شكثر انطر من بعد مااييني طلق ؟

[ميس:)]

السلام عليكم بنات عندي سؤال انا الحين باخر الثامن ودي اعرف اذا ياني طلق شكثر اقعد بالبيت وبعدين اروح المستشفى لان سمعت اني اذا رحت مبجر راح يحسرون فيني فحص وتوسعه وحدة قالتلي انها نطرت ست ساعات وراحت طلعت مفتوحة اربعه بس فمادري شكثر انطر ودي اروح دايركت ولادة والله يسهل عليننا وعندي سؤال ثاني بخصوص الفحص صج اذا رخيت جسمي مااحس بعوار ؟ وايد مخترعه من هالفحص سمعت عنه وماجربته الله يستر

 

[توحه1]

حبوبه على حسب الوحده وطلوقهاانا نطرت يوم وبعدها رحت وفحصت ولا ٦ اصابع ومع التوسعه وتحاميل بعد ساعتين مندخولي المستشفى اولد بالسلامه


الله يسهل عليج وعلينا من عسرج لي يسرج

 

[f@rsaq8]

up

up

 

[Brounzi_girlly]

صراحه اتوقع يختلف من وحدة لي وحدة بس الافضل ماتروحين على طول او روحي وفحصي اذا ماوصلتي 4 لادشين
والله يهون عليج يارب
مع التحية..........

 

[توحه1]

حبيت افيدج بشي سواء دكتورج من المستشفى او خارجها مايدخلج ولاده الا مفتوحه 4 واذامن خارج المستشفلى ماايلج الا من 5اصابع

 

[hanadi-77]

هو على حسب كل وحده بس انا بقولج شنو صار معاي قبل لا اروح المستشفى شوفي انا الساعه 3 الفجر نزل معاي دم وردي خفيف عادي مسحه من دون الم ولا شي سالت اختي قالت نطري شوي وشوفي بعدها بجم ساعه بديت احس بالام مثل الام الدوره وما اقدر انام على الجنبين كلش الساعه 11 الصبح قلت لمي وودتني للمستشفى وهناك بالفحص طلعت مفتوحه 4 سانتي وماسمحو اني اقعد بالغرفه العاديه لازم تدش غرفة الوضع ونجهزها للولاده يعني احطون الاجهزه والحقنه الشرقيه يعني يبيلج داخل من تغيير لبس ودخول الحمام نص ساعه بعدها اسون لج فحص كل 10 الا ربع ساعه ونتي ع السرير بس بقولج شغله الفحص وقت الولاده اذا انتي في ولاده ماتحسين فيه لكن اذا مو مفتوحه اصلا اكيد بعور فاهمه وبعدين دشي الولاده ولا تفكرين شلون وشنو راح اصير هدي نفسيتج وعادي والله ترا فيه حريم اعظمون الامور فيه من الكذاب وفيه منهم الصادق يعني الي فعلا تعسرة ولادتها هي الصادقه وفي لا اخافون من العين والحسد تقولج انا تعبت وبغيت اموووووووت وهي ماحست بشي اصلا ولادتها سهله شوفي اقرب مثال الهنديات الوحده تولده بالحمام ماتحس فيه اهو الله سبحانه وتعالى منظم ومرتب كل شي بس خوفنا اهو الي اعسر الامور وهول لج بموووووووووت واي لا هدي نفسيتج وحاولي تساعدين نفسج والبيبي انا اعرف وحده دخلوها عمليات وهي مافيها شي بس عشان هسترت بالولاده ونا اعرفها شخصيا تخيلي ما كان حتى طلقها اعور بس خافت من الولاده وهي بعدها ما انفتحت اصلا بنجوها وقالو عمليه اقصد انها في المرحله الاولى من الولاده يعني شوفي الخوف شنو اسوي انتي سالتي ونا جاوبت لج عشان نفهمين عدل وانج ترخين في كل شي احسن لج وترا كل شي على الله وسهالات

 

[مألوفة]

حبيبتي على حسب كل وحدة وطلقها انا ياني طلق الساعه ست ونص الصبح ٨ وربع ولدت ومن رحت المستشفى الساعه سبع مفتوحة ٩ سنت ربج المسهل والله يسهل علينا وعليج يا رب بس احسن شي اتكملين شهرج لانو اللي ما تكمل شهرها ما تنفتح بسرعة سبحان الله

 

[دانـــه]

على حسب كل وحده انتي المفروض ما تنطريين بعد لي كان الطلق منتظم والفرق بين الطلقه والثانيه عشر دقايق المفروض تروحين المستشفى

انا اعرف وحده بجر طلقها كان حامي توقعت بتطول تسبحت ونشفت شعرها وراحت المستشقى عقب الطلق ب اقل من ساعتين كانت مفتوحه ٧ سانتي

ماااطولت بالولاده اهي استغربت لان طبيعتها ان طلقها حااامي بسرعه ينفتح الرحم

يعني هالشي يفرق من وحده لي الثانيه في ناص يطلقون ١٢ ساعه وما يفتح الرحم وناس بسرعه يفتح الرحم انتي لي شفتيه منتظم لا تطولين روحي فحطي احسن

 

[الزين عنزي والدلع سعودي]

الله ييسر ويسهل ..
انا فبنتي وولدي ماجاني طلق عطوني صناااعي ومع هذا بااااارد الطلق عالتحميله ال 3 تسويلي توسعه تخيلواااا .. من بعد لتوسعه يحمي الطلق عسى الله يأجرنا .. الصنااعي حار نوعه سبحان الله مو نفس الطبيعي .. وانا اللحين باخر التاسع وشكلي تحامميل طلق بعد .. وماعلى الله عسيرررر .. والحمدلله سهالات .. الفحص مو عواااار لا سبحان الله بس انج شاده توهمتي انه يعووور والا نفسه نفس اللي بالي بالكم ترا ماكو فرررررررق .. والفحص ان عورج بس حزته من تشيل الدكتورة ايدها ماكأن شي صار .. بس يلا خلوا عنكم الدلع .. وعسى الله يسرلنا ويسهل علينا .. ويجعل ذريتنا من الذريه الصالحه ياااااارب ..

 

[ام الحلوااات]

حــــســـب حــــااالـــتـــج واش كـــثـــــر فــــاااتــــح مـــعــــاااج الـــرحــــم عـــمــــــومـــــآ اخــتــــي لا تـــحــــاتـــيـــن الــــســــهــــالات مــــن ربـــــج واللــــــه يــــهــــــووووون عـــلـــيـــج ويــــقـــومـــــج بــــاالــــســــلامـــــه انــتــــي والــبــيــبــي​

 

[ميس:)]

يزاكم الله خير ماقصرتوا بردودكم عسى الله يسهل علينا اجمعين

 

[**Um '9a7oya**]

انا بقولج اللي صار معاي في في بجري
كنت اخر الثامن وكنت فاتحه ٢سم و قالت الدكتوره نطري بعد مو ولادة وبعد يومين كنت معزومه وكنت تعبانه وما اقدر اقعد بس ابجي من العوار و كان ينزل شوي ماي مع افرازات بنيه خفت ورحت المستشفى وكنت مفتوحه ٣ونص سم بس قالولي ولاده لان ينزل ماي شوي فخافوا وكنت اطلق من ١١ بليل و ولدت الساعه ٨ ونص والحمدالله ولدت طبيعي كنت خايف بس وكلت امري حق ربي وطول ما اطلق والدكتوره تقولي ضغطي كنت اذكر اسم الله واقول بسم الله والحمدالله كانت سهله ولادتي ولا تخافين حبي انا كنت خايفه من كلام الناس بس لمه جربت قلت ليتي ما سمعت كلامهم والحين انا حامل الحمدالله ومو خايفه من الولاده

 

[ميس:)]

ماقصرتي ام شيوخة الله يسهل عليكم

 

[KOKO_284I]

حطي عندج ورقه وقلم زحسبي كل اشكثر ييج الطلق بس يصير كل خمس دقايق بشكل منتظم روحي الطبيب

 

[ام حمود@22]

انا دكتوره ناهده قالتلي لا تروحين امبجر يلعبون فيج اذا صار طلقج كل عشر دقايق قومي تزهبي ونطريه يقل ٩ ٨ ٧ ٦ ليما ٥ دقايق روحي المستشفي بس انا في بجري قعدة سبع ساعات وهو منتظم على العشر دقايق مو راضي يقل وسبحان الله بس ركبت السياره بطريجي للمستشفى قام يقل والحمدلله ماطولت ولا لعبوا فيني بس في بنتي الثانيه حسافه نزل علي ماي وماكو طلق فكان لازم يولدوني وعطوني طلق صناعي بس سبحان الله صج كلشي طبيعي احسن والله يسهل علينا جميعا انا حامل الحين واتمنى من الله ولاده سهله وطبيعيه قولوا امين

 

[donutoo]

بنات تدرون قاعدة اقرا ردودكم وفيني البجية
انا الحين باول التاسع وببجري صار لي نفس ام حمود نزل على ماي وانا مافيني طلق
ولا مفتوحة ولا سانتي , ولما رحت المستشفى وفحصتني الدكتورة صرخت لانه محد قال لي عن الفحص ولا ادري شلون يفحصون على بالي بس بتشوف حتى اهي اخترعت قالت لي انتي ماتدرين شنو يعني فحص اول مرة ؟!
قلت لها اي وانا ابجي من العوار والخوف
بس صاجين البنات السهالة من رب العالمين وانشالله كلنا نولد بسهالة وصحة وسلام
ومثل ما قالوا البنات اذا انتظم عندج الطلق روحي
الله يهون عليج انشالله ويرزقج خف الطلق وحسن الخلق

 

[manoolita]

ماعندي فكره بس دخلت استفيد من ردود الخوات لاني عليميه و وايد احاتي و افكر بالولاده كابووووس بالنسبه لي عسى الله يهونها و يسهل على كل حامل يااااااااااااارب​