شق لفتحة الفرج

[ياغفور اغفر لي]

مرحبا بنات


الحمدلله انا ولدت بمستشفا الفروانية طبيعي. بجرية بس شاقيني لي فتحة الشرج عزكم الله

وخيطوني تجميلي وبنات انا بجرية وموعارفة شي وانا احس بالم وخايفة شنو تنصحوني فيه
يعني انا الحين تشوهت ولا شنو

واللي صار لها نفسي تقولي

وادعوا لي تكفون

 

[الأميرة جوري]

استخدمى الغسول والمرهم اللي صرفوه لج وغسلي بماي دافي يرررررررريح

 

[كتالونيه]

عادي حبيبتي هذا شي طبيعي لاتخافين
بس غسلي بماي وملح وبسرعه يروح العوار خلال ايام

 

[بنت الدوام]

عادي حبيبتي رفيجتي نفسج

خيطوها 15 غرزه وماكنت قادره تتحرك من العوار 10 ايام

لما راحت حق الدكتوره قالت لها هذا كله طبيعي لأن الجرح قاعد يلتئم فيشد معاج

لا تحاتين حبيبتي لا تشوهتي ولا شي ومع مراجعاتج سئليهم وتمي على الادويه والغسول والعلاج

وحافظي على اكلج ولا تاكلين خرابيط

كا رفيجتي من بعد ولادتها هذيج الحين حامل شحلاتها مافيها شي

 

[شفايف كرزيه]

ان شالله البنات يفيدونج بس الخياط يعوور باول الايام
انا فعد ع ٢٠ يوم ذبحني وان شالله سهالات
ولا تخلين المرهم
وعلاجج

 

[عيالي ذيابه]

عادي حبيبتي
انا عيالي 2 وشاقيني نفسج مؤ علي جنب
في البدايه خفت لان اعرف كثير يكون مائل الفخذ من داخل
وطلع عادي كل دكتور وطريقته ...والألم عادي حطي بنتادين
اذا انتي خوافه من تلمسين الخياط في بنتادينن رش حيييل حلوو

 

[Zaina-al-zaina]

اخ اخ من اقرا كلامكم احس بالم !!!

انا ماجربت الطبيعي بس قيصريه وحده ):

امبيه شكلي بهون واطلب الثانيه قيصريه لان مرات اقول كافي شق واحد ): !!!!

الله يعين كل ام صج صج الولاده مو شويه

 

[ريح قهوه]

الله يعينج ليش جذي يشقونج حسبي الله عليهم حتى لو كان البيبي كبير بس ماتوصل لي اخر الفتحه ما ادري انا ما اعرف كل اللي اعرفه من معلوماتي انه مو زين يشقونج جذي

 

[ياغفور اغفر لي]

البيبي مو كبير ٣كيلو بس

بس شقوا جذي يقولون عشان انتي رفعتي نفسج جذابين انا حاسه بعمري كنت


انا مادري شسوي بس كله اقول ان مسني الضر فلا كاشف له الا الله

وانا ممنوعه من الاكل بس دريب اول ٣ ايام وعصاير الحين

والاميرة جوري ماعطوني غسول ولا مرهم شنو اقول لهم

والزين نصيحة خلج ع القيصري والله

 

[كاكاووو]

حبيبتي الحمدلله ع سلامتج
أنا بعد مستغربه ليش جذي شاقينج !
هذا أي مستشفي ؟؟
والله لورايحة الصباح مايشقونج جذي
معني البيبي نتفه !


روحي حق اي دكتوره وقوليلها عن حالتج عشان تعطيج مرهم وغسول

 

[انوار87]

السلام عليكم
البيبي حجمه زين مو نتفه و اصلا 90% من الي والدين اول مره لازم يشقون
هذا طبيعي لاتحاتين بس اذا خايفه وحاسه بعوار تقدرين تروحين المستشفى وتقولينلهم العوار ذابحني
ويجيكون عليج

 

[كاااااااايدتهم]

مستشفى الفروانيه يمكن سياستهم الجديده هي هذا الشق انا نفسج هم شاقيني جذي ويوم سألتهم قالوا انتي رفعتي نفسج
جذابيين لارفعت نفسي ولاشي بس عليج بالغسول والمرهم
وماتشوفين شر ان شاء الله

 

[om_3azoz]

شدعوه اللي قالت 15 غرزه اوله @@

انا بجري 4 غرز وهل ولاده 3 غرز بس من برا

داخل عاد مادري ,,


بس انتي غسلي بماي وملح ونشفي المنطقه عدل وحطي المرهم والكريم اللي معطينج ااياه وان شاءالله مافيج الا العافيه

 

[ام اغلى الناس]

حمدلله على سلامتج
ا ول مره اسمع هالسالفه
انا خياطي على جنب وكنت ادسبوعين احس بالعوار
روحي اقرب صيدليه يعطيج بخاخ وغسول وكريم بيتادين
يهبل
وممكن بعد تحطين خوا جوا
اذا مو مرتاحه روحي لاي مستشفى خاص يفحصونج ويقولون لج طبيعي ولا فيه شي غلط

 

[انا لها شمس]

الله يعينج
٣ غرز وتلتهب وتورم ونموت

اقرررب صيدليه اخذي كريم ميبو دام المستشفى ماعطوج
وحطي منه ع الغرز ٣ مرات باليوم

وحطي غسول المره ع الكوتكس ولبسيها عشان لايلتهب المكان وصج وقتها بتموتين من
الالم وماتقدرين تتحركين

وبعد اسبوع روحي راجعي دكتورتج وشوفي الجرح طبيعي ولا يبيله تلحقين ع عمرج

وتنفسي عددددل بهالبرد لايحوشج خراب وتبتلشين وانتي بجريه توج


بالسلامه

 

[r0007]

انا اختي باول الشهر اولدت ثاني بيبي لها
عاد اول ما دخلت قاعدين يسوون لها فحوصات ومدري ايش
المفروض يولدونها على طول لانو هي طلعت من البيت وقاعد ينزل ماي
المهم لانها شربت زنجبيل ودارسين ووو
قولوا ماشاء الله ولا حول ولاقوة الا بالله
ماخذ لها ساعه الا ولدت وطبعا انفتح الجرح الاولي
لانو مافي فرق بين اول حمله غير سنه
وانفتح لين تحت يعني مثلج وخيطوها الحين صارلها 12 يوم ولين الحين تحس الجرح مابرا

 

[عنووشه]

حسبي الله عليهمم. بس بعرف هم دكاتره ولا شنووو

اللي اعرفه الشق يكون علي جنب وماااايل مايصير خط واااحد


امبيه اشلون تخرجيين

اكيييد بيعورج اكثر

الله يعييينج يااارب

 

[زهور المحبة]

انا ببجري والده بالخاص
ودكتورتي خبره وكانت بالصباح

بس هم كانت جارحتني نفسج وفعلا العوار يذبح
دام ماعطوج شي
روحي اشتري مطهر علبته خضرا بيتادين
وكريم للخياط
وبخاخ
وعليج بالخوا جوا ترا ماريحني الا هي والكريم
ولاتخلين الخباط ينشف لان يعووووور حطي الكريم علطول

 

[عالمي المجنون]

ويع يا النفاس

الوحدة ودها تحمل من تتذكر الخياط تهون

روحي الطبيب احسن انا خياطي كان ع جنب

 

[ياغفور اغفر لي]

مشكورين بنات ع تفاعلكم

انا للحين بالمستشفا ماطلعت يمكن بكرة اطلع

ماعطوني ولا شي ولا سويت بجرحي شي بس مطهر بيتادين احط منه انا