شفيهم دكاتره الحقن المجهري والانابيب !! ليش جذي

[جنان ام عزوز]

السلام عليكم ورحمة الله وبركاته


بناااات



ماتتصورون شكثر ضايقه فيني الدنيا


احس نفسي ضايعه ماادري

وين ارووح

كل مااعزم على دكتور

يقولون مادي

مايهتم حيل بالمرضى


مثل مااجده شااطره بس الغالبيه اتفقوا انها ماديه

وماتهتم بحالة المريض ووحده بالقسم تقول ماشية على علاج الحقن الابر وكل شي

وقبل السحب بجم يوم سافرت الدكتوره ماجده

يوم كلمتهاا البنت قالت شلوون جذي

قالت ماجده اخذي احبوب ترفع الدوره مادري تنزلها على مااجي الكويت
!!!!!!

بالله هذا كلام


بناات

انا بعالج وعلى حسابنا مو على الدوله

والمبلغ مو شووية

ولاهو خساره على شوفة الضناا بالعكس فدوه

بس منوو يستاهل هالفلووس ؟؟!!

منو اللي بيقدر حالة المرضى ويراعي نفسياتهم ويمشي خطوه خطوه بالعلااج

مو بسررعه بسرررعه


والله اني في حيره من امري

وادعي ربي ان اطيح بيد ناس امينه تقدر شغلها وتهتم بحالتي وحالة اللي نفسي

ويبذلون الاسباب في سبيل نجاح هالعمليه من بعد الله

النتيجه كلها بيد ربنا سبحانه

وانا مؤمنه بالقضاء والقدر ومافي شي يصير بهالدنيا الا بقدرته

والدكاتره درجات وخبرااات

اكيد اللي يقروون موضوعي الحين منهم بنات قبل لا يسوون الحقن المجهري كانوا في نفس الحيره اللي انا فيهااا

ومرواا بهاللحظات واكيد وهم يقرون موضوعي يتذكرون شعورهم قبل لا يخطون اي خطوه في العلااج

شلوون التفكير يذبح تفكر اللي بسويها عنده بتنجح من بعد الله

والفلوس اللي انا جمعتهاا انا وزوجي عشان العمليه اخرتها فرح والا لااا ......



تكفوون بناات تكفوون ياخواتي طلبتكم


رشحواا لي احسن الدكااتره اللي تحسوون بصدقهم في العمل واهتمامهم بحالة الحقن المجهري ونسبة النجاح عندهم اعلى من غيرهم من بعد الله


وانا ماجربت احد اول مره بسوي حقن فمحتاره

بين حازم الرميح - فوزيه القطان - مصطفى تومسو - خالد حموده

اللي يعرفهم يقولي رايه فيهم بكل اماانه

واللي مايعرف يدعيلي ان الله يفتح علي ويرزقني بالتواائم السليمين المتعافيين ويرزق كل محروومه


:yaaaaaarb:

 

[عصير مانجا]

الله يرزقج يارب بتوم اتكلي على الله وروحي لدكتور ناهض حماديه بمستشفى المواساة عن جد انسان غير مادي وفاهم ويعطي المريض حقه واذا حابه تستفسرين اكثر شوفي تجمعه والله يوفقج ان شاءالله

 

[فانتا ستروبري]

الله يوفقج ويرزقج ​

 

[كويتية 112]

انا اراجع من جم سنه عند دكتوره هدى الزكري

انا عن نفسي ارتحت لها وااايد واحسها مهتمة فيني

واسعارها معقوله بالنسبه لي

انتي لاتفكرين وايد ادعي وتوكلي على الله

والله بيعطيج على قد نيتج​

 

[Q8_QT]

الله يرزقج ان شاءالله حبوبة آنا اشوف وايد يمدحون ناهض حماديه والفريق البلجيكي اللي برويال حياة
عن نفسي أراجع عند ماجدة كميخ وآنا سمعت ان اهي المسئولة عن اللجنة المختصة بأطفال الأنابيب

 

[عالم البزنس]

الفلوس تغير النفوس والله يهديهم هالدكاتره صج بعضهم ماديين
وبعضهم يتعمدون يخلونج تسوين تحليل اكثر من مره عشان المصاريف تزيد عليج

 

[جنان ام عزوز]

يارب سهل امورناا

ماجده الكميخ ويين مكانهاا ؟؟ اول مره اسمع فيهاا

اللي تعرف دكاتره زينين تقوولي

انا ابي دكتوره يابنات مو دكتووور

 

[kitty eyes]

مالج الا الفريق البلجيكي برويال حياة

 

[مزيونه & شقره]

الله يرزقج بس سالفه الدكتوره وسفرها ماسافرت الا اكيد عندها ظروف وهي بشر حالها حالنا

 

[bint_looda]

انا مفكره اروح حق فوزيه اذا الله سهل من بنات المنتدى شفت اشكثر مدحووها ويارب تكون عند حسن الظن

 

[قلب مغليك]

ناهض حماديه
أكيد التكلفه عموما غاليه بس نفس الباقي
لكن هناك اهتمام بالمريضه ككل
الممرضات
والسكرتاريه
كل شي منظم
والدكتور كلش مو مادي مارضى يسويلي شي الا لما اكمل سنتين يقول احسن خل ننطر

 

[جنان ام عزوز]

بناات

اللي يقولون ساافرت اكيد عندهاا عذر

اووكي

بس تعووض اللي تعاالج عندهاا لانها دفعه وتخسرت وهاذي مو سالفتي السالفه اناا عرفتهاا اهني بهالقسم من قراياتي لبعض المواضيع


اناا رااجعت ثالث يوم الدوره عيادة فوزيه
دخلت على شيمااء

واااااااي شكثر احبهااا هالانسانه طييبه حبوووبه

اول ماشافتني قالت انا زعلاانه عليج ويينج بعد التلقيح اختفيتي عالاقل طمنيني علييج

واي فديتهاا

قلت والله بعد التلقيح وقفت ماصرت اراجع دكاتره

والحين قلت خل ابدا خطوه شي كبيره والله يسهل

وقالت اجي للعياده 20 الدوره عشان ابر 21 الدوره

وربي يسهل علي يااااااااااااااااااااارب ويرزقني ويرزق كل وحده خاطرهاا بالحمل تعالج والا ماتعاالج ربي عطناا مانتمنى ياارحييم

 

[جنان ام عزوز]

ربي لاتذرني فردا وانت خير الوارثين

 

[منال66]

ارشحلج الفريق البلجيكي عند الدكتور فاطمي

 

[So MuCh PaIn]

العطايا عطايا رب العالمين واهما سبب قاعدين يستغلون حاجة البشر حسبي الله عليهم ونعم الوكيل اوكي اخذوا حق الادوات والاجهزه وشغل ايدكم واستربحوا حالكم حال خلق الله بس لا تنهبون العالم بهالطريقة ... ولو كانت الدكتوره عندها ظرف عالاقل خل تعوض المره
انا عن نفسي كلش ما احب دكاترتنا المعروفين من معصومه و فوزيه وعاليه و ماجده عندي اروح حق الجناسي الثانية ولا هذيله لانهم ماكو رحمة حتى لو ضغط عليهم لو اجاراتهم غاليه بس مو جذي بوق عيني عينك
انا مره وحده بحياتي رحت عند معصومه مخصيد وخذت من مبلغ وقدره ريلي عصب علي وتهاوش معاي لانه صج المبلغ مبالغ فيه وعلى شغلات بسيطه

الله يكون بالعون وانا اقول المكان اللي تحسين فيه الراحه روحي له

 

[القلعة الذهبية]

الله يرزق كل محروم ويسعدكم بشوفت عيالكم

 

[Om_Mubarak]

أرشح دكتور ناهض حمادية بالمواساة , دكتوووور راااائع بكل معنى الكلمه شاطر و فاهم و شاطر و غير مادي ابدا بس مشكلته الززحمه أنا عادي انطر ساعتين ثلاث و اكثر عشان ادخل له .. بس صج ممتاز و السسترات إلي معاه يهبلون.. الله يجزيهم كل خير و يوفقهم يا رب

 

[أط أط]

ماعرف والله ..

بس حبيت أدعيلج ..

يارب الله يرزقج بالذرية الصالحة عاجلاً غير أجلاً ..

ويفك ضيقتج ان شاء الله ..

وإن شاء الله تحملين طبيعي بدون دكاترة ولا شي .. آمين ..

 

[جنان ام عزوز]

جزااكم الله خير كلكم يابناات

الله يرزقناا


انا خلاص رسيت على فوزيه القطان

فاتحه ملف من زماان

مالي خلق فتح ملف مره ثانيه وحووسه

والله يسهل عليناا ياااااااااارب

 

[زينة الهيلا]

ناهض حماديه دكتور خلوق ومحترم وفاهم ويسمع لج كلهم غالين بس اللي مثل حالنا يبي احد يفهمه ويسمع له اتكلي على ربج وروحي له دشي التجمع تبعه وشوفي اراء البنات فيه انا كنت عند ماجده اليتامى مهزله بكل ماتحمله الكلمه من معنى لا احترام للمواعيد ولا احترام لشعور المريضه ولا يسمعون لج ومادين زياده عن اللزوم والسستاتر داجين ومافي تنظيم وناهض يكفي عنده هدوء وتنظيم وترتيب ويكفي انه يقوم بنفسه ينادي المريضه ويوقف لها

انا عنده ومن بعد الله علاجي وحملي باذن الكريم على ايده