شقق فندقيه في دبي

[راعي المثل]

1- عندي استفسار أبي شقق فندقيه موجوده في دبي .

وتصلح لعائله . واسعارها معقوله .









2- وشنو الاماكن السياحيه الموجوده قي الامارات . مثل دبي

والعين وراس الخيمة والفجيره والشارقه وعجمان وام القيوين؟






3- في عن طريق الانترنت حجز لفنادق دبي ؟

 

[مدرسة طفشانة]

عندج فندق جرماند للشقق الفندقية أسعارهم حلوة ومكانهم قريب على شارع الشيخ زايد والشقق نظيفة وحلوة
وفندق الرمال الذهبية شققهم نظيفة وراقية واسعارهم حلوة

 

[ريم البنفسج]

حياتي يا مرحبا بج في الامارات بتنور أكيد بوجودج

شوفي الغاليه دبي ما يبالها وصف في كل المولات واحلى مولات من وجة نظري
دبي مول - مول الامارات - مردف سيتي سنتر - ديرة ستي سنتر

وعندي ذا ووك مكان كله كوفي شوب ومطاعم واااايد حلو وخاصه في الليل ومن الجانب الثاني فيه شاطىء
وفيه الدراكن مول (السوق الصيني) اذا تحبين المنتجات الصينية
وفيه عالم مدهش للاطفال وعندج كذا مكان ..
ولا تنسين برج خليفه والناافورة الراقصة

العين مدينة هادية فيها ثلاث مولات أفضلها البوادي مو وعندج جبل حفيت ما في أروح من انج تروحين القمة وبالسياره
وفي المبزرة الي فيها الماي الحار ,,

بوظبي تقريبا مثل دبي بس عندهم عالم فراري و كورنيش بوظبي ومولاتهم حلوه ..

الفجيرة متميزة بشواطيها الحلو ومنتجعاتها البحرية ..

وموفقه الغاليه حبيت احط بعض الافكار عشان اساعدج واي سؤال حاضرين
وترا بالنسبة للشقق الفندقية واايد بس ما قدرت انصحج لاني مب من سكان دبي ..{}ْ~|

 

[wardat uae]

مرحبابج بالامارات
حبيبتي انصج سها للشقق الفندقية موقعها في المارينا ( ذا ووك ) او امواج في نفس المكان

انصحج بهالمكان لانه نظيف وغير هذا كل احتياجاتج من مطعم وكوفي وسوبرماركت وصيدلية وممشى وبحر بتلقينه في هالمكان
وفي مول قريب منه بعد اللي هو مارينا دبي مول ... وطبعا في اماكن وايده في دبي لو نقعد لي باجر ما بنخلص ...


ابوظبي : عالم فراري - مارينا مول - الخادلية مول - ابوظبي مول - الوحده مول - الراحة مول - فتوح الخير

العين : البوادي مول - الجيمي مول - العين مول

الفجيرة : منطقة جبلية حلاته للراحه عندج منتجع ميريمار - فندق العجة هالاثنين وايد حلوين

راس الخيمة : عندهم الحمرا مول - والمنار مول وعندهم فندق الكوف روتانا فيها غرف وفيها شاليهات والشاليهات فيها مسابح داخل الفيلا نفسها

ام القوين مافيها شي

الشارقة : فيها السوق الجديم فيه اشياء حلوه - ميغا مول - صحاري مول


هذا اللي يحضرني لي الحين واذا تبين اي تفاصيل او معلومات طرشيلي على الخاص وانا في خدمتج ...

 

[bodo0or]

احنا نتعامل مع شقق " الضيافة " اظن رقم ٣

قريب جدا من مجمع سيتي سنتر الديره

اسعارهم معقوله وتقدرين تحجزين عن طريق موقعهم بالانترنت

 

[عاشقه غربه]

والله الشقق اللي صج عجبتني اسمها ساحل اللؤلؤ يم الامارات مول ...تقدرين تروحين للمول مشي وبصراحة وااايد حلوة وواسعة ونظيفة وتقدرين تحجزينها من النت من بوكنج اسمها بالانجليزي على ما اظن pearl cost

 

[Miss nerd]

الله يعافيكم ابي شقة جمب المترو وتكون زينه وسعرها زين غير جبسي