شفيها الناس تغيرت

[نـــوارا]

مرحبا خواتي ... شلونكم ؟ اتمنى انكم كلكم تكونون بصحة وعافية ان شاءالله
صراحة هذا اول موضوع اطرحه اهني بالمنتدى وحبيت اشوف آراءكم لان الموضوع حده نرفزني :rgewrg:
السالفة وما فيها ان الاسبوع اللي طاف كان عندنا عزا واحد من اهلنا (الله يرحمه ويغفر له ) وانا كنت حاضرة ايام العزا كلها ف لفت نظري لبس الحريم صج ان الاغلبية لابسين عبي بس الله يهديهم احس انهم يعوضون بالجناط والشوز والملافع صراحة حدث ولا حرج اللي جنطتها بيضا واللي حمرا واللي صفرا واللي ملفعها متروس زري والا ستراس معقولة ماعندهم شي اسود ..بني.. مستحيل .. يعني انتي جاية تأدين واجب عزا والناس محزنين احس عيب الوحدة تدش جذي ع الاقل احترمي اهل المتوفي .. وهذا كلة كوم وصبغ الاظافر كوم ثاني خصوصا مع الوان الهبات اللي الحين .. اذا ماودج تمسحينه لبسي دس انتي كلها ربع ساعة وطالعة يعني مايضرج اذا فكرتي تراعين مشاعر الناس اللي انتي رايحة توجبينهم ... واتمنى ان كلامي مايزعل احد.. شي حرني وحبيت تشاركوني فيه .

 

[عرش الأنوثه]

عدل كلامج والله
انا يغثوني هالفئة من النااااااااااس
احس كل شي عندهم عادي

 

[مباركيه]

السلام عليكم ورحمة الله وبركاته


كلامج عين العقل ....العزا وأهل العزا لهم أحترامهم

الله يهديهم ويسامحهم حريم هالوقت ...لا الجنظه ولا الموبايل له داعي

 

[manoooram]

للأسف ان البعض ما يحشم ولا يراعي نفسية وحال أهل الميت وحزنهم على فقيدهم
تلقين البعض full make up وغير العباية اللي تبرق من الكريستال غير الألوان اللي فيها

 

[حمام شاقني فنه]

هي جت على هذي ! الناس بكل شي تغيرت

 

[لحظآتَ]

انا شخصياً ماعمري رحت عزآء
وأحس مستحيل اروح عزاء لإني مااحب اجواء الحزن ..

,

لذلك مااقدر أحكم على شيء ما شفته بعيني
بس حبيت اقول شغله :-
الناس الحين ماعاد توجب بعضها البعض .. إلا اغلب المواجيب نفاق ومُجاملات .. مو من باب المحبه والإخوة والعشرة !

راحت ايام زمـآن .. وأيام العشرة الصحيحه .. واللي تكون لله في الله

 

[الأميرة جوري]

كل شي تغروااا فيه مو بس بالعزاا

 

[قمر بيت أبوها]

مرحبا خواتي ... شلونكم ؟ اتمنى انكم كلكم تكونون بصحة وعافية ان شاءالله
صراحة هذا اول موضوع اطرحه اهني بالمنتدى وحبيت اشوف آراءكم لان الموضوع حده نرفزني :rgewrg:
السالفة وما فيها ان الاسبوع اللي طاف كان عندنا عزا واحد من اهلنا (الله يرحمه ويغفر له ) وانا كنت حاضرة ايام العزا كلها ف لفت نظري لبس الحريم صج ان الاغلبية لابسين عبي بس الله يهديهم احس انهم يعوضون بالجناط والشوز والملافع
((يهون هذا والله عندي :eh_s(2))
.. يعني انتي جاية تأدين واجب عزا والناس محزنين احس عيب الوحدة تدش جذي ع الاقل احترمي اهل المتوفي ..
(( البلاء لا صار أهل الميت مو محترمين نفسهم :eh_s(2))
واتمنى ان كلامي مايزعل احد.. شي حرني وحبيت تشاركوني فيه .

تدرين اعديتني لي سنتين قدام
كان واحد من محارمي متوفي وانسان طيب مهما قلت مااوفيه مات فجاه وعنده عيال صغار توهم:eh_s(2):
وعنده عيال وبنات متزوجين وكلهم نفسي نفسي
اللي مااقدر استوعبه لحد اللحظه موقف بنته الكبيره :eh_s(2):
انا قاعده اصلي العصر والرجال توهم دافنينه يعني الجرح باوله والفراق توها بد ت لوعته
تكلم زوجها وتتغزل فيها وانا اكبربالصلاه
اقول بنفسي لا ياقمر انتي تتوهمين واصلي ودموعي اربع اربع:eh_s(16):
ولما سلمت لفيت عرفت انه صدق مو اتوهم
وامها تمر من عندها تبكي بكاء وهي تقول الله يهديك يايمه مو وقته
آآآآخخخخخ ماعمري تمنيت اني مااجيب عيال كثر ذيك اللحظه
صحيحه هي تافه بنته ولي عليها بعض الانتقادات بس ماتوقعتها مرخصه ابيه تاج راسها لهالدرجه
وماتوقعت رجالها كلب لدرجة انه يسولفه معاها والناس تعزي
المصيبه عمرها ب40 لعن ابوها من دنيا صدق عقب هالموقف ماعاد لي امل فيها :eh_s(1):
العزاء له احترامه وماشرع بالاسلام الا لأجل التخفيف عن اهل المتوفي مو عشان تنكشف القلوب الميته اللي مايحترم العزاء يقعد ببيته احسن من انه يزيد الطينه بله :eh_s(16):
الله يرحمك يالغالي ويتقبلك بواسع رحمته ويجعل منزلك والمسلمين اجمعين جنات النعيم :yaaaaaarb:

 

[Pinky -cat]

والله حبيبتي الواحد ينقد على هالفئة بس ما باليد حيلة هم الناس حرة باللي تسويه وكل واحد فاهم الدنيا بطريقته الخاصة

ما نقدر ندش داخل عقولهم ونقولهم لا تسووون وسووا على كيفنا بس ندعي الله يغير الحال .

 

[حور ولا بالبحور]

انا سمعت انه في مكياج مخصص للعزا

شي غريب من رايي الواحد مفروض يراعي شعور اهلي الميت

و يحترمهم على الاقل ولا يتزين بهالوقت

 

[توت بارد]

انا بعد ماقد رحت لعزاء ..
الله لايبلاانا صدق همج وش ذا الناس ماعندهم قلوب ..

 

[دلوعه هانم]

عديمين احساس وعقل

 

[* ليــــدي *]

كل شي ولا اللي اتطقطق بالفون وتضحك باعلى صوتها !!!!
شي يقهر صراحه يحسسون انه مجرد مجاملات
بدون لا احساس ولا احترام حتى ..

 

[PuPa^^SWeeT]

الله يهدييهم انشالله

 

[نـــوارا]

تسلمون حبيباتي ع الردود وحدة وحدة
قمر حبيبتي والله كإنج تقرين افكاري لان صج حتى اهل الميت ماقاموا يحاسبون على تصرفاتهم الله لا يبلينا في ما بلاهم فيه
بينكي كات صج الناس حرة بتصرفاتها بس هذا مايمنع انهم يراعون مشاعر غيرهم > انا هذا رايي
حور .. سالفة المكياج هذي والله ماسمعت فيها .. شدعوه مو واثقين من نفسهم لي هالدرجة ولا خايفين ان محد يعرفهم من غير مكياج
ليدي .. صاجه الحبيبات مو قادرين يستغنون عن الفون حتى لمدة ربع ساعة

 

[أم حورية]

والله كلامج عدل وانابصراحة ما احترم هالنوعية من الناس لان اقل احترام ممكن يبدونه اهو احترام الميت واهل الميت وغير جذي بصراحة احس ماعندهم لا دم ولا احسااااس وحتى الحيوانات عزكم الله اعندهم احساس اكثر

وشرايكم باللي ميمعة حولينها البنات ويكسرون حب ويتضحكون بعزا يدتهم !!!!!!!!

استغفر الحمدالله الذي عافانا مما ابتلاهم به

والله لا يحطني بموقف اللي اطلع فيه صغيييرة بعين الناس

 

[لك الحمد ربي]

بذا الزمن كل شي معقول !!
الله يستر علينا بس ,,.

 

[عادت ذكرياتي]

الله يهدي الجميع .....

 

[روز بآريس]

الله يرحمه

عديمن احسآس الله يهدي الجميع حريم هالوقت

 

[هناء - Hana]

الله يهديهم ويصلحهم ي رب