شـلون تقضين وقت فرآغج ؟ تعالي علمينا :$ :*

[black rose BH]

’

السسلام عليكم خوآتي القمرآت
شلونكم ؟

ادري الوضوع الاغلب بيشوفه ويه شهالسخيفه ذي فاضية !
اي انه فاضية !
وبنات شكثر مثلي فاضين
على هالاساس حطيت هالمـوضوع
تلاحظون إن اغلب البنات خاصة الي قاعدين بالبيت مثلي <
كل متمللين وضايق خلقنا
لان عندنا وقت فراغ كبير بحياتنا ومو قادرين او مو عارفين شلون نمليه
تلاحظون بعض البنات كل هواش تدور الزله ع اختها تدور الزله على مادري منو اهم شي
تطلع الي بخاطرها لان ماحصلت شي يشغلها
وتلاحظين الثانية كل تبجي والحزينه !
انزين ليش ؟ لان ماعندي شي اسويه فاقعد افكر بحالي وافكر بمادري منو
وتفكير وتفكير وتفكير لين خلاص النفسية تصير بالقاع !
والثانية تفكر متى بعرس
والرابعه متى بصير مثل ذيج حظها قايم
وتلاقين بعضهم يتجهون للحرام يعني تدش شات
وهذاك يحاجيها وهذي يلعب عليها
تبي تملي هالفراغ بآي شي وخلاص صح ولا غلط مايهم ..
^
الي فوق مقدمة لوووووووول
عشان ابي اوصل لكم الهدف من الموضوع
بنات كل وحده تدش تعطينا نصيحة ومنها تقولنا شلون نملي هالفراغ
او افكـار او حتى اعمال خير نسويها بالبيت
ترى كل شي بآجره وقدام احنا قاعدين جذي خلنا ناخذ افكار من البنات
وكل وحده تشجع الثانية ونسوي لنـآ جدول حق الي حابة تشارك
ووبجذي يكون اليوم امتلى بالاشياء الي بتسوينها !
ومابصير وقت للملل والفراغ او حتى التفكير بآشياء سلبيه تضر حياتج


بكتب لكم بعض الافكار الي ببالي الحين :

قـرأءة كتـب او روآيـآت ..
محـآولة عمل اعمـال يدوية < انه ماعرفلها بس احاول من الدروس الي بالنت :eh_s(22): ..
تطبخين طبخه وتذوقينها اهلج حتى لو فشلت جربي مرة مرتين لين تضبط
او تطبخين طبخه وتودينها المسجد منها ياكلون الي يروحون يصلون ولج اجر طبعاً ..
او تسوين رياضة وتتمشين !
او تتعلمين الخيـأطة وتخيطين اشياء بسيطة حق البيت مو الا برا
شدراج يمكن بالمستقبل تصيرين خياطة وتفتحين لج مشغل < :ggdw:

هذي الي ببالي الحين انتظر مشاركاتكم :eh_s(9):
لاتفشلوني عاد !:eh_s(4):

احبكم :eh_s(22)::eh_s(17):
​

 

[Tom ♥ Jerry]

,


اقرا روايات و كتب و قرآن
آدخل النت أو افرفر بالقنوآت اشوفلي مسلسل أو فيلم :*

كلش كلش اخذت سويجي و طلعت

 

[كنوشه كنش]

حاليا مشغوله اجهز لعرسي بعد اسبوع

و أوفق بين الصدمات الي أشوفها من زوجي واللي متعوده عليه ببيت أهلي

صدمات الثقافه والعادات والتقاليد

 

[عاشقة الانوثة]

بالعكس حلو موضوعج وبالنسبة لي انا مع اني موظفه الا اني احس بوقت الفراغ لاني مااطلع على كيفي............وانصحكم يابنات ابتعدواااا عن شي اسمة تفكير والله عن تجربة يجيبلج الامراض والهم ....... واقضي وقت فراغي بالمنتدى الحلوووو او تي في او احط خلطات واهتم بشكلي يومين واردد اهملة وبساو اطلعلي عذر علشان اروووح السوق واطلع حرتي بالمشتريات وبس...

 

[(كويتيه عسل)]

لما كنت عزابيه كنت اقرا قرآن واذا النومه مختربه واسهر اصلي قيام الليل


ارتب غرفتي بنفسي افرز الملابس والاغراض اللي ابيها واللي مابيها اقطها

اشتري شغلات يديده لغرفتي شموع براويز علب وهالسوالف

اشتري افلام رعب يديده واجابلهم او اجابل التلفزيون واشوفلي شي يونيس

اشوف طبق حلو وسهل من المنتدى واسويه واعفس المطبخ

ادخل المنتدى او تويتير او انستقرام او الواتس اب


اقعد اسوف مع اهلي واعزمهم على مطعم واطلب ديليفيري

اقعد في الحمام 4 ساعات ادهن شعري واسوي سكرب واحورف بعمري بهالخلطت والكريمات

اشتركت في قروب او حمله من هالحملات في المنتدى في قسم العناية بالجس واستانس معاهم واتشجع اهتم بروحي

اتصل على اي وحده من رفيجاتي اقعد اسولف معاها

 

[Om Ghanem 75]

نت يوتيوب مجلات جرايد

 

[حياتي مختلفه]

اقعد مع اهلي على البي بي او تويتر اقرا كتب اكتب احيانا وراح انزل بعض كتاباتي في المنتدى قريبا اممم اكل يمي يمي وبعد شنو اي قرقره على الفون او اطلع للسوق

 

[ماكواسم2]

بالعكس حلو موضوعج وبالنسبة لي انا مع اني موظفه الا اني احس بوقت الفراغ لاني مااطلع على كيفي............وانصحكم يابنات ابتعدواااا عن شي اسمة تفكير والله عن تجربة يجيبلج الامراض والهم ....... واقضي وقت فراغي بالمنتدى الحلوووو او تي في او احط خلطات واهتم بشكلي يومين واردد اهملة وبساو اطلعلي عذر علشان اروووح السوق واطلع حرتي بالمشتريات وبس...

بنات هذي العبارة صحيحه 100% لان كثرة التفكير تؤدي للخرف والاهم فكرتي وله ما فكرتي شنو راح يتغير .

 

[Nor3eni]

اقرا قرآن وهذا اهم شي بنااات لاتهجرون المصحف ☝&#55357;&#56397;
ولا اسولف بالوتس اب اتصفح الانستقرام &#55357;&#56845;&#55357;&#56845;
العب بليستيشن >> بتقولون جاهل ترا عااادي اناا مٍْْـٍْْ♡̷̴̬̩̃̊ـٍْْنٍْْ الطيبين ههههههههه&#55357;&#56834;&#55357;&#56834;
اشرب جاي وقهوة مع خواتي واسولف &#55357;&#56833;
موضوعج رۈۋ‏عـِھّ

 

[هناء - Hana]

مممم نت طلعاااات على جممعيه نييب اكككل من براااا وجذي واقراااا روووايات ادمااااااااااان واقرى قررران وبس

 

[هناء - Hana]

آآآآآآآآآآآآآآآآآآآآآآآآآآآآآآآآب لعيؤؤؤؤنج

 

[عبطو9وه]

وقت الفراغ ..<< قااااااااااااتل

طبعآ مقزرتها أفلام وحيل مضيعه وقتي​

 

[MaKe-Up]

أهم شيء وقت الفراغ تستفيدين منه

أنا اقرأ قرآن واذا. سهرانه قيام ليل

واذا متسنع النو صليت السنن

علشان ينفعني بالآخره =)

أما الشغلات الباجيه بي بي و هذا المنتدى و تلفزيون

وبلي ستيشن من الطيبين هههههه

وقريبا إن شاء الله هياته بالسياره هههه

تسؤوق قولوا ﭑميـن

 

[هيبة ملك]

لما. كنت. عزابية. كنت. اقرا. قران. واحاول. احفظ. واقرا جرايد. والعصاري مع. امي. سوالف. واسوي. خلطات. وعنايه. ببشرتي. وشعري. وبالليل. نت. وصلاة. ..

 

[LiL LiLeY]

حلووو موضوعج

انا احوس باليوتيوب

اسوي اساور هذيل الي تسوينهم بالخيوط و بعدين اذا حيل حيل مليت اروح انام

اجابل بلاك بيري

ولا احن على راس امي ابي وابي لووووول

 

[fatma A]

انا بطاليه وناطره الديوان وبيصير لي سنتين وانا على هالحال اول كله نايمه سوق اقرا روايات ويوم قطعو عني الهيكله رديت على عادتي القديمه روايات انا مدمنه روايات احلام كنت اقراهم من كان عمري 14 سنه ويوم كبرت ما قمت اقر مثل اول كل ما اروح بيت يدتي او عند احد نعرفهم يقوولون لي لحين تقرين روايات مصيبه ريحي نفسج لمه كرهت امسكم واقراهم

 

[هب العطر]

السلام عليكم

عجبني الموضوع




طبعا حضرتي مدرسه , و عزابيه للحين لوووول


اوقات فراغي ايام العطلات : نت , اشتغل مع مجموعه دعويه


نسوي فيديوهات و تصاميم دعويه و ننشرها عند الناس على الشبكه


أتعلم تصميم و مونتاج و أشياء جذي ,, و اتفنن بشغلي فيها


أشطح بتفكيري و اطلع بمشاريع من تحت الارض على الشبكه و كلها دعويه و لوجه الله و بدون اي فلس


لدرجه اني مستعده اخوض التجربه بكويتيات و اشوف ردود الفعل اهني هههههههههه






إذا زاد وزني و بديت استحي على خشتي ,, أبتدي رياضه و ريجيم ,, افتح يوتيوب و اشوف فيديوهات رياضه و انزلهم على كمبيوتري و اقعد اناقز مثل الخبله هههههه


هالأيام بنات خالاتي راضيين عني , و صايره ازورهم و انام عندهم , و يارب تطول هالفتره و لا يردون على الطناغر و اقعد بروحي هههههههههه


قبل جم اسبوع ياني يني الطباخ ههههه و قررت اسوي خرابيط بالمطبخ و اجرب اشياء ههههههه


سويت بسبوسه هههههه و سويت كيك قلاصات , و شويت دياي بالفرن مع الخلطه اللي اخذتها من منتدى كويتيات




يالي خبال التزيين و التنسيق , و قعدت انسق سلال القرقيعان ليمعه عايلتنا




و اعتقد اني قلت لكم قصه حياتي




بس اللي عندها نفس خبالي خل ترد علي اهني هههههه ودي اجرب اسوي جم شغله بمنتدى كويتيات و بشوف

 

[black rose BH]

ههههههههههههههه

فديتكم والله اثاري مو بس انه الي حالتي كسيفة بالبيت ماعندي لا شغله ولا مشغله
اثاري كل الناسات جذي لوووووول < اشوا تطمنت إني طبيعيه :$

عـآد هاليومين صايرة انام من الظهر لي الليل واقعد الليل بكبره :|
بس اليوم طبخت طبخه لذيذة امي معلمتني اياها ( حلاوة ) ..
الي تبيها بكتبها لها عادي :$
وحملت لي كتابين ع الايباد
واحد اسمه { بنات المنكر }
والثاني نسيان كوم ..

وصايرة كل اتحلطم مثل العيايز الله يعيين روحي على نفسي < محششة لووووول :$

نورتوني حبايب قلبي <3
​

 

[MnoOoLy]

انا عن نفسي بطالية حالياً .. الاسبوع الياي بتبدا الجامعة و بتبتدي الصدعة و اللوعة ..

و بالضضبط شراتج ملل و ضيج و طفففففش .. و من كثر الملل قمت احشش و اتخبل على اخواني و امييه ..
و النتيجة اميه تخبلت و صارت شراتي ههههههههههههههههههههههه


اما بالنسبة لكيف اقضضي وقتي :-

1- انزل كتب او روايات من النت و اقعد اقراهم ..

2- اذا سمعت مصطلح او كلمة يديدة بالعرربي او بالانجلش اكتبها بورقة و اقوم ادور عليها من النت ..

3- اليوتيوب ..

4- منتدآنا الحبيب اللي افتر فيه من قسسم لقسسم <3

5- اطالع التي في ..

6- اسولف مع ربيعاتي ف البيبي او الفون ..

7- مع اني ما احب احضضر الاعراس و من هالسوالف بس من الضيج احضرها و اروح الصالون و اكشخ و اسير الحفلة ( عزيمة / خطبة / ملجة / عرس / يوم ميلاد ) .. و اذا ماشي نحن نخطط ليمعه حق ربيعاتنا عشا او بس جيه يمعة سوالف ..

8- ارتب حجرتي و انظفها ..

9- اقرا الجرايد و المجلات .. عاد من الملل حتى الاعلان اقراه و افصص فيه ههههههههههه ..
​

 

[ديرتي الحلوة]

انا احب امارس هواياتي واكتشف هوايات يديدة يمكن ادمن عليها هههه وبصراحة النت هم حلو اشوف شنو يديد موجود وشنو وهم اسولف شوي مع صديقاتي بس اكثر وقتي في اللاب توب واذا خلصت اشوف ارتب غريضاتي واطلع اشياء ما ابيها من االاغراض خو مشالله الاقي شكثر كنوز هههههه