شققنا صارت مثل بيوت الحمام ساعدوني؟؟

[فروحه*]

بنات اشلونكم تكفى بنات انا ببدي افرش شقتي لا ن عرسي ورا رمضان والمشكله الشقق بالكويت صايرة واايد صغيرة ..وبصراحه محتارة اشلون افرش البيت وأي لون اصبغ واي لون احط الفرش ..مع العلم انه شقتي غرفتين غرفه بفرشها للبيبي وغرفة بفرشها حقي انا وزوجي ابيكم اتساعدوني بالالوان حق الغرفتيين والصاله تكفى بنات لاتبخلون علي بردودكم.....:sfg:

 

[عمار يا كويت]

اذا الشقة صغيرة حطية فيها الاثاث المودرن البسيط لا تسوينها لويه وزحمة .. وغرفة البيبي اجليها لين الله يرزقكم بالذرية الصالحية والله يوفقكم

 

[فروحه*]

تسلمين على مرورج يا عمار ياكويت

 

[ام فارس و محمد]

طالما الشقه صغيره .. يبقي الوان الصبغ لازم تكون فاتحه لتعطي شعور بالوسع

بحاول اساعدك بافكار مصوره .. بالنسبه لالوان الصاله و غرفة النوم

اي لون ممكن فاتح حلو انا بحب الدرجات الفاتحه من الوان الكراميل ..

العاجي

الاصفر الهادي المريح للعين

و ممكن تصبغي طوفه واحده في الصاله و غرفة النوم بشكل و لون غير الباقين

مثلا لو اخترتي لون غرفة النوم تفاحي فاتح اللي ورا السرير ممكن تكون بنفس اللون لكن فلفيت بطبعه دهبيه

ذي الصوره

و نفس الحركه في الصاله

و السيراميك ممكن يكون بالوان وسط لا فاتحه تتوسخ بسرعه و لا غامقه تضيق المكان

و نفس الدرجات اللي فوق حلوه

نصيحه مني حاولي اختاري الاثاث اول بعدين الصبغ عشان ما تلفي كتير في السوق

لانه اختيار الصبغ بعد الاثاث اسهل من العكس .. و خلي الاثاث مودرن لانه الكلاسيك ح يعمل زحمه

و هذا موضوعي .. موسوعة غرف النوم ممكن تاخدي منه افكار

http://www.q8yat.net/showthread.php?t=627185

ممكن تضيفي مرايه كبيره او وسط للتوسيع ذي كده

اي سؤال انا تحت امرك

في امان الله​

 

[ام فارس و محمد]

بالنسبه لغرفة البيبي في الوان حلوه

ذي الاصفر مع الاخضر الفاتح

 

[al-7aneen]

الالــوان الفاتحه والشغل السمــبل

تقبلي مــروووري .. ^_^

 

[المستبــده]

مشالله ام فارس ما قصرررت

ودام شقتج صغيرره انصحج تاخذين قنفات اللي يصيروون حرف الأل l
لانه القنفات الكبيره اتصغر الصاله

ولا تفرشين غرفة البيبي لانه بسم الله ليلحين ما عرستي خلي الغرفه الثانيه تحطين فيها مثلا كبتج عشان غرفتج تتوسع وماتكون ضيجه

واذا الله رزقج يحلها الف حلال

 

[( المـلاك )]

حبوبة دام شقتج صغيره

اول شي الالوان لازم تكون فاتحه وناعمه
لانه الفواتح تعطي احساس بالوساعه

ثاني شي خلي اثاثج بسييييط جدا وناعم وهادي وحلو
لا تاخذين الطراز العربي ولا الاسلامي ولا الروماني ولا هالسوالف الضخمة وسوفا و كرسي ووو
اخذي قطعه وحده على حرف ال او حرف يو و لونهم ساده و لزقيهم بالطوفه
يوسعلج المكان بعد

و اخذي التلفزيون بلازما او ال سي دي المهم شي يتعلق بالطوفه
وحطي تحته ارفف بسيطة وحطي عليه الاجهزه والديفيدي وغيره
لا تاخذين كبت بوفيه شكبره وتكودين عليه اغراض

و راعي الالوان تكون ساده و هاديه
بلا نقوشات و وول بيبر وديكورات قوية

و اثاث غرف النوم خليه صغير و بسيط
لا تاخذين الفخم ولا الكرفايه الطويله العملاقه


=)

 

[مناوي الكويت]

الشقه الصغيره تحتاج الوان فاتحه احسن شئ واثاث بسيط كلما كان الشئ بسيط احلى

 

[قصة_هوانا]

ذووووووووقي كلش غير ةاغلبيه البنات يقتوحون البسيط فماابي اخيلج حيرانه

وتقبلي مروري