شفاطه الحليب

[ياراا]

قوه بنات شفاطه الحليب شنو احسن نوعيه اليدوي او الكهربايئي وشنو احسن ماركه؟؟؟

وسمعت انه الشفاطه الكهربائيه تعور!!! وتفطر الحلمه!! وتشققها صج ؟؟؟؟

 

[طيف عابر]

وووووووووووووووووووووووووااااااااااااااااااااي ابعدي عن اليدوي موووت يعوور يمط الحلمه مط
الكهربائي مربح وااايد,,,,,,,,, ميديلا سوينج........... احسن نوع جربته وهم بحملي الثاني ان شاءالله ناوبه اجربه
ولا تشقق ولا تفطر الحلمه الا اذا كانت جافه ... هم الرضاعه الطبيعيه ممكن يصير تفطر وتشقق بالحلمه اذا جافه
يعني لازم من بدية الربع الاخير من الحمل يعني من بداية الشهر السابع نستخدم كريم مرطب مخصوص للحلمه اللين الولاده وبعدها

 

[om__jana]

هلا قلبي انا عندي فلبس اللي بمذركير تشتغل عالاثنين يدوي عشان تحددين سرعه الشفط وبعدين تضغطين دقمه تشتغل عالكهربا نفس السرعه اللي حددتيها

بس لا تشفطين وايد لأن الشفط بشكل عام ينشف الحليب

 

[(m & m)]

انا نفسج كنت ادور على شفاطه ما تعور

احسن نوع ميديلا << بعد استفسارات عديده اكتشفت انها احسن نوع لووول

جربي ميديلا ستايل الي فيها شفاطتين عجيييييييييييييييبه كلش ما تعور استخدمتها كأن البيبي يمص

سعرها شوي غالي 140 دينار بس تسوا اذا تبين الراحه و كنتي راح تستعملينها

 

[أوكسجين]

ميديلا
وبس

 

[ياراا]

مشكورين حبايبي ما قصرتو

 

[sweet-rose]

انا استخدم افينت من فلبس نفس اللي ذكرتها ام جنى وايد حلوة ومريحة ولا اتعور طريقتها جنه البيبي لما يرضع خذيتها من جونيرز بـ 57 دينار بس تسوى

 

[ياراا]

زين بنات لي متى تستخدمون الشفاطات؟؟؟

لان اسعارهم غاليه وانا ناويه ارضع البيبي لمن يكمل سنتين ابي شي يدوم معاي ويسوى بس الكهربا خايفه منها تشفطني او شي

 

[om...al3ess]

انا حمااتي الله يعطيها العافية عطتني شفاااطتها كية وايد ززينة بس انا ما كان فيني حليب احس انها مصعتني

 

[ياراا]

بناات بعد عفيه ابي عن خبره لي متى تشفطون حليب يعني متى الببي يرضع منج لان اول مره بجرب رضع وناويه ارضع

 

[لوكي 22]

اب اب

 

[مــ_ــا مــ_ــي]

شوفي يالغاليه .. اول شي لازم لازم تحطين كريم خاص للحلمات عشان ما تتفطر تلقينه بالصيدليات وتلبسين فوط الصدر اللي جنها كوتكس على طول الوقت لابستهم عشان تعطي ترطيب للحلمات ولا يعورج وقت الرضاعه.. قبل لا تشفطين نظفي الصدر من الكريم واشفطي بالشفاطه اليدويه ماركة ميديلا انا استخدمتها الحمد لله لا عوار ولا اي شي ... بس نصحتني دكتوره مصريه تقول حنا بمصر ناكل الحلاوه الطحينيه عشان تدر الحليب بالصدر وانا جربتهاا والله يجزاها خير فعلاا كثرت الحليب فيني مع انه كان نتفه

 

[ياراا]

مشكووره حبيبتي ميامي شنو هي الحلاوه الطحينيه من وين نشتريها وشفاطه ميديلا اليدويه بجم ؟؟؟

 

[Princess^Mom]

أنا استخدمت الكهربائية وجدها تعور من ثاني يوم طلع مني دم ونشفت الحليب ولدي ما رضع مني حتى يوم واحد

 

[Lady Zayoona]

انا جربت بيجون البطارية وحدة امدحتها لي وااااااي اذبحتني وايد عوااار مو طبيعي و تشققت و طلع دم و ويع الوضع كان

بعدين قطيتها و شريت افينت فيلبس اليدويه ارتحت عليها بس ماجربت كهربا يمكن احسن اة اسرع؟؟ مادري !
اليدويه فادتني وقت السفر بالطياره بس تطلع صوت يوصوص تفشل لووول

 

[عـــزآآآآآهـ]

ومنكم نستفيد

يعني الحين الكهربائيه تعور الحلمة وتشققها!!!!!

 

[monmoon85]

بنات شرايكم اخليها لم اولد ان شاء الله اشتريها ولا مع التجهيز انا ابي ارضع البيبي كثر ما اقدر انشاء الله من كثر ماسمعت عن فايده حليب الام ,,,

ولكن بما ان بجر مادري اذا بيطلع صدري حليب او لا!!
شنو اسوي من الحين علشان ان شاء الله اقدر ارضع

ميديلا ستايل+ميديلا سوينج ’’’’ وين اللاقيهم!!

وشكرا

 

[مــ_ــا مــ_ــي]

المنتدى معلق من فتره وم قدرت ارد عليج.. الحلازه الطحينيه بالجمعيه تلقينها بس تدر الحليب وتكثره ... اما الشفاط والله زوجي شراه بس ما يتعددى العشر دنانير .. بس انا شريتها لان كان ولدي بالحضانه ما قدرت ارضعه بس من طلع منها بفضل الله قعدت ارضعه مع ان بالبدايه معاناة ما يعرف يمسك صدري وانا اصلا حلمتي صغيره بس حبه حبه لما قدر عليها .. واحلى شعور لما الوحده ترضع وضناها

 

[ياراا]

مشكوووووووره اقلبي عالتوضيح ماقصرتي

 

[لوكي 22]

الحين شنو الاحسن اليدويه ولا الكهربا
اذا اليدويه شنو الاحسن بيجون ولا ميديلا
والكهربا الي اتفقتوا عليه مديلا ..