شـــلون أوفــــــــر من معاشي...؟؟؟؟؟؟؟

[F O O S H I A]

... بصراحه انا حبيت اتعلم شلون احافظ على راتبي ويتم منه لي الشهر اللي بعده تخيلو بس يمــــر 10 ايام من الراتب يطييي_03BA:ير المعاش على الملابس والكماليات مع انه معاشي الحمدالله 700 لكـــــــن مااعرف اوفر:eh_s(1):
وزوجي يهتم بامور البيت الجمعيه وبس ماعندي مصاريف لكـــــــــن تبذير واسراف
حبيت اتعلموني شلون اوفــــــــــر................الاني قررت اغيـــــــــر من طريقتي ..للاحسـن واتمنــــــى تفيدوني

شكــــــــــــــــر للكل:tek:

 

[NoWay2know]

تسوين استقطاع من حسابج لحساب ثاني وهو عبارة عن مبلغ معين تسمينه ادخار. وتحافظين عليه ولا تسحبين منه.

 

[شرطيه حلوه]

التوفير يصير شوي شوش مو مره وحده انا كنت نفسج اول ما اشتغلت ما يظل ولاشي من معاشي على الفاضي كله اشتري ملابس لو تفجين كبتي نصهم مو ملبوسين غير المطاعم والطلعات مع رفيجاتي غير اوجب فلانه وعلانه غير قطيات الدوام

أول شي شوفي انتي شنو اللي تحتاجينه كل شهر حطيلج مبلغ حق بانزين ومصرف أكلج بالدوام وطلعاتج الخفيفه مثلا100 بعدين شوفي هالشهر شنو تبين مثلا ملابس اشتري بس مو وايد خلي الباجي حق الشهر الياي لا تكثرين وشوفي التزاماتج اذا عندج قصد او شي أخر شي راح يضل معاج مبلغ حاولي تدشين فيه جمعيه بدام ماتيمعين مثلا 200 وجذي وحتى ريلج عوديه يعطيج مصروف وخشيه عند امج أو أختج يعني مثلا انا كنت أخش عند أمي مره 20 مره30 وناسيتهم و مومحتاجتهم عرفتي

 

[Nail polish]

سوي حساب توفير ولا اطلعيله كي نت ،،، وكل شهر يستقطعون من معاشج ويحطونه فيه و اخر السنه راح تلقين مبلغ يملي العين

وموفقه ،،

 

[xxx]

هلا اختي

تفضلي هالمواضيع وان شاءالله تفيدج ..

قسمي معاشج وعن خبرة مع @ الرسامة @

اللي تبي تصير اقتصادية وتوفر ادش .....

التوفير هو أول طريق الاستثمار!! (موضوع مفيد)

 

[أم ضارى]

علشان تعرفين وين الخلل لازم بالاول تكتبين بالتقريب معاشج اشلون يطير
يعنى حددى عندج اقساط؟ الهدوم اشكثر اطير ن معاشج؟ المطاعم؟ السينمات؟المواجيب؟ السياره؟الخ الخ الخ

وعقبها تقدرين تضبطين امورج

وانا مع اختى شرطيه حلوه لاتضغطين على روحج من اول شهر راح تحسين بالفرق وانج مختنقه وترد ريمه لعادتها القديه شوى شوى

 

[F O O S H I A]

بعد عمري ... الف شكـــــر على نصايحــــكم الحلــــوه وحـــيل استفدت منها ...

بشد حيلي .. وافتح لي حساب توفير ويارب يارب يعيني ... اني اكون قويــــه ومااافكر فيهم كلش

ويسلمــــــوو للكـــــــل على مروركم ونصايحك اللي فادتني ...

راح احاول شوي شوي اخش 200 وبعدها الله يسهــــــل ..

وربي يوفقكـــــــــــم

تحياتي.. فوشيه ..

 

[إنسانه بكل حالاتي]

شوفي حبيبتي كل شهر اول ماينزل الراتب روحي حطيلج 150 على الاقل بحساب توفير وإنسيهم والله يرزقج ويرزقنا كل خير

 

[أم الكتاكيت]

حبيبتي لازم انسوين استقطاع حق احساب ثاني و ماتجيسينة كلش

 

[اطياب طيبه.أم عبدالله]

حبوبه انا مخليه معاشي ما اجيسه
اخذ من ريلي مصروف وعندي بزنز اصغيرون
ابيع بودي لوشنات وبضاعه بالمنتدي
ويكون مربح التجاره اهو مصروف ايدي
وبا اللي يعطيني اياه ريلي
وحاولي انج ما تروحين السوق الا كل شهرين مره
مو كل شهر مره ترا جذي ماكو فايده

 

[ام الجوود]

يعطيكم العاافية

 

[F O O S H I A]

شاكـــــــــره تفاعلكم .. معاي والف شكـــــــــــــر على النصايح الحلـــــــــوه

ابشركــــــــم فتحــــــت حساب توفيــــــر وحيـــــــل تشجعت اكون مسيطره على الوضع

وما أروح السوق الا للضروره (((هيييييييين)))))))).. واكيد المصاريف راح تقل يارب وفقنـــــــــي وبارك لي

بعد عمري ماقصرتو على التشجيع والحلول الحلوه والبسيطه ...يسلموو للكل فديتكم

 

[ام ناييف]

شوفي انا اول شي دخلت جمعية بقيمة 100 دينار علشان التزم بالمبلغ
وبعد ما خلصت الجمعية اخذت فلوسها وسويت حساب ثاني مع استقطاع شهري بالمبلغ
وكل سنة ازيد 50 دينار على الاستقطاع علشان ما اضايق نفسي واقدر اتكيف مع الباقي من الراتب

واحسن طريقة اطرحي من حسابك كل التزاماتك حتى فواتير التلفون وبنزين السيارة
والباقي اقسميه على 2 واستقطعيه على الحساب الثاني
احسن لك بحيث تضمنين انك ما تأثرين على ميزانيتك

 

[moony77]

انزين حبيباتي فيه حساب يسمونه حساب توفير استثماري هذا متواجد بنك التمويل وبنك بوبيان تفتحينه ببوبيان ب 50 والتمويل 100 ويشغلونها لج اهنيه يجي سؤالي برايكم مضمون في احد منكم سواه وبنفس الوقت تدخرين فيه فلوسج وممكن تزيد بس متخوفه منه ياليت اللي يشتغلون بالبنوك يفيدونا

 

[ro3ah]

حلو التوفير الاستثماري احد عنده فكره شلون؟

 

[moony77]

اي والله ياليت احد يفيدنا موظفة مثلا في بنك بوبيان والتمويل

 

[moony77]

بس فلوسي اهي اهي ما اخسرها يعني مضمونه اشرايج

 

[تعبتني طيبتي]

الحمد اللله بيت التمويل ما فيه خساره ..


بس .. ما يحدد الربح .. لأنه لو حدد يصير ربى .. يقول أنا أشغلهم .. وأعطيج شيء منن الربح .. يا 4 عالميه ..

أو 3 دناننير عالميه .. أو يمكن يوصل 8 ؟؟ ما تدرين .. بس ما يصير يحددون .. المبلغا بالضبط ..

حتى بالواديع ما فيه تحديد ..

غير البنوك الربيويه الباقيه .. تحدد .. عطينا المبلغ الفلاني وبعد سنه نعطيج إياه و فوقه النسبه الفلانيه ..

خسرو بيعطونج إياها .. ربحو حيل .. ياخذون الباقي ويعطونج هم نسبتج ..؟؟


فهمتي يا قلبي

ولو تبين البركه في فلوسج . .. ححطيهم ببنك إسلامي. .
وسوي إستقطاع ..

لو خمسة دنانير من كل معاش .. لأي لجنه من اللجان .. و من نفسه كل شهر تطلع هالفلاس

زكاة عنج و عن عيالج ..


والله يطرح فيهم البركه ..

 

[moony77]

الحمد اللله بيت التمويل ما فيه خساره ..


بس .. ما يحدد الربح .. لأنه لو حدد يصير ربى .. يقول أنا أشغلهم .. وأعطيج شيء منن الربح .. يا 4 عالميه ..

أو 3 دناننير عالميه .. أو يمكن يوصل 8 ؟؟ ما تدرين .. بس ما يصير يحددون .. المبلغا بالضبط ..

حتى بالواديع ما فيه تحديد ..

غير البنوك الربيويه الباقيه .. تحدد .. عطينا المبلغ الفلاني وبعد سنه نعطيج إياه و فوقه النسبه الفلانيه ..

خسرو بيعطونج إياها .. ربحو حيل .. ياخذون الباقي ويعطونج هم نسبتج ..؟؟


فهمتي يا قلبي

ولو تبين البركه في فلوسج . .. ححطيهم ببنك إسلامي. .
وسوي إستقطاع ..

لو خمسة دنانير من كل معاش .. لأي لجنه من اللجان .. و من نفسه كل شهر تطلع هالفلاس

زكاة عنج و عن عيالج ..


والله يطرح فيهم البركه ..

يعطيج العافية يا قلبي وما قصرتي وعموما انا دايم استقطع للجان خيرية بس ما ني عارفة استثمر جزء من معاشي بس انتي افدتيني انا بدخر ادخار استثماري احسن في بيت التمويل انشالله مشكورة

 

[الحلم]

صارلي سنين أحاول أوفر وفتحت حساب وماكو فايده _كله أحوس بالسوق أشتري
لغاية ما اشتركت بالنادي وصرت ما أروح السوق بس الجمعية_والنتيجة الصراحه الصراحه مفااااجأة وفرت الحمدلله لدرجة 100 دينار صارت تقعد أسبوعين عندي
والمطاعم قطعتها تقريبا
لدرجة حتى أهلي مستغربين شلون وفرت!