شفت محادثه لزوجي مع بنت :(

[عسل111]

السلام عليكم
بنات مالي خلق اكتب وايد
بس شفت محادثه لزوجي مع بنت وواضح انهم يتكلمون عن لعبه او شي جذي
بس وايد طايحه الميانه بينهم وضحك ومحارش بين بعض
حدي متضايقه مو عارفه شسوي
بليز بنات اصارحه اني شفت المحادثة ولا شسوي مو قادرة افكر كلش
يزاكم الله خير فيدوني

 

[امـ خــزامـى]

لا تصارحين لمحي اذا بتعصبين

اما اذا بتقولينها من غير هواش قوليها مع استهزاء اهم شي تبردين حرتك

 

[Koko7taty]

الله يهديه مادري شقولج حبيبتي إنشاء الله البنات يفيدونج

 

[سندس 90]

لا نصيحه لا تقوولين
بعدين بيصير عنده عاادي لانج كشفتيه

ربي يفرج همج

 

[دلوعه ززوجي]

الله يعين من هذي التلفونات والبرامج

 

[t.o.o.ot]

هالاشكال الفاضية الله يبعدهم عنا وعنكم يارب
ومثل ما قالوا البنات لمحي له ببرود أعصاب انك شفتي المحادثة وان الله فوووووقه كما تدين تداااااان
وتأكدي ماراح يهمه سواء عصبتي وإلا لا أخذي الموضوع انه مرده لك بس
والله يسخره لك حبيبتي

 

[queen92]

انا مثل ما قالت شيختهم بالضضضضضضبط لانه صار فيني نفس الموقف تقريبا بس طبعا مو يكلم بنت لا منزل انستقرام من وراي وثينكس حق كل بنت تحط له لايك و لايكات ع صور قلة ادب ووصخه صج عور قلبي هالشي بس ييته ببرود و قلت له مو احنا اتفقنا نمسح الانستقرام شحقه نزلته ،، هل البنات الوصاخه اللي عارضين نفسهم حق الكل و اللي مايخافون ربهم احسن مني و اهم مني ؟ مو محتاجه جوابك لانه طبعا لا و لايقربون يمي،، و لو سمحت امسحه لانه مافي شي ينخش ع طول و خليته و قمت انظف البيت و اهوا قاعد يحوووس ورب الكعبه مو عارف شنو يسوي قام يفرك جان يقولي انا اسف و ماعيدها والله مادري شكنت افكر ومن هالحجي و يقولي تكفين عندي تعصبين علي ولا تصيرين بارده تحرقين قلبي!!! و من يومها قام يمشي سيده .. انا آسفه قلت قصة حياتي بس عشان ابين لج انه تنفع الطريقه ان شاء الله و الله يبعد عنه بنات الحرام

 

[فيلسوفة قلبي]

عشت نفس وضعج .. دردشة زوجي مع وحدة كآنوآ يتكلمون بس الميآنة طآيحة ..

وجيت حطيت موضوع هني عن هالمشكلة في من نصحني أطنش وفيه من نصحني أصارحه


وفيه من نصحني ألمح له وفيه من قالت لي أغير اللوك تبعي ..

بس تدري شو أخترت فضلت المصآرحة لآني لو طنشت رآح يزيد على التعرف بالبنت و يتجآهل وجودي ..

الزوجة اللي تحب زوجها ما ترضى عليه بالغلط .. وطبعا أوصيج بالدعاء له أن ربي يسخره لج ويهديه

طبعا صارحته بطريقة مختلفة أعددت له ليلة رومآنسية رغم أني كنت منهارة نفسيا منه ومو طآيقة وجوده ..

بس دست على عمري و سويت لنا جو غير .. وصآرحته أني بالغلط فتحت تلفونه مو قاصدة أنبش فيه

وفآجئتني دردشة لك مع بنت مآ تدري شو صار فيه حاول ينكر وينكر أنه صاحبه وأنه وأنه .. خليته مع نفسه وأنا أنشغلت ببيتي

جاني بعدها يبكي جنه طفل أني أسآمحه وأني أبليس قص عليه .. ووعدني ما يكررها ..

كنت حآدة معه وطلب أني أسآمحه وسآمحته ولميته مثل طفلي أخطئ وسآمحته والحمدلله ما خليت ليلة الأ وأدعي

أن الله يهديه ألحين ما يترك الصلاة في المسجد من الفجر للعشا. بالأول صلاته كانت بالبيت وتلفونه ما عاد فيه برامج التعارف ..

وحاط نية أنه يبي يصير مطوع .. تبي تصارحيه صارحيه بس بعتاب مو بغضب .. الريال نفس الطفل يخاف يخسر مرته إذا يحبها صج

وحاولي تأخذينه بإيدج وتسامحيه مو تقللي من رجولته كل الرجال كذيه ولا تذكرينه كلش باللي سواه فيج ..


بس الدعاء أثره كبير جربي و بترتآحي وبتشوفي ريلج كيف يتغير أن شاءالله ..

 

[نـعـومـه]

انا رايي مع فيلسوفه قلبي بس الفرق ليله رومانسيه مانصح تسوين ليله رومانسيه بس واجهيه وسوي نفس ماقالت

 

[فيلسوفة قلبي]

انا رايي مع فيلسوفه قلبي بس الفرق ليله رومانسيه مانصح تسوين ليله رومانسيه بس واجهيه وسوي نفس ماقالت

أهي مو ليلة رومآنسية بمعنى الكلمة حبيبتي .. يعني كشخت له و شغلت شموع بالغرفة

كآنت نيتي أني أغرقه بحبي والصبآح أصارحه ..

صدقيني أحس أني لما أعددت هالليلة كآن لها مفعول له يعني أخليه يتقرب أكثر لزوجته ..

 

[Pinky -cat]

حبوبه تقدرين تلمحين له عن الموضوع وتقولين شنو هالرياييل وتطلعين حرتج بدون لا توجهين الكلام له ، واهوا اكيد
راح يفهم انه الكلام موجه له وانه المقصود فيه وجذي تكونين سويتي اللي يبرد جبدج .

وترا بنات ابليس يا كثرهم ويبيلهم طولت بال شوية .

 

[سيلينا]

مع احترامي لراي البنات الي يفضلون يسكتون او يقتصر دورها على انها تدعي لزوجها بالهداية والنعم بالله لكن ماني مع وجهة النظر هذي ان لو واجهتيه راح يستمر عيني عينك قد يكون في نوعية رجال جذيه وكل وحدة تعرف معزتها وتعرف شخصية زوجها ... المهم اقول كلمية بالي شفتيه بس مو بقوه كانج امه وتحاسبينه !! لا بيني ان هالشي اجرحج وماتوقعتيه وقولي بشنو مقصره عشان تسولف مع بنات! وهل لو انا سولف لو انها عن لعبه مع واحد ترضى!
انتي اخذي الي يناسبج بس ما اشوف ان السكوت اهو الحل ما ننكر دور الدعاء والنعم بالله لكن ضد ان المراه تحرق روحها والزوج يستمر بتصرفاته الغلط

 

[نوني الحلوه]

بما انها نزوه فانصحك تواجهينه بس باسلوب واثق
قوليه ماتوقعت هالتصرفف من شخص عاقل ورزين مثللك
انتبهي بدون صراخ وانفعال وعصبيه وبدون ماتحاولين تستعطفينه وتقولين له انا سويت للك وهذا جزاي
بس كملي كلامك وقولي ماعرف اذا بقدر اكمل مع انسان تصرفاته طايشه وسكري المووضوع
بيني له ان حياتك بتمشي وبتعيشين عادي
صدقيني بينفع هالاسلوب مادام انها نزوه ورح يحترمك
ولو قعد يناقش ويبرر لاتاخذين وتعطين معه سكري الموضوع

 

[انصاريه قمره]

حسبي الله ونعم الوكيل على بنات الحرام بنات ابليس عسى ربي ينتقم من هالاشكال الوسخه اللي تموت بدون ريال فيهم دوده قطيعه
حبيبتي صارحيه بكل هدوء ولا تسوين اكشن وصراخ ولويه وقوليله بصراحه هقيتك اكبر من هالامور وجد انصدمت فيك واذا بقعد معاك واستمر فتأكد علشان العيال مو علشانك وغيي اسلوبج معاه 180 درجه وخلج رسميه وطلعي واستانسي ووجبي وزوري وعيشي حياتج ولي حسيتي انه تأدب خليه يوعدج انه ما يكررها وقوليله انت رجل وكلمة الرجال ما اتثنى وانا واثقه انك بتكون قد الثقه

 

[M!SS.LOBY]

الله يعينج

 

[ReD&FoSHia]

اخاف بلعبة فن رن ؟؟؟؟
حبيبتي لازم اتواجهين ولازم يعرف ويحس انج ممكن اتجكينه

 

[تحب اختها]

انا مع فيلسوفة قلبي بقووووووووه ... ماشاء الله عليها عااقله وحكيمه .و ترا يافيلسوفة قلبي صورة العرض اللي عندك تجننننن ... هالبنت ودي ااكلها مااشاء الله ولاااا تحط روج بعد صاروا البزارين ينافسونا هههه ماخلوا لنا شي .. فديتها شكل امها تحط لها الروج وهي تفتح فمها تحسبها هم هم حليب ههههههههه ماشاء الله ....


وانتي يا صاحبة الموضوع ... نصيحتي لك الدعااااااااااااااااااء الدعااااااااااااااااااااااااء ... تراى مفعوله سحرررر ... الزمي الاستغفار وتعدي 1000 مره باليوم.. ما تاخذ منك شي ... وتصدقي ... واختمي سورة البقره .. وقومي الليل بركعتين ادعي ربك سبحانه مو على مشكلتك هاذي وبس لااااااااااااا على ان ربي يسخر لك زوجك ويجملك بنظره ومايحب ومايرتاح الى لك ادعي بكل اللي في نفسك ... وبتنبسطين من النتيجه

وانا رايي مع المصارحه .. ليش تخبين بقلبك وتحرقين دمك وتصيرن قطوه مغمضه وتتغمض !! .. لو زوجك مكانك كان واجهك وتفاهم معاك .. وانتي عملتي له الف حساب انه ذكي وعارف وش تسوين مو مغمض ....

اهم شي كوووني حنونه ومحبه وطيبه وباااااااااادره وعاقله .... ترى التفاهم بالتهديد والصراخ والعناد والقهوه وانه طاااح من عينك غلط غلط غلط .... سوي سواة الفيلسوفه ... سوي ليله حلوه .. عشا حلو وشمع وعطر جديد وتكشخي ... واقعدي معاه وصارحيه بصدق ... لانه وقتها بينسحر من ترتيبك وبيتذكر العيش والملح ... وبيحترمك اسلوبك .. لو مانفع وكررها شدي معاه بالعقللللللللل والحكمه ... وانصحك تقرين مواضيع ناعمه الهاشمي والقصص اللي تحطها.. شوفي وشلون حريم شافواااااااااا من ازواجهم اكثرررر واكبرررر من هالموقف اللي انتي فيه ... ومع هذا انحلت مشاكلهم بالعقل والحكمه والتنسع .... لازم تعرفين ليش تغشمر معها .... هل لانها شاركته لعبه يحبهاا ... او عرفت تسوي شي انتي ماسويتيه .... فكرررررري ززززين ..... وكوني لزوجك كل شي صح صعبه بس لازم نحااااااااول..... الله يسهل امرك

 

[تحب اختها]

وعندك طريقه ثانيه بعد.. انك تقومين بواجباتك على اكمل وجه لاااا كن بدون ابتسامه بدون لهفه عليه ... مثل الخدامه والسموحه منك ... و ركزي وقتها على نفسك وجمالك .. سرحي شعرك حطي عطر لبسي حلووو ... وعطيه ظهرك .. اهم شي اكله وشربه وملابسه وحقوقه وبسسسسسسسسسسس ..... وانتي على الصامت .. بيحس انك متغيره وبيتعجب منك وبنفس الوقت بيشوف اهتمامك بنفسك وحلاتك .... ووقتها هو اللي بيحي يعرف منك وش فيك .... وابدأوا المصارحه ... بس انا اشوف هالطريقه حلوو لما تكون رقم 2 .... مره مواجهه على طول .. ومره برود وتطنيش ... وعلى كذه

 

[فيلسوفة قلبي]

انا مع فيلسوفة قلبي بقووووووووه ... ماشاء الله عليها عااقله وحكيمه .و ترا يافيلسوفة قلبي صورة العرض اللي عندك تجننننن ... هالبنت ودي ااكلها مااشاء الله ولاااا تحط روج بعد صاروا البزارين ينافسونا هههه ماخلوا لنا شي .. فديتها شكل امها تحط لها الروج وهي تفتح فمها تحسبها هم هم حليب ههههههههه ماشاء الله ....


وانتي يا صاحبة الموضوع ... نصيحتي لك الدعااااااااااااااااااء الدعااااااااااااااااااااااااء ... تراى مفعوله سحرررر ... الزمي الاستغفار وتعدي 1000 مره باليوم.. ما تاخذ منك شي ... وتصدقي ... واختمي سورة البقره .. وقومي الليل بركعتين ادعي ربك سبحانه مو على مشكلتك هاذي وبس لااااااااااااا على ان ربي يسخر لك زوجك ويجملك بنظره ومايحب ومايرتاح الى لك ادعي بكل اللي في نفسك ... وبتنبسطين من النتيجه

وانا رايي مع المصارحه .. ليش تخبين بقلبك وتحرقين دمك وتصيرن قطوه مغمضه وتتغمض !! .. لو زوجك مكانك كان واجهك وتفاهم معاك .. وانتي عملتي له الف حساب انه ذكي وعارف وش تسوين مو مغمض ....

اهم شي كوووني حنونه ومحبه وطيبه وباااااااااادره وعاقله .... ترى التفاهم بالتهديد والصراخ والعناد والقهوه وانه طاااح من عينك غلط غلط غلط .... سوي سواة الفيلسوفه ... سوي ليله حلوه .. عشا حلو وشمع وعطر جديد وتكشخي ... واقعدي معاه وصارحيه بصدق ... لانه وقتها بينسحر من ترتيبك وبيتذكر العيش والملح ... وبيحترمك اسلوبك .. لو مانفع وكررها شدي معاه بالعقللللللللل والحكمه ... وانصحك تقرين مواضيع ناعمه الهاشمي والقصص اللي تحطها.. شوفي وشلون حريم شافواااااااااا من ازواجهم اكثرررر واكبرررر من هالموقف اللي انتي فيه ... ومع هذا انحلت مشاكلهم بالعقل والحكمه والتنسع .... لازم تعرفين ليش تغشمر معها .... هل لانها شاركته لعبه يحبهاا ... او عرفت تسوي شي انتي ماسويتيه .... فكرررررري ززززين ..... وكوني لزوجك كل شي صح صعبه بس لازم نحااااااااول..... الله يسهل امرك

ههههه تفدآج الصورة يا رووحي يآآآلبي على التحليل :krkrkr: موتيني ضحك

وآيد أقرأ للدكتورة نآعمة الهاشمي من مقالات وقصص وأستفدت منها .. :rerrerek:

 

[بنت الكويت 25]

الله يسخر لكم ازواجكم يارب ويعمر بيتكم دايما بالخير