غولدن تشوقت لها
ورواية اني راحلة ليوسف السباعي سمعت انها رومانسية مع اني من ايام الثانوية ما قريت هالسوالف بس في ناس مادجينها لي ما ادري احس راحت عليهم او ان احساسهم مال مراهقين .... مممممممممم والله ما ادري بس بشوفها تسوي ولا لأ
وبخاطري بعد رواية طوق الياسمين ما ادري من حقه سمعت عنها وعجبتني
وابي كتاب انيس منصور حول العالم في 200 يوم شكله يشوق
واجاثا كرستي بخاطري اقرا ذات البدلة البنية /ساعة الصفر
تهقون الاقيهم عند دار الظمني ولا العجيري

 

[Little_Queen]

بدروووووه


ماقريت فتاة الغيشا ...


بالنسبة لإني راحلة ....يوسف السباااااااعي بعد ما يبيله !! جدا رائعة و تعتبر من الروايات الكلاسيكية الرايقة الي تنقري صج تستمعين فيها


و كتاب أنيس منصووووووووووور ... روعة روعة روعة روعة مختلف عن اي كتب عن الدول و الرحلات ! اهو اصلا اسلوبه روعه و شخصيته مرحه و صج زاير دول عجيبه غريبة على أيام الخمسينيات و يسولف عن الاسواق و المطاعم و الاسعار و الاشياء الي شافها .. و الفنادق الي سكن فيها !

صججججججججججج ما يمديج تخلصين الكتاب الا تقرينه مره ثانية من كثر ماهو حلو


طوق الياسمين+ أجاثا كرستي .. ماعندي معلومات عنهم



ما أتوقع عند الظمني ... أتوقع جدا جدا جدا عند العجيري اذا ماكان أكيد عند العجيري و اذا عندج أحد بمصر خل أييبلج كتب أنيس منصور كلها لأنهم كلهم يهبلون

الذين عادو الى السماء
الذين صعدو الى السماء
ارواح و اشباح
حول العالم في 200 يوم ..

بيحصلهم أرخص هناك ... عموما اهو اصداراته كلها من دار الشروق

 

[بدرووووووووووه]

Little_Queen حبيبتي مشكورة
ياقلبي
تصدقين ان كتاب فتاة الغيشا عاجبني من زمان ولما سووه فلم قلت لازم اروح اشوفه وصارت لي ظروف حييييييييييل صعبة امي كانت مريضة وبعدين سوت عملية حاله ونسيت السالفة اصلا
الحين لما ذكرتوا الكتاب تذكرته واشتهيت اقراه سمعت ان الكتاب احلي بوايد من الفلم
انا بروح ان شاء الله العجيري واسأل عن هالكتب والله كريم

 

[Anastasia]

بدوووورة ..
فتاة الغيشا اتينننن .. عجيييبة تقريبا بخلصها الحين .. غريبة والله غريييبة مادري شلون قايلة ..
.
اذكر العام شفتها بجرير .. بس ماشريها ماكنت ادري شسالفتها ..
.
وترى اكو لها فلم اسمه نفس اسم الرواية ذكريات الغيشا .. "the memories of Gaisha" >..رووعة مترووووس مشاعر وتبجين غصب ..
.
انيس منصور 200 يوم .. رااائع بمعنى الكلمة .. واسلوبه حلوو وممتع .. مع اني لي تحفظات على الكاتب بس بهالكتاب اعترف انه عجبني ..
.
احمد خالد توفيق .. كللللللل كتبه عندي .. تخيلي لتل كوين كنت اقرااه من ايان المتوسط ثانية متوسط ثالثة .. سلسلة فنتازيا وسلسلة ماوراء الطبيعة .. يهبلووون أيام ما كان يكتب بكتيبات صغيرة عند المؤسسة العربية مغيرها اللي عليها صبي وبنية اثنين ماسكين ايدين بعض جان تعرفونهم لووول .. هذيلة رعب كانو بالنسبة لي كنت اكره صورتهم لان امي كانت شارية كتاب تقوية عربي واملاء من هالمؤسسة وكانت يوميا تمليني وتدرسني منه وييييععع ..
اسلوبه رووعة هالكتاب .. يحليبه الحين كشخ وقامت كتبه تنطبع باحلى وابهى صورة .. الله يرحم ايام الاغلفة المشققة والاوراق الصفر .. صج الكويت تعز ..
.
لو تلاحظين ترى عبد الوهاب السيد حييل حيييييييييل متاثر ب د. احمد خالد توفيق .. حتى لو تشوفين بكتاب عبد الوهاب السيد "الجانب المظلم" اكو فقرات كاااملة تخيلو فقرتين كاملتين بدون تغيير ناسخهم على عدااالهم عبدالوهاب من كتيب احمد خالد توفيق " أسطورة بيت الاشباح" قدييم حيل يمكن ببداية او 2003 2000 هذا اهوا الكتيب

.
.وحتى عندي الروايتين لو تبون اصورهم واراويكم ماعندي مانع .. مسكيين فضحته وعليا ههههه
.

 

[.]

جوجو..

مشكوره افدتينا وايد

جنج تدرين اليوم ادور روايات انا ورفيجتي

 

[Little_Queen]

عادي يا جوجو خل نقول انه عبدالوهاب السيد مقتبسهم مثلا مو ضروري يكون نسخ ...

و ساعات وايد يصير جذي إنه الواحد من كثر ما يقرأ لكاتب ممكن تثبت في راسه بعض الفقرات و الاسلوب و جذي



عرفت الكتب الي تتكلمين عنهم ... سلسلة " سلاح التلميذ " ! حتى انا كانت رعب بالنسبة لي لنفس اسبااااااابج ))))


بس والله اقوووووويا صج في المواد الحين لما أشوف الكتب صج قوية و تمارينهم حلوة


كان عندنا بعد حق التعبير كان فيه فقرت صج حلوة و مفيدة


اياااااااااااااااااااام شخباري شغل املاء و تعبير


و د.احمد خالد توفيق !

ياربي هالانسان ماكو شي عنده مو حلو ! كتاباته كلها ماشاء الله تهبل !


و شوقتوني انا بعد اني اقرا فتاة الغيشا شكلي بروح ادورها اليوم في العجيري

 

[بدرووووووووووه]

طيب اشرايكم بدافنشي كود والملائكة والشياطين / دان براون
هذولي بعد امدحوهم لي قميضة يوم خلص المعرض طلعت السوالف

بنات اللي تلاقي هالروايات تقول لي باي مكان لقتهم تري العطلة طويلة ومالي خلق احد

 

[نويرة]

صج صج المعرض حلووو

وانا رحتله مرتيين و خذييت الاكو والماكو

وهذا الي شريته

























[/QUOTE][/QUOTE][/B]