شفت فيديو والله ذبحني يا بنات

[WAAAW]

:eh_s(2): السلام عليكم


والله العظيم تحسفت اني شفت هالبرودكاست اللي دزته لي وحده من البنات


وحده من الجنسيه الاسيويه قاعده تطق ياهل يمكن عمره سنه طقته طققققققق والياهل يصرخ حيييييييل يا بعد قلبي تطق على راسه حيل بالمخده وتطق بالتلفون على راسه وتمسك خشمه يابعد روووحي تقرصه تعذبه
واهوا يصرخ يمه ورب الكعبه كل صرخه منه دخلت قلبي قطعتني

يبي يقوم ما يقدر مسكين ما يمشي وترفسه ببطنه والموت موووووو جذي الموت ان الكل قاعده يشوفها تطقه ووحده قاعده تصورها ولا احد قدر يوخر الياهل عنها كلللللللللللللللللللللهم قاعدين يشوفون

االله يحرقهم كلللللللهم بنار الدنيا قبل نار الاخره اللهم امين
الله يشل اركانهم اللهم امين

حرام والله حرام طفل بريئ شنو ذنبه والله تعبت وانا ابجي عليه

الله يحفظ عيالنا من المرضا ديروا بالكم يا بنات والله ديروا بالكم لا تستهينوووووووووووون شوفوا شنو قاعدين يسوون الخدم بعيالهم اللي اهم قطعه منهم قاعدين يعذبونهم .. فما بالج شلون بتعامل عيالج اللي اهم اغرااااب بالنسبه لها وما في اي صله بينكم وبينها راقبووووووووهم راقبوووووهم راقبوووووووهم خصوصا مع اطفالكم الرضع


ماراح انسا اللي شفته وراح ادعي عليها وعلى اللي مثلها طول عمري

الله يقطع ايدينها ويشلها:yaaaaaarb: .. ياليت اقدر امسكها والله بعذبها مثل ماعذبت هالمسكين:eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16):

 

[randomy]

قبل شوي شفته

حسبي الله ونعم الوكيل
الفيديو طويل 5 دقايق واهي تطق فيه ياحياتي شلون تحمل
يعل ايدها الشلل

بس شكلها متعمده تبي رفيجتها تصور علشان تحر الام ... يابتسافر او بتنحاش

 

[mafio98]

شفته صج يعور القلب بس ترى الياهل شكله فلبيني وحتى اليهال اللي يطلون اشكالهم. فلبينين

 

[WAAAW]

ايييييييييي شكله من هالجاليات الوصخه حشاكم 95% منهم ميانين ومرضا حسبي الله عليها واااااااااااااااااااااي يمه يا قلبي الله ينقذه من هالوحوش اللي حوالينه يااااااااااااااااااارب

 

[شادن33]

واااو امس شايفته
شوفي بهالعمر الياهل اتوقعي من الخدامه اتسوي اي شي للياهل
لان ماراح يتكلم او يقول شي بعد عمري مايفهم
لاتخلونهم بهالعمر بروحهم

 

[زعفرانة_73]

اسألكم بالله الأبناء مسئولية من الأم ام الخادمه
راجعوا نفوسكم شوى بتلقون جواب
​

 

[قموووره]

اي شفته بس الياهل الظاهر ولدها لان اهو بعد شكله اسيوي !
بس قولي اذا اهم مع عيالهم جذيه شلون مع عيال غيرهم عيل؟​

 

[قموووره]

مره شفت فلبينيه ولدت وما تبي ولدها على اليوتيوب وقطته
تخيلي ولدت الولد من هنيه عطته حشاكم حق جلب ياكله وقطعه الجلب ومابقى الا راسه
تخيلو هذي رحمتهم بعيالهم ؟؟؟؟؟؟!!!!!​

 

[أحلى البشر]

الحمد لله على نعمة الاسلام

وحسبي الله على هالاشكال بس لاتخافين كما تدين تدان ياخذون جزاهم بالدنيا قبل الاخره

 

[WAAAW]

يماااااااااااااااااااااااااااااااااااا وااااااااااااااااااااااي يعل الجلب اللي ياكلها ويقطعها اي والله الله يجازيها ويعاقبها باشد العقاب والله صج الله طامس على قلوبهم السوده حتى على عيالهم

 

[am faisal]

شوفو القصة اللى برويها لكم حقيقية
وام الطفل قريبة لى من بعيد
الام هاذى جميلة وزوجها مهندس وغنى حيل ومدلعها
جابت ولد وجابتلة فلبينية لانها موظفة وبعد كم شهر مرض ولدها وبس يصارخ
ودوة اطباء ماكو فايدة وحتى شيوخ ودوة اخر شى
ودوة الخارج
توقعو شلقو لقو دبوس كاسرة نصة ومدخلتها بدماغ الطفل ابو شهور سوولة عملية
على طول وسووتطهير للجمجمة وانقذو حياتة
على طول الابو من الحرة اللى فية خلى اخوها يبدل معاة ورجع الديرة وتودس ببطنها ولولا اخوة
كان ذبحها
ولما سالوها ليش
ردت ليش هى تملك كل شى الجمال والزوج والمال وطفل وانا ما املك شىء
لازم تعانى
وهذا درس للخوات مو كل شى قدام الخدم بعضهم تحسد وتحقد
وسسوو قضية وانسجنت

 

[om_3azoz]

شفته امس عورني قلبي ,, بس بعدين شفت ولاالظاهر امه او اخته لان شكله اسيوي وحتى اليهال اللي طلعو فلبن ,,
بس شلون اطقه عمه بعينها ماعندها قلب

 

[قموووره]

امبيه ام فيصل حسبي الله عليها عيل ما سمعتو عن المره الي ريلها جنه كان معاق وما تحمل طبيعي لازم تلقيح وحاله ويابت ولد وبعد شهرين مات وزعلت حيل وعقبها حملت ويابت ولد وهم مات بعد شهر والخدامه تواسيها وتباريها وتبجي عليها وفقدت الامل المسكينه برحها حمالها صعب عمليات وحاله وحملت بالثالث وهم مات بعد شهرينوقالت خلاص الله مو كاتبلي يعيشلي عيال وانهارت ولمه شافت الخدامه وايد زينه معاها والي كانت تقنعها تروح عمره علشان يرتاح قلبها جان تقول والله باخذها معاي وايد حنونه علي وكانت اندنوسيه وراحت معاها عمره ولمه رجعت حملت برابع ياهل وهم مات عاد المره هسترت وقالت خلااااص مابي عيال عاد خدامتها كانت بتسافر ويابت وحده ثانيه بس ما مشت الاولى علشان تعلم اليديده لان هذيك بتروح تتزوج ولمه الخدامه اليديده شافت شلون تعطف على خدامتها القديمه وتشتري لها وتجهزها حق الزواج كانت علامات تعجب بوي الخدامه اليديده وراحت للمعزبه وقالت لها انتي من صجج تبرينها جذيه انتي ماتدرين اهي شنو مسويتلج ؟؟ والمره اخترعت وشبه انهارت وكانت خايفه وقالت لها شنو ونادت ريلها جان تقول لهم خدامتكم كل ما تييبون ياهل تييب ابره مسمومه وتغرسها براسه وهذي الابر اييبونها من اندونيسيا يموت الولد وما يبين سبب الموت واهي الي ذبحت عيالكم الاربعه لا وعطتها الابر قالت لها هاج علشان ماتحمل وتييب ياهل ياذيج ذبحيه وافتكي
عاد المره استخفت الله يعينها حسبي الله ونعم الوكيل المره يالله تحمل عمليات وحاله وهذي بارده مبرده تذبح عيالها يعلها ما تشوف الضنى​

 

[WAAAW]

واي بنات قصصكم تخرع والله العظيم اصلا مو يقولون منعو الاندونيسيات من دخول الكويت؟؟؟؟؟؟؟؟؟؟ سمعت بجذي بس والله الجاليه الاسيويه كللللللللللها تخرع فلبن على انودنيسيا على نيبال مجرميييييييييييييييييييييييييييييييين الله يحرق قلوبهم مثل ماحرقوا قلوب الاهل على عيالهم

 

[قموووره]

اي والله اللهم امين حسبي الله عليهم والي يحر اكثر لمه تكون مسلمه المفروض يكون بفلبها رحمة بس هذيل مرضى والله​

 

[WAAAW]

بس عواااااااااااااااااااار قلب والله احنا اللي نتعذب واهما ولا يحسون

 

[manoooram]

حسبي الله ونعم الوكيل فيهم

 

[سوزي الشرقية]

حسبنا الله ونعم الوكيل شفت الفيديو عندي اختي في الواتساب

 

[عسل مرت قيمر]

وااااي انا من يوم شفته وحالتي حاله


اخيييه


من كثر ماتعب واهوا يبجي قام يشاهق واهيا تزيد الحقيييره


حسبي الله عليها


عساها بنار جهنم تحترق وتتعذب ومحد يرحمها


عساها الموت الي ياخذها اهيا واشكالها



ماكو قلب عمه بعينها


وربي من الحره الي فيني من يوم شفت الفيديو احس ينيت منها


ماصدقت في قلوب جذي


الله ياخذها

 

[عسل مرت قيمر]

الله يخليكم بنات لا تحطون عيالكم عند خدم كلش كلش دخلوهم حضانات


في حضانات تاخذ من الاشهر

او ودوهم عند امهاتكم


ترا هلابرياء مسؤولين عنهم جدام ربكم وبتتحاسبون عليهم