شقتي يديده شسوي؟

[بنت مشرف]

السلام عليكم ..
بنات بقيت مساعده اصغيره
انا شقتي يديده بس ماراح اسكن فيها الا بعد شهر تقريبا ..

اخاف اتخمر ادراج وكبتات المطبخ والحمامات:eh_s(4):

شنو احط فيها عشان اتظل ريحتها حلوه على طول
مع العلم اني للحيت مابلشت بالاثاث توني بالديكور:q8:

 

[بنت مشرف]

شدعوى محد يعبرنا:s

 

[كيت كات]

هلا حبيبتي
ليش اتخمر ؟؟ انتي مو مخزنه فيها شي
اعتقد اذا انتي مو حاطة فيها شي ماتخمر بس نثري بودر الحشرات وبس
ان شاء الله البنات يفيدونج

 

[زهقاانه]

اي والله انا مع الاخت كيت كات .....((اسمج مع الرجيييم يدووخ))

صح انتي مو حااطه فيها شي عشاان اتغير ريحتها

واذا كنت تخاافين انها اتغير شي فيها حطي الاجيااس المعطره فيها

بس اخااف مع التصكيره اهني اتخمر

بس لا تحطيين شي .....انا خذيت رااحتي قااعد اسولف وجني اسمع الرد

على البركه ان شااءالله المسكن الجديد وتهنوون فيه بأذن الله

 

[شوشو الكويتيه]

حبيبتى الله يعطيج خيرها ويكفيج شرها وان شاء الله منزل مبارك
مادامج ماسكنتى فيها ومافيها اغراض ان شاء الله ماراح تصير فى الشقه ريحه
بس كل ثلاث ايام مرى ونظفيها وبخريها واهم شى اقرى قران فيها لانها خاليه ومهجوره

 

[بنت مشرف]

الله يبارك فيكم مشكوريين حبايبي على ردودكم وماقصرتوا

 

[sara al3soola]

الله يوفقج اختي