شفت فلبينية هي وزوجها في احدى المولات بينهم وجبة وحدة من ماكدونالدز.. ياترى ليش؟ نقاش

[فوز السعودية]

احدى المولات الكبيرة وجدت وحدة من شرق اسيا

هي وزوجها.. اتوقع فلبينية لأنها لابسة عباية

وكاشفة شعرها

المهم ... الدور الثاني قسم المطاعم .... جالسة

هي وزوجها على طاولة وبينهم وجبة واحدة من

ماكدونالدز الهمبورجر

قاسمينه بينهم .. والبطاطس بينهم .. واثنين

مشروب غااازي

بينما الطاولة اللي جنبها ... عائلة سعودية ... كل

واحد قدامة وجبة كاملة من نفس المطعم .... لا وبعد

سوبر سايز

..... والله جاتني لحظة تفكير .... وتفكير

يا ترى وش اسباب وجود وجبة وحدة بين الفلبينية

وزوجها ؟؟؟ هل هي اسباب صحية مثلا ؟؟

ام عادات ؟؟؟ ام ظروف مادية ؟؟؟ ام ماذا ؟؟؟

وحده من اخواتي كانت معايا<<<< جالسة تحلل

تقول ... ما اتوقع ظروف مادية .... اولا : لأنه شكلهم

نظااااف مو من الطبقة الفقيرة ... يعني باين عليها

ممرضة وزوجها

ممرض <<< اتوقع كذا

وجسمها والله يا بنات ... تقولي جسم وحدة عمرها

18 سنة عندنا ... ما اتكلم على هيئة الجسم لانه

معروف اجسامهم صغيرة ... انا اتكلم عن كتلة

الشحم ... نحيفة والله .. وزوجها كمان نحيف

... احتقرت نفسي والله ... لما شفتهم ... واحتقرت

نظامنا السيء .... لأنه انا اشتري لي ولأولادي كل

واحد وجبة كاملة..<<< ترجع سعوددية

لكن انقهرت لما شفتهم ... ليش يحافظوا على

صحتهم ... ليش ما اغراهم ماكدونا او هارديز او برجر

كنج ؟؟؟؟

كلنا نعرف مضار الوجبات السريعة .... ومع ذلك

نشتهيها بكثرة ... وعودنا اطفالنا عليها ...ونكافئهم

عليها

نفسي اعرف .. ليش كل دولة تحتفظ بعادات جميلة

عندهم واحنا لا... احنا متقدمين تكنلوجيا عن اغلب

دول شرق اسيا

لكن تفكير صحيح مافي ....

وكمان والله بمول ثاني .. شفت فلبينية وزوجها

بينهم واحد باسكن روبنز وملعقتين

بصراااحة لا تعليق ..

اصلا ما يذبحني بالفلبينيات او شرق اسيا ... لما

اشوفهم بالمولااااات اجسامهم سمبتيكة ... العباية

واقفة عليهم كأنها معلقة بعلاقة .... واحنا عبايتنا

مطعجة من كل الجهات على حسب تضاريس

الجسم

-----------------------

اتذكر مررررة رحت ماليزيا .. والله يا بنات رجال كبير

بالسن هو وزوجته ... اتوقع اكثر من 90 سنة لانه

ظهورهم منحنية

يمشون فوق الحصى <مخصص للمشي> علاج

لأمراض كثيرة وهو اكتشاف صيني ... يمشون

بعكااااز ...

اتذكرت عجايزنا .... فوق الابر المهدئة .... وعلاجات

قوية للركب والظهر .... وممكن تروح فيها من كثرة العلاجات ... ونسيوا

العلاج الصحي الطبيعي ....

كمان شفت واحد كبير بالسن ... اول ما تشرق

الشمس عندهم ... يلبس شورت عند الركبة والله

يمشي بهرولة

على الرصيف وبين شوارعهم المزدحمة ... طبعا

عندنا ما تشوفي مثل هذي الظواهر الا في شارع

الحوامل او شارع

مخصص للمشي ... وقليل تلاقي عندنا يمشوا...

لكن عندهم منتشرين بكل مكان


وحدة من اخواتي ...عاشت بأندنوسيا 3 سنوات

اول ما راحت هناك .. تقول زوجها يصحيها بالصبح

بدري

ويقول قومي قومي ابوريكي شيء ..... قامت

معاه ... قام فتح لها الطاااقة <<< الشباك بلهجة

اخرى

وقال لها شوفي النااااس من بزوع الفجر تمشي

وتهرول بالشوارررررع طبعا هي صارت كذا

مو متعودة تشوف كذا عندنا ... تقول العدد كل ماله

يزيد رجال وحريم ...كبار وصغااار <<<< مالت علينا

واحنا الخليجين نعفن نووووم


كانت عندي شغالة اندنوسية .... نحيفة و عمرها 38

سنة <ركزوا بالعمر > كل مرة تصلي الفجر .. تنام

على الأرض

<السيراميك> وترفع رجولها ويدينها وتسوي حركات

عشوائية بالهوى <<< تنشيط الدورة الدموية

ولعضلاتها

شافتها وحدة من اخوااااتي .... قالت نفسي افهم

؟؟ ليش لما جات عندنا السعودية ما تركت عادتها

؟؟ مو مثل بعض

الخليجين ... بس يروحوا لدول ثانية اتقلدوا فيهم ...

وينسوا عاداتنا وطبعنا ؟؟

ولا تلاقي اغلب رزهم ... بدون زيت وملح ... واحنا

نعرف اضرار الملح والزيت ... ومرة سالت وحدة

اندنوسية ليش ما

تحطوا ملح على الرز ؟؟؟ قالت كذا مدام عشان

جسم كويس <<<< مالت علينا مرة تانية

واحنا نشوفها شطارة زيادة الملح على الأكل ...

سوي بحث بقوقل واكتبي اضرار الملح <طبعا

باستثناء الملح الخشن> وشوفي العجب

.....

مرة كنت نفاااااس وجاتني وحدة ممرخة هي كبيرة

بالسن يعني اعطيها 60 او 70 سنة ... بس وربي

قووووية ما شاء الله

قالت لي ... مدام لازم كل شهر انتي سوي

مساااج .. جسم يصير قوي ... احنا بأندنوسيا كل

شهر يسوي مساج

حتى بنات صغير 15 سنة .. يسوي مساااج .. يصير

جسم قوووي ...

انا امزح معاها ... قلت لها طيب انتي جسمك مو

قوي <<<< استفزها ههههههه

قالت شوفي مدام انا يوريكي جسم قوي .... طلعت

فوق سريري ونطت بقوة على الأرض .. الصلاة على

النبي وعلى

قوتها ... انا ما اقدر انط زيها وهي عجوووز .. بصراحة

خلتني انخرس عن التعبير

اللي حابه اقوله لكم ....

ليش ما نكون وحدة مترابطة ... ونتعاون على الصح

ونبعد عن الغلط .... لا تنسوا انه المجتمع التأثير الأول

والأخير على

الفرد

طبعا كلنا شفنا مجتمع اليابان ... في برنامج

خواااطر ... ما يحتاج اعلق على الموضوع

وانا ركزت انه مجتمع ... وليس افرااااد ... كان احمد

الشقيري يعلق على عادات المجتمع وليس عوائل

منفردة

... يعني مثلا .. ليش ما نبتعد عن الأشياء اللي تضر

بصحتنا ؟؟؟؟ ويكون تفكيرنا ايجابي

الواحد لازم يبداه بنفسه اولا ... ثم عائلته .... ثم مجتمعه

انا انقهر لما اشوف كل دولة تهتم بعادات معينة

وظاهرة بمجتمعاتهم الا دول الخليج .. ماعندها

شيء يذكر غير الفلوس

والأرزااااق

الهند وباكستان معروف عنهم ... اهتمامهم

بشعورهم واغلب منتجات الزيوت من الهند

اندنوسيا - الفلبين - اليابان .... المساج واكلهم

صحي

زي كذا اقصد كل دولة لها عادات حلوة ...

صدق احمد الشقيري يوم قال على اليابان <مجتمع يستحق التقدير>

-----------
انا بدات بنفسي اولا ... صح مو ذاك التغير .. بس الحمد لله كانت بدايتي

صح ..... بدلت زيت العافية بزيت زيتون ماعدا الكبسة .. وقللت كمية الزيت

بدلت الملح الناعم بملح خشن ... من 4 اشهر

خففت الكبسات مرة وحدة بالاسبوووع بدل 3 مرااات ...لي سنة

-------

ياليت ندرس الموضوع بجديه .... ونفكر بصحتنا قبل فوات الاوان



وش رايكم بكلامي ؟؟؟ منطقي ولا انا مزودتها

حبتين؟؟ الموضوع دعوة للنقاش

ما راح اقول لكم .. ما احلل اللي تغلط علي او تسيء

للموضوع ... لاني عارفة انه ماقلت شيء غلط <<<

ام الثقة

انتظركم تفتحوا قلوبكم وتناقشوا ...

ودمتوا

 

[$ بنت علمي $]

ههههههههههههههههههههه​

شنسوي بعد شئ وتعودنا عليه مانقدر نتركه..!!​

الوجبات السريعه: نقووووووووول بنتركهاا ونتركها فعلا شهر والشهر الثاني رادينلها وكل واحد له وجبه خاااصه​

الرياضه:نمارسها اسبوع وسنه لا​

الله يهدينا ونترك هالعادات اللي جابت لنا الامراض والكسل....!!​

وكلامج عين العقل​

ويعطيج العافيه​

 

[HeR HiGHNeSs 90]

اي والله صاجه بكل كلمه تقولينها

ياريت نقدر نقطع هل وجبات السريعه والكولا وربعهم ( شنسوي؟؟ انا وحده من الناس كل مالي وانتفخ كثر من هل اكل استغفرالله

 

[noona90]

حلو الموضوع يعطيك العافيه
بالنسبه للوجبات السريعه معاك حق بس اتوقع مرة بالاسبوع ماتضر
وبالنسبه لي اصلا اتبع نظام ماشيه عليه من 3 سنين مااكل زيت الا نادر واكل خضار واراقب السعرات في اكلي والحلويات مااحبها غير الشوكولاته ومااكلها غير كل فترة <<اخاف اسمن ههههه
وانا متلك احاول اغير في عاداتي الغذائية الخاطئة
بس زوجي الله يهديه يحب كل الاكل اللي يسمن ويضر يحب الزبدة والقشطة والحلويات سراحة اخاف عليه

 

[جوانا2011]

نفسسسسسسسسسسسسسسي اسوي اللي تقولينه
تدرين انا لما بديت اطبق بيتي يعني اققل دهون حي نظام اكل صحي اعتمد على الخضروات والفواكه و العصير فرش ...
النشويات اقللها واعتمد على البر ومشتقاته ..تدرين شصار ...كل يوم زوجي يجيب كبسسسسسسسه من المطعم وسفن وبيبسي
حقه وحق عياله ويقول ذبحتينا بالجوع ..نبي رز .. (الشعب يريد ان يأكل رز) .... خخخخخخ ..غير الوجبات السريعه المليانه دهون

 

[الاحمدية]

والله كلامك عين العقل موضوع جميل جدا وشجعتينى اغير شوية من العادات السيئة فى الاكل جزاكى الله خير وحقق لكى كل ما تتمنى

 

[المستغفرة 74]

موضوع رائع
وياليت نصير نفسهم
وضحكتيني على سالفة التضاريس

 

[عنيده بطبعي]

الصراحه موضوعج وايد حلووو ويعطيج العافيه

 

[مس لولو~]

موضوع راااااائع ...
​

 

[فـدوه]

صاجة يااختي, احنا مانحرم نفسنا عودنا روحنا كل شي نشتهي نسويه. مانحسب حساب الأكل و لا الفلوس و لاغير و الا شكو كل واحد وجبة كاملة. ليش ماناخذ و جبة اطفال و نتشارك مثلا بالبطاط. و الله الحين بالكويت حسيت الوضع تغير البنات بالعشرين و فوق ذابحين روحهم من الضعف عايشين على السلطات و المسهلات و شاي الأعشاب اللهم ياكافي. و الله انه الوحدة تحمل و تولد و ترد اضعف من قبل لا تتزوج كل هذا عشان اللبس و عشان تكون قياس (Zero) !!!!!! يخرعون هياكل عظمية. ادري شطيت عن الموضوع ههههه سامحيني

احسن شي الواحد يحطله اهداف مع بداية كل سنة, يعني مثلا يقول حق نفسه مااكل من الأكل السريع الا وقت السفر, 3 ايام بالأسبوع مااكل لحوم بانواعها, احدد كمية المشروبات الغازية و هلمه جرا

و عساج عالقوة

 

[الفدنه]

والله احاااااول والحمدلله اقدر الى حد ما افرض هالامور على عيالي
بس الوجبات السريعه كل اسبوع او مرتين بالاسبوع
اما سالفة اثنين بوجبه والله تقوم الحرب العالميه الثالثه.....بين عيالي
يسلموا ع الموضوع الجميل
جزاج الله خير

 

[قـہۈه فـرنسيـہ™]

خوووش مووضوع . . . . عز الله صدقتي . . .

مع الأسف حنا إدمااان وجبات ....

أحسسس معدتي اووووف كلها شوائب . . .

ودي آكل نص وجبه بس هل نقدر

 

[أم توتو]

احنا المسلمين المفروض اللي نمشي على كلام الرسول عليه الصلاه والسلام من ناحيه الاكل (ثلث لاكلك وثلث لشربك وثلث لنفسك)
والشعوب الثانيه اللي نسبه الاسلام عندهم قليل هم اللي مطبقين هالطريقه واحنا لا
المفروض مو بس نخفف الاكل لازم الحركه والمساج يعطيج العافيه على الموضوع الجميل تستاهلين التقييم

 

[LuLiTa]

كل هـ النقاش عشان وجبة وحده ؟ يـ اختي يمكن فلوسهم على قدهم او مو مشتهين فـ ماخذين شي يمشي الحال لووووول

يختي كل وااحد عقله في راسه يعرف خلاصه .. الحمدلله كلنا متعلمين احسن تعليم في مدارسنا لكن الفرق اهو منو اللي يطبق و منو اللي يحرص و يخاف على مصلحته ​

 

[دخون ازرق]

والله شهيتيني يوم شفت الوجبه وانا قاعدة اسوي رجيم الحين خخخخخخ----وكلامك صح خدامتي فلبينية تقول ماما لايحط بهار ولاملح عالأكل اكلوا بس عيش ابيض بدون ملح-وخبز ماما موزين وامشوا ماما المشي زين --احنا وين نمشي درجة الحرارة 50 بالشمس الحمدلله على كل حال

 

[الاميره الطيبه]

:eh_s(16):ششكلج تقصديني صح اعترفي
اعترفي:eh_s(10):لاكن شدراج عني هههههههههههههههههههههه

والله ا نا رياضيه درجه اولى واقلل الملح بالاكل لاكن يدخل الملل حياتي بعد شهر وارجع اربع سنوات ورى ههههههههههههههههههههههههه شاكره لج موضوعج الرائع:eh_s(7)::eh_s(7)::eh_s(7):

 

[me and i]

بقولج شي بصراحة بس اتمتى ماتزعلين مني

لو واحد خليجي شاف جذي جان قال عنهم فقر

لان الخليجين مافيهم مثل هالرومانسية ومايفهمون وبعدين يقولون اجسامهم حلووه وبشرتهم حلوه واحنا لا

 

[طيــــــــــــف]

خخخخخخخخخخخخ والله انا كل الي قدرت عيه قاطعت الببسي لان فيه نسبه من كبد الخنزير
بس الرز صعبه اقطعها علشان يقومون عائلتي الكريمه ويسوون مظاهرات (الشعب يريد اكل الرز)

 

[عل ماباس]

هذا انا اعتبره بخل ههههههههههههههههههههههههه

 

[Leann]

صراحة بدون زعل احنا المجتمعات الخليجية لان متوفر لنا كل شي قمنا نفسق بالنعمة يعني وايد لما اروح الفود كورت بالمجمعات اشوف عايلة طالبة لها وليمة كاملة و نص الاكل ينقط بره مو حراام ؟!؟؟ هذي نعمة ليش تسوون جذي!!

انا عن نفسي دايما بالبيت اطبخ اقل من حاجتي عندي شعار ان ينقص الاكل احسن مما يزيد مو عن بخل ولا شي بس احب اخلص صحني كله و ما اهد فيه شي ينقط بلازبالة او يتخزن بالثلاجة

و حتى لما اطلع ويا امي و خواتي دايما نتشارك بالاكل يعني نطلب لنا جم طبق و نشاركه نادرا ما يزيد الاكل عن حاجتنا و اذا زاد نطلبه تيك اواي و نعطيه العمال اللي بالشارع

و حتى لما نسوي بوفيهات في البيت و عزايم ما نطلب الاكل الي ندري محد راح ياكله دايما نطلب اطباق محبوبة من الكل و تنوكل من قبل الكل و الزايد ندق على وحدة جزاها الله خير اتيه تلمه و تعطيه الفقارة

انا وايد حريصة من هالناحية بس للاسف زوجي مادري متي بيتعلم مني يحب الطاولة تكون عامرة و متروسة اكل و هو ياكل شوي و يقوم :eh_s(14): و لما نطلع يقولي لا تاكلين من صحني لا يقولون عنا بخيلين :eh_s(4):