شفييهم المراهقات

[PuPa^^SWeeT]

شلووونكم

انا مدرسة

واشووف فيه موضة هالسنتين

بين الطاليات

وسري عالكلمة

بس موضة حقييرة

لما يشوفوون ابلة اي ابلة مايحبونها

سوااء لأنها اتزفهم ولا ماتشرح ولا ولا

يقوموون اييبون موبايلاتهم و يصورونها ؟؟؟

@@@@@@@@@

ليش ابي افهم بس ليش ؟؟؟؟

احنا بعد ننقث منكم شدعوا بانيي انصوركم ؟؟؟

شدعوا

وياليت يعني بس على جذي
ناويين ادززونها على بعض و ينزلولنها يوتيوب

يعني الابلة بتنفضح و تطلق

ليش هالحركة اليديييدة هذي

؟؟؟؟؟؟؟؟؟؟؟؟؟؟؟؟؟؟

المفروووض يعطوون اي معلمة بدل خطر


بتقولووون شدرااج
اقوولكم بمدرستي

فاصلين طالبة متفوقة

لأنها صورت ابلة بالحصة واهيا تشرح

الابلة اتقط نقابها بالحصة ؟؟؟؟

وكانت اتدزها حق بنية عندها ايفون مادري ب ب

علشان اتنزلها يوتيوب

ماجكوو البنت الثانية لأنه ماوصل الفيديو لها فا ماهتموو وايد


بس هذي البنت متفوقة

يعني حتى المتفوقات ينخاااف منهم ؟؟؟؟

الحيين يقولوون لأنها اتزف بالحصة

باجر على اي سبب يصوروون

اذا مانردعوو

يا امهات اللي تقرا موضوووعي

ياليت اتنبهيين بنتج

لأنه الطالبة الحيين متفوقة

حولووها اهيا و ابووها التحقييق

ريل الابلة ماسكت و ويبي ياخذ حق مرته

وزين يسوي صرااحة



وياليت الوزااارة صرااحة

( ادري بتضحكوون )

بس نبي بدل خطر

ونبي بودي جاردات


لأنه حياة المدرسة الحيين جنها حياة اللي يدش المافيا



المايك لكم ​

 

[PuPa^^SWeeT]

اب اب اب

 

[كويتيه برونزيه]

صراحه مو خوش حركه

حرام عليهمم

ومفروض الاداره تحط لهم حد الي تيب وياها موبايل فصل

الله الحافظ

 

[نفهمها صح]

مشكله الي ميخفوون الله
وزوج الابله زين سوو عبره لغيرها
وهي مستفدة شي غيير جرجرت ابووها المخفر
الله يهديهم

 

[p!nk!a]

نفس أمس وحدة يايبه البلاك بيري مالها و كان عندنا أبلة عربي احتياط..
وهالابلة تموووووت عالشعر البدوي و القصايد البدوية و أحيانا تقول القصيدة بشكل يضحك..قومي يا فلانه سجلي صوتها ودزي حق رفيجاتج اللي بالخدمة مالت البيبي ام
و الله صراحة مال أي وحدة يشوفون معاها فون ياخذونه منها و لا يردونه

 

[كلي أنوثة]

ويييع كنت بشتغل بثنوية بس شكلي بهون يخرعون بعض البنات الله يعينكم صراحه

 

[الينبوعة]

اي والله موضة المراهقين كل يوم طالعينا بسالفة الله يهديهم الصراحة حركة سخيفة ​

 

[PuPa^^SWeeT]

على فكرة انا مرحلتي متوسط


يعني تخيلوو متوسط يتصرفوووون جذيي

وفيها بعد مراااادد مو طبيعي ويييع صرااحة هالبنات مادري شنو يفكروون فييه

ماكو فكر ولا شي
بس لبس و مكياج و فوون و بوي فريند

 

[mariamama]

الصراحة قوية انها تصور ابلة او تسجل صوتها
مفروض يحطون جهاز عند باب المدرسة يعرف اذا جايبين جهاز معاهم ولالا
بس الحمداللة مدرستي مافيها بنات جذي يصورون الابلات او يسجلون صوتهم

 

[Tom ♥ Jerry]

.


خل الادارة تتصرف

 

[marmaid]

أييي وييييع هابين فيها هالحركة ..
ذاك اليوم فاصلين بنية بمدرستي لانها مصورة ابلات وناشرتهم بيوتيوب ;/
الله يهديهم بس ..

 

[Francais]

احنى مدرستناا الحمدلله مايسوون هالحركاات لكن في بنيه جايه مدرستنا ناقلينها تاديبي لانها مصوره ابله وناشرته بالفيس بووك وقاطينهاا عندنا وانا صرااحه مستغربه ماشالله عليهاا داومت يوم وااحد ولمت شله الله ليوريكم خصوصا انه هالشله "الله بالخير " وجايه تخربهم ...
وبعدين بعد مو عليكم يالابلات حتى في بنات يصورون بناات وينشروونهاا والمسكينه البنت ترووح فيهاا

 

[بنت احلام]

استخفو البنات
وين ناظرات قبل
حتى دلاغاتنا كانم يفتشون عليهم يممشونا على الصارط المستقيم محد كان يتجرأ على المدرسات
مفروض نتشدد معاهم

 

[Sosota_20]

يبتيها راايت ,,
والله شكثـر عندي بالبيبي حاطين صور ابلاتهم

والعاام بنات مدرستي مصورين ابله فيديو واهم يمصخرونها ويقطون اغراضها بالصف وناشرينه بسيتات بيكزو
والشباب يشجعونهم عاشوو بنات الكويت حيلكم فيها @@

بس رفيجتي قبل جم يوم تقول ان ابلتهم مصوره مظاهرات البنات بالثنويه على سالفة صفوفهم كلها اغبار ومايبون يقعدون فيها وناشرته على لابلات ,,
المدرسه اتوقع برميثيه او سلوى

ويعطيج العافيه ع الموضوع وانشالله يعطونكم بدل خطر خخخخخ << الاحلام بلاش

 

[ترانيم القصيم]

أيش هذا ؟ @.@

المفروض يسوون تفتيش يومي بشنط البنات و البنات أنفسهن وحدة وحدة

و يستخدمون الجهاز آللي يكشف وجود أي جوال ..

الله يستر على الكل و الجميع يا رب و حسبنا الله و نعم الوكيل

يا بنات مثل ما فيه شياطين جن ترى فيه شياطين إنس ,, حافظن على الأذكار !! على دعاء الخروج من المنزل

تسلّحن بالأذكار , لا تفارق ألسنتكن أبدًا , الأذكار مهيب بس حتى تقينا من شر الجان !! و إنما من شر الإنس بعد ..

الله المستعان و كفى ,

احترامي و تقديري

ترانيم القصيم

 

[Johnson]

يقولون :| ...

الله يستر

 

[Fashion]

اي والله واليوم سووا لنا تفتيش بالمدرسه بنت مصورة ابله وبنات يبووووووي طول اليوم وهو تفتيش بكل مكان يفتشون حتى بالصدر يتلمسوون

 

[FrFaSha]

وووي شنو هذا .؟! حدهـ يخرعون البنات

عاد اليووم قاعده تسولف معاي اختي على هالموضوع تقول بنات يصورون الابلات وجذي

يعني جد عيب مهما كان شنو بينج وبين الأبله مو حابتها كارهتها لأي سبب كان ؟!

ما يحق لج يا طالبه انج تصورينها وتفضحينها ؟ جد عيب يعني تصرفات غريبه هذي ؟

بس أحسن شي تفتيششش يومي مع طابور الصباااح ويكون أحسن تفتشوونهم من أول

مايدشون باب المدرسه عشان ما يمدي الوحده تخش فونها ولا شي .. والله يعينكم بصراحه

ويهدي هالبنات .

 

[طرف دمعه]

الصراحه الصراحه ذي وانتو سالفه تحقيق ومادري شنو
والله احنا ف البحرين ماقول لكم بس الابلات الي اييونهم لنا يا مصريين او غيرهم من الجنسيات
والله لا شرح مثل الناس لا ادب مثل باقي المعلمات
حتى السب تسبنه شحقه
فأحنا مو نصورها لا نسويها خلجه ونمسح فيها الارض واذا في امها خير المديره تتكلم
لانه كل مانرفع بلاغ انه هل الابله مانبيها
توقف مع الابله شححححقه ؟؟؟
يعني لهم اهم حقوق وحنا لا
طبعاا صار لي سنه وشوي تخرجت
فمادري شسالفه المدارس الي عندنا احين

 

[دعابة الشـتاء]

الصراحة على ايامي كنت اعتبر المدرسة وكر للحلات النفسية ام الحين على كلامكم اصبحت وكر للبلاوي
المفروض سياسة المدارس تتغير بتغير الزمان لازم الناظرات يمنعون التلفونات انا كنت في فترة التليفونات ممنوعة
اتفاجأ بطالبات بمدارس ثانية يجون عندنا مدرساتها غير كويتيات فيخافون من شكاوي الطالبات فيصير الوضع سبهللة
لدرجة اني سمعت عن طالبة تستاذن من المدرسة الغير كويتية عشان تكلم حبيبها والمدرسة داريه وساكته